shadow
Diocese de Dili > NOTÍCIAS > LETURA DIÁRIA > Terça -Feira, XXXII DO TEMPO COMUM

Terça -Feira, XXXII DO TEMPO COMUM

ANO A

 

Primeira Leitura                                                                           Sab.2:23;3:1-9

Lia housi livro Sabedoria

Maromak hakiak ema atu la bele sa dodok, hakiak ema tuir Nia ilas rasik. Mate tama mundo tan ba Diabo laran moras, no sira nebe liu housi nia, sei hetan mate. Maibé, ema di’ak sira nia klamar iha Maromak futar liman, castigo ida sei la besik sirak. Tuir ema áat sira nia haré, hanesan malisan ida; sira nia mate hanesan buat áat ida nebe lakon tiha ona; maibe sira hôrik hela iha dame laran. Maski sira hetan castigo, tuir ema nia haré, sira laran metin lós ba moris rohan laek. Sira simu tiha castigo oituan, sei hetan rahun di’ak boot tebes, basá, Maromak koko tiha sira; hetan iha sira di’ak hodi simu sira iha Nia sorin. Maromak koko sira hanesan haben osan mean iha ahi; simu sira hanesan karan housi ahi. Uainhira simu tiha tulun, sira sei sai nabilan hodi halai hanesan ahi nia funan iha du’ut maran sira le’et.

Sira sei ukun nação sira hodi tau matan ba povo sira; Na’i sei ukun sira hotu tinan-ba-tinan. Ema sira nebe fiar iha Na’i, sei hatene lialós; sira nebe halo tuir Na’i Nia hakaran sei horik ho Nia iha domin, basá, graça no laran luak sei haraik ba Nia emar nebe Nia fihir tiha ona.

Maromak Futar Lia

 

Salmo Responsorial                                                                                                                                      Sal. 33(34): 2-3, 16-17, 18-19, (R. cf. 2a)

Refrão : Ha’u sei hahi Na’i loron kalan. Repete-se

 

Ha’u sei hahi Na’i kalan loron,

Nia rahun di’ak iha nafatin ha’u ibun.

Ha’u klamar fó glória ba Na’i;

Sira be haraik-an rona no haksolok. Refrão

 

Nai tau matan nafatin ba ema nebe laran mós,

Nia rona ema laran di’ak nia hakilar;

Nia fila oin housi sira be halo áat,

Atu halakon nia naran housi rai. Refrão

 

Na’i sei rona sira nia halerik,

Sei hasai sira housi todan neon sala nian;

Tan ba Na’i besik liu ema neon susar sira,

No soi sira housi susar laran. Refrão

 

Aclamação                                                                                                                                                                                                                   Jo. 14-23

Refrão : Aleluia, Aleluia!! Repete-se

Ema nebe hadomi Ha’u, sei halo tuir Ha’u nia liafuan;

Ha’u Aman sei hadomi nia, Ami sei hela ho nia. Refrão

 

Evangelho                                                                                                                                                                                                                  Lc. 17:7-10

Na’i Jesus Cristo nia Evangelho nudar São Lucas haktuir

Iha tempo neba, Jesus lia tun ba escolante sira: “Iha imi leet se mak iha atan ida nebe fila rai ka hein bibi, uainhira nia fila mai uma, sei dehan ba nia: ‘O mai lalais tur iha mesa?’ Nia sei la dehan fali: ‘O ba tein,’ ka ‘O ba hatais lalais atu ha’u han no hemu; ne’e liu tiha mak o sei tur han no hemu?’ Ema se mak sei fó obrigado ba nia atan tan atan ne’e halo buat nebe nia haruka? Nune’e mós imi, uainhira imi halo tiha imi nia knaar tomak, dehan ba: ‘Ami atan folin laek, ami halo de’it ami nia obrigação.”

Lia Maksoyn

Leave a Reply

Your email address will not be published. Required fields are marked *