shadow
Diocese de Dili > NOTÍCIAS > Notícias > OINSA CREDA EXECUTA CONTRIBUIÇÃO FINANCEIRA HUSI GOVERNO RDTL BA IGREJA IHA TIMOR

OINSA CREDA EXECUTA CONTRIBUIÇÃO FINANCEIRA HUSI GOVERNO RDTL BA IGREJA IHA TIMOR

DCDD, 03 de Novembro 2017, Conferência Episcopal Timorense (CET) organiza encontro ida a nivel Creda Católica Timor Leste nian entre Clero, religioso no religiosa tomak iha Timor Leste ho Núncio Apostólico ba Timor Leste no Malásia Mgr. Joseph Marino iha Salão Canossa Has Laran Dili iha loron 3 fulan Novembro 2017 .

Sorumutuk ne’e halao ho intenção atu fahe informação no explica ba Clero, religioso no religiosa sira be sai nudar chefe ka lider ba comunidade eclesial sira iha Timor Leste kona ba oinsa mak Creda Católica Timorense tem que realiza concretamente Acordo nebe Santa Sé halo ona ho Governo Timor Leste liu husi documento nebe assina tiha ona iha loron 14 fulan Agosto 2015 iha palácio Governo, Dili.

Iha sorumutu ne’e Mgr. Joseph Marino iha ninia intervenção hodi loke sorumutk ne’e hateten katak acordo ne’e hanesan instrumento juridical ida nebe fo garantia ba ita nia ministério ho visão ida ba desenvolvimento espiritual no material Povo Timor nian liu husi servisu hamutuk be halo ho Estado no Governo RDTL. Ita labele considera acordo ida ne’e hanesan privilégio ida ba igreja maibe ida ne’e hanesan responsabilidade no obrigação bo’ot ida nebe tau iha igreja nia leten atu halao.

Acordo ne’e hare no identifica mos area fundamental sira nebe igreja iha Timor offerece hela servíco significativo ba. Area sira ne’e mak hanesan ministério nebe halao iha prisão, hospital, clínica no orfanato sira (artigo 8), servíços caritativas (artigo 4), educação hodi hari escola sira iha nivel hotu-hotu (artigo 9) no seluk seluk tan.

Atu bele tulun atividade fundamentais sira ne’e ho espírito collaboração diak acordo nebe iha fo dalan atu governo Timor Leste nian fo tulun financéiro balun tuir ninia kbiit nudar contribuição ida anualmente ba igreja hodi halao ninia atividade sira be iha relação liu ho atividade educativa no atividade social. Concessão ka tulun ida ne’e ninia montante no modalidade regulado iha acordo ida nebe  halo entre Governo Timor Leste ho Conferência Episcopal Timorense (CET) no hetan aprovação husi Santa Sé. Acordo ida ne’e nebe assina ona iha loron 16 fulan Junho 2017 contempla specificamente no detalhadamente oinsa mak tem que executa contribuição financeira ne’e. Relaçiona ho ida ne’e Conferência Episcopal Timorense elabora no prepara ona vademecum ida be depois hotu-hotu iha creda nia laran tem que lao tuir kona ba execusão  bacontribuição financeira be mai husi governo Timor Leste nian ne’e.

Kona ba tulun ne’e Mgr. Joseph Marino clarifica liu tan buat saida mak nudar Creda tem que halo, katak hanesan igreja ita sai deit administrador ba tulun ida ne’e ita la sai nain ba tulun ida ne’e. Ita administra deit tulun ne’e hodi tulun Maromak ninia povo iha sira nia moris material no espiritual. (Pb)

Leave a Reply

Your email address will not be published. Required fields are marked *