shadow
Diocese de Dili > NOTÍCIAS > LETURA DIÁRIA > Segunda-Feira, XXXIII DO TEMPO COMUM

Segunda-Feira, XXXIII DO TEMPO COMUM

ANO A

 

Primeira Leitura                                          1Mac. 1. 10-15. 41-43. 54-57. 62-64

Lia housi primeiro livro Macabeus nian

Iha loron hirak neba, ida iha sira nebe ukun fali iha liurai Alexandre Macedónia nia fatin, sai tiha liurai laran áat ida: Antíoco Epífânio, liurai Antíoco nia oan mane. Iha tempo uluk, nia hela iha Roma hanesan ema dadur. Nia sai liurai iha tinan atus ida tolunulu resin hitu, iha ukun liurai sira Grego nian. Iha tempo neba, mosu iha Israel ema áat barak nebe heuuai fiar, hodi bosok emak barak ho liafuan hirak ne’e; “Ita ba halo moruk ida ho nação gentio sira nebe hela besik ita, basá, houri tempo nebe ita haketak malu ho sira, ita hetan ona buat áat barak”. Liafuan hirak ne’e monu lós ba ema hirak ne’e nia laran. Ema balun housi povo Israel ba lalais kedas hasouru liurai, nebé fó licença ba sira hodi moris tuir lisan gentio sira nian. Sira hari ginásio ida iha Jerusalem tuir lisan gentio sira nian. Sira la tuir ona lisan circuncisão nian hodi hadook-an housi moruk Santo; sira halo tuir fali gentio sira nia lisan, fó-an tomak ba moris iha sala.

Hafoin, liurai halo surat hodi fó ordem ba nia reino hot-hotu, atu hamutuk halo povo ida de’it, ida-idak sei husik nia lisan uluk nian. Nação gentio sira hotu halo tuir kedas liurai nia ordem; ema barak housi Israel simu gentio sira nia hanourin, hodi hasa’e sacrifício ba maromak falso sira; la hamta’uk ona loron sábado.

Iha loron sanulu resin lima, fulan ba dala sia, tinan atus ida hatnulu resin lima, liurai haruka hari fali iha altar hasa’e sacrifício nia leten, altar ida “abominação da desolação” ba maromak falso, no iha rai sira hadulas cidade Judá nian, haruka hari mós altar sira. Iha uma hot-hotu nia odamatan, iha basar, sira sunu ai ben morin. Livru hotu lei nian nebe sira hetan, sira les hotu tiha, hafoin sunu. Iha ema ruma nian uma, rai subar karik livro moruk nian, hodi tuir lei sub-subar, nia sei simu mate tuir liurai nia ordem.

Maibé, ema barak iha Israel, barani nafatin, laran metin iha moruk hodi la han naan bandu. Sira saran-an ba mate atu la bele hafo’er-an no hahan hirak ne’e hodi lakohi halo sala hasouru moruk Santo. Tebes, sira fó duni-an ba mate. Na’i Nia hirus monu maka’as iha Israel leten.

Maromak Futar Lia

 

Salmo Responsorial                                                                                                                     Sal. 118(119). 53 e 61. 134. 150. 155. 158 (R.cf.88)

Refrão :  Na’i, haraik moris mai ha’u,

                  Ha’u sei halo tuir Ita ukunfuan. Repete-se

 

Ha’u laran hirus hasouru ema maksalak sira,

Nebe fila kotuk ba Ita Nia lei.

Ema maksalak sira nia hani hale’u ha’u,

Maibé, ha’u la haluha Ita lei. Refrão

 

Na’i, soi ha’u housie ma sira nia babeur,

Atu bele halo tuir Ita ukunfuan.

Hakbesik ona mai ha’u ema áat sira haterus ha’u,

Sira moris dook housi Ita lei. Refrão

 

Maksoyn dook hela housi maksalak sira,

Tan sira la moris tuir Ita lei.

Ha’u neon susar tebes iha maksalak sira oin,

Tan sira la moris tuir It alia hakotu. Refrão

 

Aclamação                                                                                                                                                                                                                  Jo. 8.12

Refrão : Aleluia, Aleluia!!! Repete-se

                  Na’i dehan: Ha’u mundo nia roman; ema sé tuir Ha’u,

                  Sei hetan roman moris nian. Refrão

 

Evangelho                                                                                                                                                                                                             Lc. 18. 35-43

Na’i Jesus Cristo nia Evangelho nudar São Lucas haktuir

Iha tempo neba, wainhira Jesus hakbesik Jericó, ema matan delek ida tur iha dalan ninin hodi husu esmola. Rona tiha ema lubun boot liu dadaun, nia husu sáida mak mosu. Sira hatan, “Jesus housi Nazaré liu daudaun.” Ne’e duni, nia hakilar: “Jesus, David nia oan, sadi’a atan ha’u!” Sira nebe la’o iha oin haksi’ak nia atu nonok tiha, maibé nia hetok foti lia maka’as liu tan: “David nia oan, sadi’a atan ha’u!” Jesus para hodi haruka sira lori nia mai. Wainhira ema matan delek ne’e hakbesik, Jesus husu ba nia: “Ó hakarak Ha’u halo sáida ba ó?” Nia hatan: “Na’i, atu ha’u haré fali!” Jesus dehan ba nia: “Haré fali ba; ó nia fiar soi tiha ó.” Nia haré kedas no hahu tuir Jesus hodi hauélok Maromak. Haré tiha ne’e, povo tomak hahi Maromak.

Lia Maksoyn

Leave a Reply

Your email address will not be published. Required fields are marked *