shadow
Diocese de Dili > NOTÍCIAS > LETURA DIÁRIA > Terça-Feira, XXXIV Tempo Comum

Terça-Feira, XXXIV Tempo Comum

ANO A

 

Primeira Leitura                                                                       Dan. 2. 31-45

Lia housi Profecia Daniel nian

Iha loron hira neba, Danieldehan Nabocodonosor: “Liurai, ita hetan mehi ida ne’e: Mosu estatua boot ida, nabilan teb-tebes, hamriik iha ita nia oin, nia oin halo ema hamta’uk nia. Estatua ne’e nia ulun osan mean, nia hirus matan no liman sira osan mutin, nia knotak ho nia kelen riti, nia ain kabun besi, nia ain sira besi no balun halo ho tahu. Wainhira ita haré hela ba nia, fatuk ida mosu housi foho mai, la hodi ema nia liman book, baku iha estatua ne’e nia ain sira be halo ho besi no tahu, sai rahun no uut hotu kedas. Nune’e, besi, tahu, riti, osan mutin no osan mean nakrahun dala ida de’it. Sira sai henesan haré uut iha bai loron, anin lori namkari hotu hodi la husik hela sinal ida. Fatuk nebé baku iha estatua nakfila tiha ba foho boot ida hodi halo nakonuk rai tomak. Ne’e mak ita nia mehi.

Tuir mai, ami sei haktuir ba liurai mehi ne’e katak sá. Ita mak liurai, liurai ba liurai hot-hotu, ba ida nebé Maromak lalehan nia fó ukun, fó kbiit, beran no glória. Nia tau iha ita liman ema hot-hotu, balada sira be iha rai luan, manu sira be semo iha lalehan iha nebé sira hela ba, hodi halo ita sai na’i ba sira hotu. Basá, ita duni mak ulun osan mean nian. Tuir ita, sei mosu reino seluk, kiik liu ita nian; tuir ida ne’e, sei mosu reino ba dala tolu, reino ida riti nian nebé sei ukun rai tomak. Sei mosu tan reino ba háat, tós hanesan besi, hanesan besi nebé harahun buat hotu, reino ida ne’e mós sei samahodi harahun reino sira hotu. Nia ain no nia ain fuan sira nebé ita haré, baluk sira balun ho tahu, baluk seluk ho besi, hatudu katak reino ida nakfahek an. Tan ne’e, mak ita haré besi kahur ho tahu mamar. Maibé, nia ain fuan sira baluk balun ho besi, baluk seluk fali ho tahu, ne’e katak reino ne’e balun sei sai maka’as, balun fali sei sai fraco. Nu’udar ita haré besi kahor ho tahu, mamar, hanesan ne’e mós ita sei haré sira nia hamutuk iha casamento; Maibé, sira nia hamutuk sei la metin. Hanesan besi la bele hametin malu ho tahu iha klaran. Iha liurai sira ne’e nia tempo, Maromak Lalehan nian sei halo mosu reino ida nebé sei metin ba nafatin, reino ida ne’e sei la fó fatin ba povo seluk. Nia sei harahun hodi halakon reino hot-hotu, nia rasik sei hela metin ba nafatin, hanesan ita haré fatun monu housi foho, la hodi tulun liman ida nian, harahun besi, riti, tahu, osan mutin no osan mean. Maromak boot fó hatene ba liurai buat nebé ikus mai sei mosu. Mehi ne’e, mehi lós tebes no nia explicação, it abele fiar.”

Maromak Futar Lia

 

Salmo Responsorial                                                                                                                                                       Dan. 3. 57-58, 59, 60, 61 (R.59b)

Refrão : Hahi no hawelok Na’i ba nafatin!!! Repete-se

Na’i Nia criatura hotu, Hawelok Na’i ba;

Hahí no hawelok Na’i ba nafatin. Refrão

 

Lalehan sira, hawelok Na’i ba,

Hahí no hawelok Na’i ba nafatin. Refrão

 

Na’i Nia anjo sira, hawelok Na’i ba,

Hahí no hawelok Na’i ba nafatin. Refrão

 

Wé fohon iha lalehan nia leten, hawelok Na’i ba,

Hahí no hawelok Na’i ba nafatin. Refrão

 

Kbiit sira Na’i nian, hawelok Na’i ba,

Hahí no hawelok Na’i ba nafatin. Refrão

 

Aclamação                                                                                                                                                                                                         Ap. 2. 10c

Refrão : Aleluia, Aleluia!!! Repete-se

                  Laran metin ba to’o mate no

                  Ha’u sei fó ba ó coroa moris nian. Refrão

 

Evangelho                                                                                                                                                                                                             Lc. 21. 5-11

Na’i Jesus Cristo nia Evangelho nudar São Lucas haktuir

Iha tempo neba, tan ema balun ko’alia kona ba templo hodi hateten katak ema hafutar nia ho fatuk mesak furak no buat karan sira, Jesus dehan: “Loron sei to’o wainhira buat nebé imi haré dadaun ne’e sei sobu hotu; fatuk ida sei la hela iha fatuk seluk nia leten”. Sira husu ba Nia: “Mestre, wainhira mak buat hirak ne’e mosu? Sira sei hahu ho sinal ida nebé?”

Jesus hatan: “Haré ba, atu ema keta lohi imi; basá ema barak sei mosu mai hodi Ha’u nia naran dehan ‘Mak ha’u!’ no ‘Tempo besik ona!’ Keta tuir sira. Wainhira imi rona ema ko’alia kona ba funu no revolução sira, keta ta’uk, basá buat hirak ne’e hotu sei mosu uluk, maibé rohan seidauk to’o mai kedas.” Hafoin Nia dehan ba sira: “Povo ida sei hamriik halo funu hasouru povo seluk, reino ida hasouru reino seluk. Rai sei nakdoko maka’as; iha fatin oi-oin ema sei hamlaha, moras peste sei mosu; buat nebé halo ema ta’uk sei mosu mai, ho sinal boot iha lalehan.

Lia Maksoyn

Leave a Reply

Your email address will not be published. Required fields are marked *