shadow
Diocese de Dili > NOTÍCIAS > REFLEXÃO > LEITURA & REFLEXÃO, I DOMINGO TEMPO ADVENTO /ANO B/2017

LEITURA & REFLEXÃO, I DOMINGO TEMPO ADVENTO /ANO B/2017

Primeira Leitura                                                          Is. 63, 16b-17;64, 1. 3b-8

Lia housi Livro Profeta Isaías

Na’i, Ita Boot ami Aman: Houri uluk kedas Ita naran “ami Maksoyn!” Na’i, tan sá Ita husik ami la’o dook housi Ita dalan, la hamta’uk Ita Boot? Tan Ita atan no tamba povo Ita liman-rohan Ita hiit-An fila mai. Tebes, Ita lés karik lalehan, hiit-An tun mai karik, foho sai tetuk hotu iha Ita Boot futar oin. Ita Boot tun tebes duni, foho sira sai tetuk duni iha Ita futar oin! Tilun ida seidauk rona, matan mos la dauk haré katak Maromak seluk ida halo nune’e, hodi tulun sira nebé laran metin ba Nia. Ita ba hasouru sira nebé ho ksolok moris tuir justiça; iha Ita dalan, sira hanoin Ita. Ita hirus, tanba ami maksalak; maibé, ami sei hetan Maksoyn! Ami hotu nu’udar buat foer, ami nia hahalok di’ak, sai tiha nu’udar hena foer. Ami hotu monu hanesan ai-tahan, ami salan lori ami hanesan anin. La iha ema ida temi Ita naran eh hadér atu simu tulun housi Ita. Ne’e, tanba Ita subar Ita futar oin mai ami, hodi husik la’o lerek tuir ami salan. Maibé, Na’i ami Aman, ami hotu sai housi Ita futar liman.

 

Salmo Responsorial                                                                                                                                                      Sal. 79 (80) 2ac. 3b, 15-16, 18-19

Refrão : Na’i, ami Maromak, halo ami fila, hatudu Ita futar oin mai ami,

                 ami hetan Maksoyn. Repete-se

Israel bibi-atan, rona hela mai;

Tur nabilan iha Querubin sira fohon!

Hatudu Ita kbiit, mai sadia ami. Refrão

 

Maromak buat tomak nian, hiit-An mai hias,

housi lalehan aas ba, haré mai!

Haré Ita toos, tahan nia,

basá, Ita futar liman mak kuda nia! Refrao

 

Lolo liman ba ema be Ita hili,

ba sira nebé Ita tau Ita kbiit,

ami sei la husik tan Ita.

Haraik moris mai ami, atu ami temi Ita naran. Refrão

 

Segunda Leitura                                                                                                                                                                                                    1 Cor. 1, 3-9

Lia housi São Paulo nia surat ba sarani sira iha Corinto

Maun-alin sira: Ita Aman Maromak no Na’i Jesus Cristo haraik dame no graça ba imi. Ha’u fo agradece nafatin ha’u nia Maromak tan graça nebé Nia haraik ba imi iha Jesus Cristo. Imi simu kbiit iha Nia ba imi lia fuan no ba imi neon, tuir imi testemunha lolós Cristo nian. Nune’e, imi la kuran ona naran graça ida, imi sira be hein ita Na’in Jesus Cristo ninian hatudu. Nia mak sei hametin nafatin imi nia fiar, sei halo imi mós nafatin to’o Na’i Jesus Cristo nia loron. Maromak nebé bolu imi atu hamutuk ho nia Oan, Ita Na’in Jesus Cristo, sei halo tuir duni Nia liafuan.

 

Evangelho                                                                                                                                                                                                              Mc. 13, 33-37

Na’i Jesus Cristo nia Evangelho nu’udar São Marcos haktuir

Iha tempo nebá, Jesus lia tun ba escolante sira: “Matan  moris neon  na’in, basá,  imi la hatene sá  loron. Hanesan ema ida nebé la’o ba rai dook: Molok husik nia uman, nia fahe  knar  ba atan ida-idak, fo mos kbiit tomak ba sira, hafoin haruka hela atan odamatan nian tau matan ba sira. Ne’e duni, imi matan moris neon  na’in, basá, imi la hatene wainhira Na’i to’o mai: Loraik, kalan fahe-rua, manu  kokorek, dadersán nakukun. Nia teki-tekil mai keta hetan imi toba hela. Buat nebé Ha’u dehan ba imi, Ha’u dehan ba hotu-hotu: Matan moris neon na’in!

 

MENSAGEM 

Ita-nia texto integra iha parte datoluk discurso escatológico nian. Nia refere diretamente ba tempo ikus no ba atitude nebé dicípulo sira tem que iha hasoru encontro ikus no definitivo ho Jesus. Nia objetivo mak forma no halo sira iha kbiit atu enfrenta história ho determinação no esperança. Evangelho domingo ne’e nian hahú ho aikanoik ida–ema ida nebé ba viagem dook no fahe knaar ba atan sira no haruka porteiro atu hein (kf. Mc 13,33-34)–no remata hodi fó hanoin kona-ba atitude loos atu hein Na’i (kf. Mc 13,35-37). Jesus nia objetivo mak fó hanoin atu rai no hafunan rikusoyn sira nebé Jesus konfia ba escolante sira molok Nia fila ba Aman. “Uma-na’in” aikanoik nian mak Jesus. Hodi husik mundo ne’e atu fila ba Aman, Nia confia ba escolante sira knaar atu hari “Reinu” no halo sai realidade mundo ida hari ho valór sira Reinu nian. Dicípulo sira Jess nian labele tur hodi hein ho hakmatek Na’i; sira iha missão ida–missão ida Jesus rasik entrega atu halo sai concreto, mas que ho condição contrário. Ita labele haluha buat ne’e: ita-nia hein la’ós hein ida passivo, maibé hein nebé ativo, hodi implica compromisso efetivo ho construção mundo ida humano liután, fraterno liután, justo liután, evangélico liután. Sé mak “porteiro”, ho knaar especial vigiláncia nian (vers. 34)? Iha Marcos nia perspetiva, “porteiro” mak ema nebé iha responsabilidade especiál iha comunidade saran. Ninia missão mak impede atu valór nebé la’ós Evangelho nian invade comunidade no dinámica Reinu nian. Figura “porteiro” nian mak responsável sira comunidade sarani nian, nebé iha missão vigiláncia no animação comunidade nian. Sira tem que tulun comunidade atu dixerne ho modo permanente, valór sira nebé mundo iha, hodi hare buat nebé comunidade bele eh labele aceita atu moris iha fidelidade ativa ba Jesus no ba Ninia proposta sira. Hotu-hotu –“porteiro” no “Na’i” nia atan sira –tem que sai ativo no vigilante. Liafuan-xave Evanjelho loron ne’e nian mak: “vigiláncia”. Mas que nune’e, “vigiláncia” la significa moris iha história ninin, hanesan anjo no dook husi mundo, hodi evita compromete an atu la hafoer an ho realidade sira mundu nian; maibé nia tem que haka’as an atu harii Reinu, loron ba loron, hodi realiza ho fidelidade knaar nebé Na’i entrega ba nia. Knaar sira-ne’e liu husi compromisso efetivo ho construção mundo foun, mundo ida nebé moris ba beibeik tuir Maromak nia projeto sira. Ita-nia texto assegura dicípulo sira, nebé la’o iha mundo, katak objetivo finál história humana no encontro definitivo no libertadór ho Jesús. “Na’i mai”–Jesús rasik garante; no serteza ne’e tem que anima no fó esperança ba dicípulo sira, liuliu iha momento crise no confusão nian. Escolante sira labele lakon esperança, mas que buat hotu rahun iha sira nia sori-sorin, hodi hare borus husi estrutura tuan sira nebé monu, realidade mundo foun nebé moris daudaun. Saida mak escolante sira tem que halo, bainhira hein atu mundu definitivo foun mosu mai? Sira ho coragem no perseverança, tem que fó sira-nia contributo ba edificação “Reinu” nian, hodi sai manu-ain dame, justiça, domin, perdão, fraternidade nian, no cumpre missão nebé Jesus entrega.

 

Hanoin kona ba ó rasik nia fiar: 

Tempo Advento ne’e tomak, tulun ita atu hare kona ba simu Maromak nebé mai horik beibeik iha ita nia moris tomak no iha mundo. Ita hare tuir ba Maromak hourik iha Jesus, hosi encarnação nebé ita celebra iha loron Natál. Ita hanoin ba Maromak mai iha ita nia moris, liu hosi ema seluk no mós hosi acontecimento nebé mosu mai ita. Ita hanoin ba Maromak mai iha ita mate no Nia sei hala’o justiça ba nação tomak wainhira mundo ne’e remata.  Evangelho ohin nian haktuir mai ita atu loke ita matan no simu Na’i Maromak iha ita moris no iha ita nia mundo. Ita tenta halo nafatin desafio hodi hetan ho Maromak iha ita moris loro-loron no neon moris ba simu Nia. Maromak bele mosu derepente, liu hosi ema ka acontecimento nebé halo ita hakfodak. Moris iha Maromak Nia presença, halo ita nia moris muda beibeik ba di’ak. Ita nia moris rasik la’ós afeta de’it ita rasik nia relação ho Maromak maibé afeta moris tomak nia dezenvolvimento. Loron Domingo ohin nian, desafio ba ita hodi hare kle’an liu tan kona ba Na’i Maromak Nia presença no hatene katak Nia mak kaer mundo ne’e. Nia bolu ita atu hala’o knaar iha Nia reinu ho justiça, domin no damen.   

Ó hatene katak Maromak nia presença hamutuk ho ó no iha ó laran. Halo nusá mak ó sei servisu ba Maromak nia reinu?

Leave a Reply

Your email address will not be published. Required fields are marked *