shadow
Diocese de Dili > NOTÍCIAS > LETURA DIÁRIA > Quarta-Feira, XXX DO TEMPO COMUM

Quarta-Feira, XXX DO TEMPO COMUM

Todos os Santos

ANO A

 

Primeira Leitura                                                                           Ap. 7:2-4,9-14

Lia housi livro Apocalipse

Hafoin, ha’u haré anjo ida tan sa’e sa’e housi lorosa’e, hodi lori sinal Maromak moris nian; nia bolu ho lia maka’as ba anjo na’in háat nebe simu tiha knar atu halo áat ba rai no tasi: “Keta halo áat lai ba rai ka ba tasi ka ba ai-hun sira, molok ami tau sinal iha Maromak nia atan sira nia rentós.”

Ne’e hotu tiha, ha’u haré ema lubun boot ida, sura la bele, housi nação, rasa, uma-kain no lia hot-hotu; sira hamriik iha kadunan no Bibi oan nia oin,hatais ho unuk mutin hodi kaér ai-tahan iha sira nia liman. Sira hakilar maka’as: “Maksoi mai housi ita nia Maromak nebe tur iha kadunan, no mós housi Bini oan!” No Anjo sira hotu nebe hamriik hale’u kadunan ne’e, hale’u katuas sira no balada háat sira, no sira ne’e tuku tur ba rai iha kadunan nia oin, hodi kona rai ho sira nia rentós, no adora Maromak ho liafuan sira ne’e: “Amen, lia hahi nian, glória, matenek, agradece, naran boot, ukun no kbiit ba ita nia Maromak nafatin ba nafatin.Amen”.

Tuir mai, katuas sira ida ko’alia hodi husu ha’u: “ita hatne sira nebe hatais mutin ne’e sé, no sira mai housi lós nebe?” Ha’u hatan ba nia: “Na’i, ita boot mak hatene”. Hafoin nia dehan: “Sira mak sira nebe terus maka’as, no fase mutin fali ona sira nia hatais iha Bibi oan nia ran”.

Maromak futar lia.

                                

Salmo Responsorial                                                                                                                                               Sal. 23(24):1-2,3-4ab,5-6(R.cf.6)      

Refrão: Ema otas ne’e mak buka Na’i. Repete-se

Rai no buat nebe iha nia, Na’i nian,

Mundo no buat tomak hôrik iha nia.

Na’i hatur rai iha tasi leten,

Hari nia iha we foho. Refrão

 

Sé mak sei bele sa’e ba Na’i Nia foho?

Sé mak sei hôrik iha Na’i nia kadunan?

Ida nebe liman mós, laran mós,

ida nebe la bolu leet Nia naran.  Refrão

 

Ema ne’e sei simu Na’i Niabensa,

nia sei hetan kolen housi Maromak, nia maksoi.

Ema otas ne’e mak buka Na’i,

Be buka Jacob nia Maromak nia futar oin.  Refrão

 

Segunda Leitura                                                                                                                                                                                                      1Jo. 3:1-3

Lia housi São João nia primeira Surat

Maun alin sira: Haré ba oinsá Aman hadomi ita; tan ne’e mak ita hanaran Maromak nia oan-tebes duni, ita Maromak nia oan. Mundo la hatene ita tanba nia la hatene Maromak. Ha’u nia doben sira, ohin kedas ita Maromak Nia oan, maibe ita seidauk hatene lolós ita sei sai oinsá. Maibe ita hatene katak wainhira Cristo mosu mai, ita sei sai hanesan Nia, basá ita sei haré Nia nu’udar Nia-an rasik. Ema hot-hotu nebe iha esperança ne’e haka’as-an atu sai mós hanesan Cristo.

Maromak Futar Lia.

 

Aclamação                                                                                                                                                                                                                    Mt.11:28

Refrão: Aleluia, Aleluia! Repete-se

Na’i dehan, “Imi hotu nebe kole no terus, mai buka Ha’u ba.

Ha’u sei kasu imi todan”.  Refrão

 

Evangelho                                                                                                                                                                                                                     Mt. 5:1-12a

Na’i Jesus Cristo nia Evangelho nu’udar São Mateus

Iha tempo neba, Jesus haré ema lubun boot, Nia sa’e ba foho. Hafoin, Nia tur tiha, escolante sira besik ba Nia. Nia hahu hanourin sira hodi dehan nune’e: “Ksolok ba ema kiak sira nebe kiak sira nebe kiak iha laran, basá, reino Lalehan sira nian. Ksolok ba sira nebe tanis, basá, sira sei hetan kmaan. Ksolok ba sira nebe haraik-an, basá sira sei simu rai hanesan lima-rohan. Ksolok ba sira nebe hamlaha no hamrook ba justiça, basá, sira sei bosu. Ksolok ba sira nebe laran-luak, basá, sira sei hetan di’ak. Ksolok ba sira nebe laran mós, basá, sira sei haré Maromak. Ksolok ba sira nebe buka dame, basá ema sei bolu sira Maomak oan. Ksolok ba sira nebe ema duni, fó terus tan buka justiça, basá, reino Lalehan sira nian. Ksolok ba imi, wainhira, tan Ha’u, ema hateten áat imi, duni imi, hodi foti lia bosok oi-oin hasouro imi. Ima haksolok ba, hahi ba, basá, imi nia kolen iha Lalehan wa’in liu”.

Lia Maksoin.

Leave a Reply

Your email address will not be published. Required fields are marked *