shadow
Diocese de Dili > NOTÍCIAS > Notícias > SIDADÃO TIMOROAN ULUK SEPARA HUSI FAMÍLIA HASORU MALU HO PR

SIDADÃO TIMOROAN ULUK SEPARA HUSI FAMÍLIA HASORU MALU HO PR

DCDD (21/11/2017) Maluk Timor oan sira nebe maka uluk separa ho família hahu husi tinan 1977/78, 1980 no 1990, Terça-feira nee hasoru malu ho Presidenta da República Dr. Francisco Guterres Lu-Ólo iha Palácio Presidente da República Aitarak laran Dili. Actividade nee realiza tan servisu hamutuk ho estado Timor-Leste ho Indonésia no hetan tulun mos husi Sociadade Civil Indonésia no Timor-Leste hodi buka tuir maluk Timoroan sira nebe uluk militar Indonésia lori sai husi Timor-Leste ho idade 5, 6, 7 anos. Sira nebe presente composto husi Lospalos, Ermera, Liquiça, Aileu, Ainaro, Maubisse, Same Viqueque no mos husi Dili nee rasik.

Tuir Provedor Dr. Silveiro Pinto Batista PDHJ haktuir katak; Ohin sira mai atu comprimenta ita nia Presidente da República Dr. Francisco Guterres Lu-Ólo nebe representa husi Dra. Ana Pessoa husi Casa Civil, além nee representa mos husi Casa Militar Presidencia da República Dr. Cirilio atu iha mos diálogo ituan entre ita nia maluk sira atu fahe imformação ituan kona ba política saida deit mak ita nia estado Timor-Leste halo ona durante nee atu nunee sira bele iha imformações.

Ita espera ho mensagem nebe Dr. Ana Pessoa hatoo iha maluk sira nee katak, sira nee mak sei sai hanesan Embaixador Timor-Leste nian iha Indonesia e ita espera sira bele representa ita nia estado atu bele transmite imformação balu ba ita nia maluk sira nebe maka too loron nee ita sidauk hetan no sidauk halo política para halo reunificação ida nee tanba ita boot sira hatene katak actividade nee ita halao tanba comprimisso entre estado rua Indonésia ho Timor-Leste nebe ba estado Timor-Leste nian hatur iha recomendação CAVR nian ho mos comissão nebe mak estado rua nee halao tiha ona iha tinan hirak liu ba. Tuir ita nia política estado Timor-Leste ita nia CRDTL no mos lei sidadania nakloke ba timoroan hotu. Tanba iha Constituição hateten katak; ema nebe moris iha timor ka inan ama moris iha rai liur ou inan aman ema timor sira iha direito atu sai hanesan sidadão. Sira hirak nee nia exigência mak ida nee oinsa mak estado Timor-Leste ho Indonesia atu facilita atu sira nia viagem tuir mai nee mais fácil

Tuir sra. Galuh Wandita Director Ajur Indonesia haktuir mos katak actividade buka tuir sidadão Timoroan nebe uluk militar Indonesia lori sai husi rai timor ba iha fatin-fatin sira iha Indonesia nian nee, ami halao ona durante tinan tolu nia laran nebe servisu hamutuk ho sociadade sivil husi Indonesia ho Timor-Leste. Tanba nee, ami nia mensagem mak ida nee too tempo atu nação rua nee tur hamutuk no servisu hamutuk hodi cria netik ação ruma hodi buka tuir maluk hirak nee.

Tuir sra. Galuh Wandita katak iha ema barak nebe mak oras nee saudades tebes ba nia família iha Timor leste. Tanba nee sira hirak nia experiência sai nudar motivação ida naçvão Timor ho Indonesia atu halo reformação ba violação direito humanos nebe acontece ona iha tempo passado. Nunee mos atu halo reformação ba iha Instituição militar iha altura neba hodi uja labarik sai nudar TBO atu buat hirak nee labele acontece fila fali. Ngl

Leave a Reply

Your email address will not be published. Required fields are marked *