shadow
Diocese de Dili > NOTÍCIAS > Notícias > JOVEM SAI ATENÇÃO AO MESMO TEMPO SAI PREUCUPAÇÃO

JOVEM SAI ATENÇÃO AO MESMO TEMPO SAI PREUCUPAÇÃO

DCDD – (11/11/2017) Presidente Departamento Juventude Católica Diocese de Dili (DEJUCDDIL) Pe. João Soares dehan lia hirak nee iha nia Palestra ba foinsae sira iha Paróquia Becora relaciona ho comemoração evento Massacre 12 de Novembro nebe comemora ona ba dala 26 iha Timor-Leste.

Tuir Presidente DEJUCDDIL haktuir katak: Iha fatin nebe deit inclui nação hotu-hotu, ema sempre tau atenção ba jovem sira e ao mesmo tempo sai preucupação. Jovem hetan atenção husi família, sai atenção husi nação no sai atenção ba iha Creda. Além de sai atenção husi ema hotu, sai mos hanesan preucupação husi família, nação no mos Creda, tanba natureza foinsae sira nian nee, ita bele dehan sira iha etapa ida, iha momento ida, iha espaço ida no sira iha momento ida nebe sira laos kikoan no sira laos ferik no katuas. Iha momento ida nee duni jovem  iha razão atu sai atenção no preucupação.

Tuir Pe. João katak; Jovem sira sai atenção tanba jovem mak iha idade ida nebe idade produtiva. Katak iha tempo ida nebe bele hanoin buat barak no bele halo buat hotu. Ida nee mak sai atenção. Nomos ema dehan katak Jovem mak sai airin ba Creda no nação. Maibe iha parte seluk mos, jovem sai mos preucupação basá ho idade ida nebe produtiva bele iha possibilidade produz buat nebe maka família, estado no Igreja hein kona ba buat nebe diak. Maibe, iha idade sira hanesan nee mos maka iha possibilidade bele produz buat ida nebe mak ladiak ka aat iha nebe família nunca hakarak hein no rona, laos sai espectativa família, nação no Creda nian. Tanba nee, oinsa mak atu hare ba comfusão ida nebe mak haleu hela família, sociadae no Creda maka jovem tem que fo resposta ba comfusão hirak nee. Atu fo resposta ba comfusão hirak nee, uluk nanain ita tem que identifica uluk ita nia-an ho Liafuan nebe Amo Papa dehan “JOVEM CATÓLICO LAOS JOVEM SOFÁ”.

Pe. João Soares hateten; hau hakarak sita oituan tema nebe imi hakerek katak “Jovem sinal Maromak nian ba mundo, esperança ba família, Igreja no Nação”. Se ita dehan Jovem sinal ida ba mundo nee katak presença jovem ida nian atu comunica, hatoo, tatoli Maromak ba ema seluk. Hatudu husi nebe? Husi jovem nee nia presença. Tanba nee, iha mensagem amo Papa nian nebe dehan dala barak liu ita hela metin hela iha situação nebe ita concidera situação nee tur fatin nebe diak liu, tur fatin nebe mamar liu, tur fatin nebe halo ita hamriik mos dificil, mas que ita tur hela iha SOFÁ ida nebe dalabarak lori hela ita ba iha comfusão, tur hela iha SOFÁ ida nebe lori ita ba mate no tur hela iha SOFÁ ida nebe dalabarak la lori tranquilidade ba família no tranquilidade pessoal. Tanba nee, precisa descobre ita ser pessoal nee atu nunee bele hamriik tiha husi fatin sira nebe la iha tranquilidade ba moris.

Pe. João Soares haktuir tan katak: Iha jovem barak dehan nunee; hau la ba missa mos hau sente contente hela, hau la tuir formação sira mos hau sente diak hela, hau halo problema iha sociadade mos hau sente nyaman. Hirak nee hotu tanba ita dependente liu ba SOFÁ ida nebe ita lakohi atu husik. Tan nee Santo Padre husu atu jovem sira tem que hamriik hodi lao no halo netik buat ruma bainhira sei halo hela vida iha mundo nee wainhira moris ikus too mai.

Pe. João hateten; Jovem ida precisa cria buat diak hodi contribui ba família, nação no Igreja. Jovem sira mos precisa halo sacrifício hodi brani husik buat nebe la diak iha moris. Se ita nafatin moris no hela iha vida nebe la fo vantagem mai ita, então sinal ida nebe divia ita hatudu, maibe ita halakon tiha sinal Maromak nian iha mundo. Tanba nee, Atu dehan katak jovem tem que hamriik, tem que lao no tem que iha visão ida ba ninia-an rasik iha vida ida tuir mai neePe. João Soares hateten; hau kaer ba Papa Francisco nia Liafuan nebe tatoli iha Jornada Mundial Juventude nian iha fulan Julho 2016 nebe que dehan “JOVEM CATÓLICO LAOS JOVEM SOFÁ”.(N.Q.R)

Leave a Reply

Your email address will not be published. Required fields are marked *