shadow
Diocese de Dili > NOTÍCIAS > LETURA DIÁRIA > Sexta -Feira, XXXII DO TEMPO COMUM

Sexta -Feira, XXXII DO TEMPO COMUM

ANO A

 

Primeira Leitura                                                                           Sab. 13:1-9

Lia housi livro Sabedoria

Ema hotu nebe moris beik kona ba Maromak, sira nia hanoin mesak áat, basá, housi buat di’ak hirak nebe ita bele haré, sira la bele hatene Ida nebe iha nanis ona houri uluk liu, hodi hanoin kona ba nia hahalok kmanek sira, sira la to’o atu hatene Ida nebe hakiak sasan hirak ne’e. Maibé, sira hanoin katak ahi, anin, anin be huu, fitun sira nia kabuar, wé maka’as, roman lalehan nian, nu’udar Maromak, ukun na’in mundo nian. Sira hakfodak karik ho sasan sira ne’e nia kmanek hola sira nu’udar Maromak; sir abele hatene di’ak liu tan, buat hirak ne’e nia Nain mak kmanek liu dook sira hotu, basá, Ida nebé hakiak buat kmanek tomak mak halo buat hirak ne’e hotu. Buat hirak ne’e nia biit no nia beran mak halo sira hakfodak hanesan ne’e karik, sira sei hatene lolós housi buat hirak ne’e, Ida nebé halo buat ne’e Nia biit maka’as liu tebes. Tan buat hotu neb’e hakiak nia. Maibé, iha ema sira ne’e hetan todan oit uan, tan sira hanoin sala wainhira buka Maromak hodi hakarak ho laran, hetan Nia. Wainhira sira la’o hale’u iha sasan tomak nebé Na’i hakiak ne’e nia leet, sira buka haré no fihir didiak iha fatin hot-hotu atu hatene, maibe, sasan sira nebé sira haré, bosok sira matan, tan sasan sira ne’e mesa kmanek tebes. Maibe, maski nune’e, sira sala nafatin: Sira to’o hetan karik naroman naton nebé halo sira haré lós mundo nia lala’ok, tan sá sira la buka hatene lalais, Na’in buat hotu nian?

Maromak Futar Lia

 

Salmo Responsorial                                                                                                                                                      Sal. 18A(19A): 2-3, 4-5 (R. 2a)

Refrão : Na’i, Ita futar liafuan, hela tinan-ba-tinan!!! Repete-se

Lalehan haklaken Maromak Nia glória,

Firmamento halekar Nia futar liman nia hahalok.

Loron ida hato’o ba loron seluk lia tatoli ne’e,

Kalan ida fó hatene lia ne’e ba kalan seluk. Refrão

 

La iha liafuan, la iha lia,

La hatene nia katak sá.

Nia lia-hatan-teni habelar iha rai tomak,

Nia lia tatoli housi rai-ikun to’o rai-ulun. Refrão

 

Aclamação                                                                                                                                                                                                          Lc. 21:28

Refrão : Aleluia, Aleluia!!! Repete-se

Imi hamriik ba hodi foti imi ulun,

Basá imi nia maksoyn besik ona. Refrão

 

Evangelho                                                                                                                                                                                                       Lc. 17:26-37

Na’i Jesus Cristo nia Evangelho nudar São Lucas haktuir

Iha tempo nebá, Jesus lia tun ba escolante sira: “Nu’udar mosu tiha ona iha Noé nia loron, nune’e mós sei mosu iha Oan Mane nia loron sira: sira han hemu, mane sira hola feto, feto sira hola mane to’o loron nebé Noé tama iha ro laran no udan tau maka’as nebé halakon sira hotu. Sei mosu mós hanesan iha Lot nia loron: sira han hemu dadaun, sira sosa no faan, sira kuda no harii uma. Maibé iha loron nebé Lot sai tiha housi Sodoma, ahi no enxofre tun housi lalehan hodi oho sira hotu. Nune’e mós sei mosu iha loron nebé Oan Mane sei hatudu an.

Iha loron nebá, ema nebé iha uma nia kakuluk keta tun atu hola nia sasan sira; nune’e mós ida nebé iha to’os fila fali bá buat nebé nia husik. Imi hanoin fali Lot nia feen.”

“Ema nebé hakarak soi nia moris, sei lakon moris ne’e; no ema nebé lakon nia moris, sei soi Nia. Ha’u dehan bá imi: iha kalan nebá ema na’in rua sei toba iha fatin ida: sei lori ida husik ida seluk. Feto na’in rua sei tuku batar hamutuk: sei lori ida, hodi husik ida seluk.” Sira simu dehan: “Na’i, buat ne’e sei mosu iha lós nebé?” Nia hatan bá sira: “Iha fatin nebe isin mate hela, iha nebá mós mak manu makikit sira sei halibur hamutuk.”

Lia Maksoyn

Leave a Reply

Your email address will not be published. Required fields are marked *