shadow
Diocese de Dili > NOTÍCIAS > HOMILIA DO BISPO > “Hau Mak Ne’e halo tuir Ita nia hakarak”. NAI NIA HAKARAK mak ida nebe Los?

“Hau Mak Ne’e halo tuir Ita nia hakarak”. NAI NIA HAKARAK mak ida nebe Los?

Maluk doben sira dala ida tan ita sarani Diocese Dili halibur hamutuk iha ne’e atu festeza ita nia Padroeira “MARIA IMACULADA CONCEIÇÃO “ ba dala 77. Wainhira ita hanoin kona ba Maria, dala barak admira nafatin Maria nia SIM mas que nune’e laos fácil atu moris; conciente ita nia inconcistência sira mak ohin ita hakat mai iha ne’e; basá lia-fuan, “Husu ba ó sei simu, dere ba odamatan sei nakloke, nune’e mos buka ba ó sei hetan duni”. Empresta karik Papa nia  lia-fuan; “Sarani ema Esperança Nian!

Prova ida kona ba Maromak Nia laran diak mai ita mak ohin iha ita nia le’et, Nia hili tan foinsae nain rua; ida husi Fatubessi no ida seluk husi Padiae, Mariano Netto ho Adérito Sequira hasae sira nia hakarak ba Maromak iha Solenidade Imaculada Conceição.

Hanesan Virgem Maria hatene loke-an ba Maromak, disponível, haraik-an no obediente. Nune’e mós ita hotu particularmente ba ita nia Diácono nain rua; Adérito e Mariano atu laos admira deit furak hotu nebé Na’i Maromak halo ba Feto Virgem housi Nazare no graça ordenação nian nebé eleva imi ba grão sacerdote nian, maibé hakiak duni iha ita ida-idak nia laran ábito ida ser aberto, disponível, humilde e obediente.

Basá ita moris iha mundo nebé la ses housi sala no sala nain sira. Maibé mundo ida nebé nega existência sala nian. Tanba sa? Basá sala ofença hasoru Maromak no ema barak la fiar iha Maromak. Nee duni, se la iha Maromak, sei laiha moss ala. Sala nafatin haleu ita, ita rasik hare nune mos buat nee ita hare iha jornal no televisão hanesan adulteiro, aborto, naok, bosok, oho no seluk-seluk tan.

Basá sala original ho concupiciência oi-oin mak ita ofende Maromak, balun ho sala kiik(venial) no balun fali ho sala boot(mortal). Ohin ita celebra festa ida husi ita nia leet, feto ida nebe nunca monu bas ala, Maria husi Nazare, Imaculada Mãe de Deus.

Imaculada katak sa?(nee laos tan ona novidade maibe atu fo hanoin fali no haklean liu tan conhecimento) ita hatene didiak katak hodi salal uluk Adão ho Eva nian ema hotu iha nia conceição, la ho graça halo santo nian; nunee ho Crsto liu husi batismo ita hetan graça. Santa Creda hanorin katak Maromak haraik ba Maria, graça atu husi kedas loron nia criação nian, Nia la no nunca iha sala nia okos;

Imaculada katak foer laiha. Basá sala mak foer nebe iha ita nia klamar, nebe tem que puro iha Maromak nia futar oin; Creda fiar katak Maria iha nia conceição la “foer” ho sala original nebe significa la falta Maromak nia graça. Prova husi nee mak ita foti husi Anjo Gabriel nia saudação ba Maria, Ave, Maria cheia de graça! (Luc 1;28). Tanba “cheia de graça” nia moris no hahalok tomak monu los duni ba Maromak nia futar laran santo.

Oração sira missa ohin nia sublinha liu ba Maria “preserva” husi sala. Jesus mate iha cruz, moris hias fali no lori redenção mai ita. Nia mak we matan moris supernatural nian, ita hola parte liu husi fiar, batismo no sacramento sira; santa Creda hanorin mai ita katak Maria preserva husi sala original ho mérito Jesus nian, Nia oan no Nia redentor; Nee duni Maria mak ida nebe dahuluk hetan redenção, primeira cristã; Nia hetan redenção iha isin, klamar nunee mos emoção perfeitamente iha maneira hotu.          

Virgem Maria iha missão ida especial iha ita ema nia redenção. Nunee Maromak hadia “hela fatin ida nebe digno duni” ba Nia oan Jesus, ida nebe sama samea nia ulun (Gen 3:15); satanas mos la iha kbiit atu foti liman hasoru Nia. Nia moris tiha duni husi feto ida nebe sala laek, nunca hela iha sala nia okos mos; hanesan Maromak prepara paraiso ida mos (La foer) ba Adão ho Eva, nunee mos Maria “Segundo paraiso la foer” (sala laek) ba Maromak Nia oan atu hodi hela ba durante fulan sia nia laran, molok moris iha Belem.

Pais da Igreja (aman sira Creda nian) compara Maria ho Eva. Sira nia comparação nee tuir Bíblia hanorin, Eva mak buat moris hotu nia inan; nia lori mai iha mundo buat nebe moris nunee mos mate; maibe Maria mak verdadeira Mãe ba buat moris hotu buat hotu nebe espiritualmente moris ba nafatin husi Nia Oan; tan nee ita hanaran, ‘Creda nia Inan’.

Wainhira Bernadete iha lurdes husu ba Feto Virgem nebe mosu ba nia, nia naran, Nia hatan, “Hau mak imaculada Conceição” basá Nia fo moris ba ita nia Salvador, virgem Maria mak ami nia inan, tuir ordem graça nian; nia coopera ho dalan hotu-hotu ba redenção; “Hau mak nee halo tuir ita nia hakarak.” Maria nakloke ba Maromak, disponível, haraik-an no obediente.

Tuir Papa Paulo VI wainhira koalia kona ba ba devoção ba Maria caracteriza ho liafuan 4 nee; hatene Maria, hadomi Maria, Imita no habelar Maria. Maria nia fidelidade extraordinário duni no ida nee mak ita hatene, ita admira, ita imita no hadaet.

Iha família oan sira normalmente iha tendência atu imita tuir sira nia inan-aman sira; ita hare iha Maria virtude hotu sira inan diak ida nian; ita tem que hakasan atu imita nia fiar, nia esperança no nia domin ba Jesus no nia desejo tomak atu coopera ho obra redenção nian;

Ita tem que pronto atu ba nati tuir Nia ida nebe laiha sala hodi evita sala hotu mortal nunee moss ala kiik (venial); ita precisa duni, husi ba nia graça atu iha força atu evita sala sira atu nunee ita mos bele sai no soi duni horil fatin Maromak Nia graça nian;

 “Halo tuir buat nebe Nia dehan ba imi”(Jo 2:5)

Ida nee mak lafuan ikus Nain Feto nian iah Testamento Foun, iha milagre Canna Galileia nian, wainhira hare katak tua laiha ona nia haruka atan sira atu halo tuir buat nebe Nia Oan haruka “Halo tuir buat nebe Nia dehan ba Imi”(Jo 2:5). Ida nee mak ohin virgem Maria hakarak dehan ba imi rua, diácono Adérito e Mariano atu tui Cristo besik liu tan.

Tau ida nee iha imi nia neon:

“Amululik ho Sacramento Ordem, simu autoridade atu halo no ocupa Cristo nia fatin, “Alter Cristus”(Cristo nia saseluk-sai sinal particular no lolos Cristo nian) nunee nia iha Jesus nia fatin sai ulun ba assembleia Maromak nian liu-liu oferece sacrifício Eucaristia iha Nai nia naran”.

Identidade sacerdócio nian mai husi participação iha sacerdócio Cristo nian iha nebe ordenado iha Creda sai imagem lolos, moris no transparente Cristo Nailulik boot, liu husi consagração, Nailulik hanesan don ida spiritual participa iha autoridade Jesus Cristo iha Creda nudar guia uma Creda nian”.

Amululik ida nia hakarak ka lae nia participa iha Cristo nia sacerdócio atu servisu iha Creda nee duni nia presence nee real, moris no transparente. Ita nia vocação laos deit atu exerce knar ida maibe liu-liu atu comfigura ita nia-an tuir Cristo; halo Cristo moris iha ita; koko atu moris oinsa ema seluk bele hare Cristo iha ita laos deit iha buat nebe ita celebra maibe ha moris. Hanesan liafuan nebe ita rona iha loron ordenação nian “Hanorin buat nebe o fiar, moris tuir buat nebe o hanorin.” Hanesan Jesus Cristo ita mos nia bolu atu sai deit sinal ida trangível maibe credível.

Tan nee iha momento sira nebe imi sente desanima no duvida ho o nia moris, ba no kaer fali o nia rito ordenação le no medita liu-liu promessa nebe halo iha loron ordenação por exemplo; o hakarak hamutuk liu tan ho Cristo, sumo sacerdote, nebe tan hamutuk ho Nia, hasae an baa man nudar karan santo hodi hamutuk ho nia, hasae an ba tomak ba Maromak ba ema sira nia salvação?

No iha duni momento ida tan nebe precisa presta atenção, wainhira hau sei entrega hostia iha patena laran, cális ho tua no we acompanha ho liafuan hirak nee,

Simu ba buat karan povo santo hasae ba ó apresenta ba Maromak, hanoin didiak kona ba buat nebé ó sei halao ó nia moris sai tuir mistérioa Nai nia Cruz nian.

Nee duni iha festa Imaculada Conceição nian nee saida los Maromak Nia hakarak mai hau, bo o, ba sira nune’e mós ba ita nia maun alin nain rua; Adérito e Mariano.

Leave a Reply

Your email address will not be published. Required fields are marked *