shadow
Diocese de Dili > NOTÍCIAS > LETURA DIÁRIA > XXXI DOMINGO IHA TEMPO COMUM

XXXI DOMINGO IHA TEMPO COMUM

ANO A

 

 

Primeira Leitura                                                                                                                                                                                 Mal. 1, 14b-2a, 2b. 8-10

Lia housi Livro Profeta Malaquias

Nai’in buat hotu nian, hateten: “Ha’u, Liurai boot ida, rai tomak hamta’uk Ha’u naran. Oras ne’e, Ha’u fo hatene ba imi sacerdote sira! Imi lakohi rona Ha’u karik, imi la buka hahí Ha’u naran karik – Na’in buat hotu nian, hateten: Ha’u sei haruka malisan ba imi. Imi husik ona dalan di’ak, ho imi nia hanourin, imi halo ema wa’in sidi, imi halakon ona moruk ho Leví – Na’in buat hotu nian, hateten. Tan ne’e, Ha’u sei halo, ema hakribit mos imi, halo hanesan buat aat ida iha povo nia oin, wainhira imi la tuir Ha’u dalan, hodi hakarak liu imi nia hanourin.” Ita hotu la iha Aman ida de’it? Tan sá imi bosok malu, hodi sala hasouru ita bein sira nia moruk?

Maromak Futar Lia

 

Salmo Responsorial                                                                                                                                                                                 Sal. 130(131),1-3

Refrão : Na’i, tau ha’u besik Ita,

                 Tan iha hakmatek. Repete-se

 

Na’i, ha’u laran la buka riku,

Ha’u matan la loko-an;

Ha’u la buka dalan atu sai boot,

La buka buat nebé boot liu ha’u. Refrão

 

Ha’u buka ha’u klamar moris nafatin

Iha hakmatek no ksolok.

Hanesan kosok oan iha inan hitin,

Nune’e mos ha’u klamar hakmatek iha ha’u-an. Refrão

 

 Segunda Leitura                                                                                                                                                                                          1Tes. 2, 7b-9. 13

Lia housi São Paulo nia surat ba sarani sira iha Tessalónica

Maun alin sira: Ami haraik-an iha imi leet, hanesan inan hamaus oan nebé ko’us. Nune’e mos, tan hadomi imi teb-tebes, ami hakarak imi hamutuk ho ami, laós Maromak nia Evangelho de’it, maibé, moris rasik, tan imi hadomi tebes ami. Tebes, maun alin sira, imi hatene hela ami nia knar no kolen. Ami serviço kalan loron atu keta fo todan ba imi ida-idak, maibé, ami haklaken Maromak Nia Evangelho. Tan ne’e, ami agradece nafatin Maromak: simu liu tiha Maromak futar lia nebé ami haklaken, imi hakarak simu, laós hanesan ema nia lia-fuan, maibé, nu’udar Maromak futar lia nebé lós duni; lia nebé oras ne’e dadaun, fo kbiit ba imi nebé fiar.

Maromak Futar Lia

 

Aclamação                                                                                                                                                                                                                  Mt. 11, 25

Refrão : Aleluia, Aleluia. Repete-se

Kmanek ba Ita, Aman Maromak , Lalehan no rai nia Na’in,

Tan Ita fo tada Reino Lalehan ba ema kiik sira!! Refrão

 

Evangelho                                                                                                                                                                                                               Mt. 23, 1-12

+  Na’i Jesus Cristo nia Evangelho nu’udar  São Mateus haktuir

Iha tempo nebá, Jesus hateten ba ema lubun boot ida no ba Nia Escolante sira, nune’e: “Ema Fariseu no Escriba sira tur ona iha Moisés nia fatin. Imi buka halo tuir buat nebé sira hateten, maibé keta tuir sira nia hahalok, tan sira hateten, maibé la halo. Sira kesi naha halo todan, hodi tau ba ema kábaas, maibé sira rasik la book naha ne’e ho sira liman fuan. Sira halo buat hotu atu ema haré sira: Sira buka de’it fatin boot atu tur iha mesa, buka de’it boot no di’ak iha Sinagoga; buka de’it ema hotu atu haksolok sira iha fatin hotu-hotu; hakarak ema halia sira ‘Mestre.’ Maibé, imi keta husik ema halia imi Mestre, tan imi nia Mestre ida de’it, imi hotu mesak maun alin. Iha rai, keta husik ema bolu imi ‘Aman’, tan imi Aman ida de’it, Aman Lalehan. Keta husik ema bolu imi ‘Doutor’, tan imi nia Doutor ida de’it, mak Messias. Imi nebé mak boot liu, sei sai atan. Ema nebé foti an, sei hatún nia; ema nebé haraik an, sei hahí nia. “

Lia Maksoyn

Leave a Reply

Your email address will not be published. Required fields are marked *