shadow
Diocese de Dili > NOTÍCIAS > LETURA DIÁRIA > Sexta-Feira, XXXIII DO TEMPO COMUM

Sexta-Feira, XXXIII DO TEMPO COMUM

ANO A

 

Primeira Leitura                                                               1Mac. 4. 36-37, 52-59

Lia housi primeiro livro Macabeus nian

Iha loron hirak neba, Judas Macabeu ho nia maun-alin sira dehan: “Oras ne’e, tan ita nia funu baluk sira la’o namkari ona, ita sa’e ba hamos fali Templo Santo hodi halo nia sai fatin harohan nian”. Nune’e, soldado tomak libur hamutuk hodi sa’e ba foho Sião.

Iha loron sanulu resin lima iha fulan bad ala sia, fulan Quisleu nian, tinan atus ida háatnulu resin walu, sira sai dadersaan de’it, hodi ba hasa’e sacrifício ida, tuir lei haruka, iha altar foun sacrifício nian, nebe sira halo. Sira halulik altar ne’e hodi hananu ho lian harpa, cítara ho címbalo nian, iha duni tempo no loron nebe gentio sira hafo’er fatin Santo ne’e. Povo hot-hotu tuku tur ba rai hodi adora no hahi Ida be iha Lalehan tan lori sira ba manan. Sira halo festa hodi halulik altar ne’e. Iha loron walu nia laran, ho ksolok, sira hasa’e karan no sacrifício dame hahi nian. Sira hafutar Templo nia oin ho coroa osan mean nian no kalili kiik, hadi’a fali odamatan sira be hodi tama, hadi’a Na’ilulik sira nia hela fatin hodi tau fali odamatan atu taka. Povo sira hotu haksolok teb-tebes, no lia áat sira housi gentio sira halakon tiha hotu ona. Judas ho nia maun-alin sira hamutuk ho povo hotu Israel nian hakotu lia atu loron halulik altar nian halo festa iha nia loron lolós tinan-tinan iha loron walu nia laran, hahu housi loron ruanulu resin lima, fulan Quisleu nian.

Maromak Futar Lia

 

Salmo Responsorial                                                                                                        Sal. 1Cr. 29. 10. 11ab, 11cd e 12ab, 12cd  e 13 (R.13b)

Refrão : Na’i, ami hahi Ita naran nia glória!!! Repete-se

 

Rahun di’ak ba Na’i, ba nafatin,

Maromak Israel nian, ita Aman;

Ba Ita, Na’i, kmanek boot no biit,

Hahi, hana’i no glória. Refrão

 

Buat hotu nebe iha Lalehan no Rai Ita nian,

Ita mak Liurai ida mesak buat hotu nian.

Housi Ita mai riku soi no glória,

Ita mak Na’i bam undo raiklaran tomak. Refrão

 

Uku no biit iha Ita futar liman,

Ita futar liman tahan hodi fó biit ba buat hotu;

Ami hahi Ita, Na’i, ami Maromak,

No haliban Ita naran nia glória. Refrão

 

Aclamação                                                                                                                                                                                                          Jo. 10. 27

Refrão : Aleluia, Aleluia!!! Repete-se

                 Ha’u Nia bibi sira rona Ha’u lian, Na’i lia tun;

                 Ha’u hatene sira, sira mai tuir Ha’u. Refrão

 

Evangelho                                                                                                                                                                                                       Lc. 19. 45-48

Na’i Jesus Cristo nia Evangelho nudar São Lucas haktuir

Iha tempo neba, to’o tiha iha Jerusálem, Jesus tama tiha iha templo, Nia hahu duni sai sira nebe faan, hodi dehan ba sira: “Hakerek tiha ona: ‘Ha’u nia uma sei sai uma oração nian; maibé imi halo tiha nia na’okten sira nia luhan!”

Loron-loron Nia hanourin iha templo. Maibé na’ilulik sira nia ulun sira, escriba sira no mós na’i ulun sira povo nian buka atu oho Nia. Maibé sira la hatene atu halo oin sá, basá povo tomak hakarak teb-tebes rona Nia.

Lia Maksoyn

Leave a Reply

Your email address will not be published. Required fields are marked *