shadow
Diocese de Dili > NOTÍCIAS > LETURA DIÁRIA > Quarta-Feira, XXXIV Tempo Comum

Quarta-Feira, XXXIV Tempo Comum

ANO A

 

Primeira Leitura                                        Dan. 5. 1-6, 13-14, 16-17, 23-28

Lia housi Profecia Daniel nian

Iha loron hirak neba, liurai Baltasar fó jantar boot ida ba nia emar ulun sira rihun ida, hodi hemu tua iha sira ne’e nia oin. Tan hemu tua to’o lanu ona, liurai Baltasar haruka lori mai vasu sira osan mean no osan mutin nian, nebé nia aman Nabucodonosor hadau housi templo Jerusalém nian, atu liurai, liurai nia emar nia ulun sira, sira nia féen sira ho sira nia feto kiik sira, hemu tua iha vaso sira ne’e nia laran. Sira hotu hemu duni tua iha vaso hirak ne’e nia laran, hodi hahi sira nia maromak falso sira be osan mean, osan mutin, riti, besi, ai no fatuk.

Iha oras neba duni, mosu ema nia liman fuan sira nebé hakerek iha ahi nia oin, iha ahu mutin didin nian iha kadunan liurai; liurai haré rasik liman ne’e hakerek. Haré tiha ne’e, liurai nia oin nakfila tiha kedas, neon susar teb-tebes; ruin sira iha knotak siin hotu, nia ain tur sira baku ba malu. Haruka bolu Daniel mai iha liurai nia oin, liurai hato’o liafuan hirak ne’e ba nia: “Ó mak Daniel uluk houris ida housi Judá nian nebé liurai, ha’u aman, lori housi Judá mai iha ne’e? Ha’u hateten katak espírito divino hôrik iha ó. Tan ne’e, ó hetan naroman, matenek boot no hanoin áas. Ha’u rona hateten mós katak ó iha kbiit atu interpreta lolós mehi, no bele mós si’ik aisasi’ik sira. Ó bele lê karik liafuan hirak be hakerek iha didin ne’e, hodi fo hatene mai ha’u nia katak sá, ha’u sei fó hatais ó ho hena liurai nian, ó sei tara corenti mean iha kakorok, ó sei hetan fatin bad ala tolu iha ukun reino nian”.

Nune’e, Daniel simu hodi hatan ba liurai, dehan “Rai ita an ita nia hahi an, no fó ba ema seluk ita nia buat ksolok (presente) sira. Ha’u sei lê ba liurai liafuan sira be hakerek ne’e hodi fo hatene mós ninia significado. Tan liurai foti-an hasouru Na’i Lalehan nian, hodi haruka hola vaso sira housi Nia templo nebé liurai ho ulun sira nia emar nian, ho féen sira no feto kiik sira hodi hemu tua. Ita hahi hodi fó glória ba maromak falso sira be osan mean, osan mutin, riti, besi, ai no fatuk, nebé la haré, la rona, no mós la iha hanoin. Maibé, imi la hahi no la fó glória ba Maromak nebé ukun ó nia iis hodi tau matan ba ó nia dalan sira hotu. Tan ne’e, mak housi Nia futar oin, haruka tun liman ne’e mai hodi hakerek liafuan hirak ne’e. Liafuan sira be hakerek mak ne’e: “Mené, Téquel, Parsin, liafuan sira ne’e nia significado ma ne’e: ‘Mené’: ‘Sura tiha ona’, Maromak sukat tiha ona ó nia ukun hodi hakotu tiha ona nia rohan; ‘Téquel’: ‘Tetu tiha ona’, tetu tiha ona ó nia dasin, maibé, kmaan hela; ‘Peres’: ‘Nakfahek’, ó nia reino sei fahe-an hodi saran ba ema Medo no ba ema Persa sira”.

Maromak Futar Lia

 

Salmo Responsorial                                                                                                                                           Dan. 3. 62, 63, 64, 65, 66, 67 (R.59b)

Refrão : Hahi no hawelok Na’i ba nafatin!!! Repete-se

 

Loron matan no fulan, hawelok Na’i ba,

Hahi no hawelok Na’i ba nafatin. Refrão

 

Fitun sira iha Lalehan, hawelok Na’i ba,

Hahi no hawelok Na’i ba nafatin. Refrão

 

Udan no maho-wen, hawelok Na’i ba,

Hahi no hawelok Na’i ba nafatin. Refrão

 

Anin sira, hawelok Na’i ba,

Hahi no hawelok Na’i ba nafatin. Refrão

 

Ahi no manas, hawelok Na’i ba,

Hahi no hawelok Na’i ba nafatin. Refrão

 

Malirin no we nahisi, hawelok Na’i ba,

Hahi no hawelok Na’i ba nafatin. Refrão

 

Aclamação                                                                                                                                                                                                            Ap. 2. 10c

Refrão : Aleluia, Aleluia!!! Repete-se

Laran metin ba to’o mate no Ha’u sei fó

Coroa moris nian. Refrão

 

Evangelho                                                                                                                                                                                                        Lc. 21. 12-19

Na’i Jesus Cristo nia Evangelho nudar São Lucas haktuir

Iha tempo neba, Jesus lia tun ba nia escolante sira hodi dehan: “Maibé uluk liu buat ne’e hotu, ema sei kaer imi, sei haterus imi, sei lori imi ba sinagoga no hatama imi iha dadur laran. Ema sei saran imi ba liurai no embo’ot sira tan Ha’u nia naran; no imi sei fó sasin. Ne’e duni, hametin imi nia laran hodi lalika hanoin uluk atu hatan oin sá; basá Ha’u sei fó ba imi lia no matenek, nebé imi nia funu baluk sira hotu sei la bele tahan eh ko’alia hasouru. Imi nia aman inan, maun alin, parenti no belun sira sei saran imi. Ema sei oho imi balun. Ema hotu sei odi imi tan Ha’u nia naran. Maibé imi nia fuuk lahan ida mós sei la monu lakon. Ho paciência, imi sei soi imi nia klamar”.

Lia Maksoyn

Leave a Reply

Your email address will not be published. Required fields are marked *