shadow
Diocese de Dili > NOTÍCIAS > LETURA DIÁRIA > Segunda-Feira, XXXII DO TEMPO COMUM

Segunda-Feira, XXXII DO TEMPO COMUM

ANO A

 

Primeira Leitura                                                                           Sab.1:1-7

Lia housi livro Sabedoria

Imi sira be ukun rai, buka hadomi justiça; hanoin di’ak kona ba Na’i hodi buka Nia haraik-an. Basá, Nia husik atu hetan Nia ba sira nebe la sadik Nia, hatudu An ba sira nebe laran metin iha Nia. Hanoin Áat sira sei dook housi Maromak; Nia biit tau atu koko; sei halo bilan ema laran áat sira. Matenek sei la tama iha klamar ida fo’er; sei la hôrik mós iha isin lolon ida nebe iha sala. Basá, Espírito Santo nebe hanourin ita, sei halai housi bosok, sei hadook-an housi hanoin áat no housi injustice.

Matenek mak Espírito ida nebe hadomi ema tomak, maibe, sei fó castigo ba ibun sira be dehan áat Maromak. Basá, Maromak mak sasin kona ba nia hanoin tomak, tama borus nia fuan hodi rona nia liafuan sira. Tan Na’i nia Espírito nakonu iha Mundo tomak, Nia nebe to’o iha fatin hotu, hatene buat hotu nebe dehan sai.

Maromak Futar Lia

 

Salmo Responsorial                                                                                                                                              Sal.138(139):1-3,4-6,7-8,9-10 (R.24b)

Refrão : Na’i, lori ha’u tuir dalan rohan laek nian. Repete-se

Na’i, Ita Ita hatene borus ha’u an tomak,

Ita hatene uanhira ha’u toba no hader;

Ita hatene borus ha’u nia hanoin tomak,

Ita haré ha’u uanhira ha’u la’o no ha’u descansa,

Ita hamatan tuir ha’u nia hakat hotu. Refrão

 

Liafuan seidauk to’o iha ha’u nanal,

Ita hatene ona nia, Na’i.

Ita taka ha’u nia sourin hotu,

No lolo Ita liman mai ha’u leten.

Matenek kmanek boot be ha’u la bele hatene,

Aas liu atu la bele to’o. Refrão

 

Iha nebe ha’u bele subar an housi Ita Espírito?

Iha nebe mak ha’u heli-an housi Ita oin?

Ha’u sa’e karik ba lalehan, Ita iha neba,

Ha’u tun karik ba rai kle’an nakukun,

Ha’u sei hetan Ita iha neba. Refrão

 

Ha’u semo karik ho liras dadersaan nian

Hodi hôrik iha tasi rohan liu ba,

Ita futar liman sei hatudu dalan mai ha’u,

Ita futar liman lós sei tahan ha’u. Refrão

 

Aclamação                                                                                                                                                                                                        Flp. 2:15d, 16a

Refrão : Aleluia, Aleluia !! Repete-se

                  Imi sei sai nabilan hanesan fitun sira iha mundo,

hodi hatudu ho laran metin Liafuan Moris nian. Refrão

 

Evangelho                                                                                                                                                                                                                     Lc.17:1-6

Na’i Jesus Cristo nia Evangelho nudar São Lucas haktuir

Iha tempo nebe, Jesus dehan tan ba nia escolante sira: “La bele hadook ema housi exemplo áat sira; maibé susar ba ema nebe fó exemplo áat. Kesi fatuk boot dulas batar nian ida ba nia kakorok hodi soe nia ba tasi di’ak liu fali nia dada labarik kiik sira ne’e ida bas ala.”

“Imi haré didi’ak ba: o nia maluk ida halo sala karik, fó hatene ba nia; nia hakribi sala karik, perdua nia. Nia salad ala hitu karik hasouru o iha loron ida nia laran, no nia hateten mós bad ala hitu ‘Ha’u hakribi,’ perdua nia b.”

Apóstolo sira hateten ba Na’i: “Habo’ot ami nia fiar!” Na’i hatan ba sira: “Imi nia fiar boot karik hanesan modo musan ida, imi bele dehan ba aihun ne’e: ‘Fokit o an housi ne’e, ba kuda o an iha tasi laran,’ nia sei halo tuir”.

Lia Maksoyn

Leave a Reply

Your email address will not be published. Required fields are marked *