shadow
Diocese de Dili > NOTÍCIAS > LETURA DIÁRIA > Sabádo, Oitavo do Natal-6

Sabádo, Oitavo do Natal-6

ANO B

 

Primeira Leitura                                                                             1Jo. 2. 12-17

Lia housi primeira livro São João nian

Ha’u oan sira, oras ne’e ha’u hakerek dadaun ba imi, basá imi salan simu ona perdua, tan Jesus nia naran. Ha’u aman sira, ha’u hakerek dadaun ba imi, tan imi hatene ona Ida nebé iha nanis ona housi uluk mai. Ha’u foin-sa’e sira, ha’u hakerek dadaun ba imi, tan imi manan buat áat. Ha’u oan sira, ha’u hakerek tiha ona ba imi, tan imi hatene Aman. Ha’u man sira, ha’u hakerek tiha ona ba imi, tan imi hatene Ida nebé iha nanis ona. Ha’u foin-sa’e sira, ha’u hakerek tiha ona ba imi, tan imi iha kbiit, Maromak Nia liafuan sei hôrik iha imi, tan imi manan tiha onabuat áat. Imi keta hadomi mundo no mós buat nebé mundo iha. Ema ruma hadomi karik mundo, domin Maromak nian la hôrik iha nia. Basá buat hotu nebé mundo iha, isin nia hakaran, matan nia hakaran no riku-soi loko-an nian, la mai housi Aman, mai housi mundo. Nune’e mundo sei mohu, nia hakaran mós sei mohu, maibé ema nebé halo tuir Maromak nia hakaran sei moris ba nafatin.

Maromak Futar Lia.

 

Salmo Responsorial                                                                                                                                                     Sal. 95(96). 7-8ª, 8b-9, 10 (R. 11ª)

Refrão : Lalehan haksolok, rai-klaran hahi!!! Repete-se

                  Hawelok, povo sira, hawélok Na’i;

                  Hawelok Nia glória no Nia kbiit.

                  Hawelok Nia naran Nia glória. Refrão

 

                  Lori buat karan no tama ba iha Nia kadunan,

                  Adora Na’i hodi hatais be lulik,

                  Nakdedar iha Nia futar oin, rai-klaran tomak. Refrão

 

                  Haklaken ba povo hot-hotu: ‘Na’i mak Liurai’.

                  Nia hari mundo metin, sei la nakdoko,

                  Na’i ukun povo hotu ho justiça. Refrão

 

Aclamação                                                                                                                                                                                                              Heb. 1. 1-2

Refrão : Aleluia, Aleluia!!! Repete-se       

                  Santo mak loron nebé naroman ida mosu mai ita. Mai adora Na’i ba.

                  Ohin ne’e naroman boot ida nabilan mai rai tomak. Refrão

 

Evangelho                                                                                                                                                                                                              Lc. 2. 36-40

Na’i Jesus Cristo nia Evangelho nudar São Lucas haktuir

Wainhira Maria ho José lori Jesus ba hasa’e ba Na’i iha Jerusalém, iha templo iha hela profeta feto ida, naran Ana, Fanuel nia oan feto, housi uma-kain Aser nian. Nia ferik ona, moris tiha nu’udar feto-káben-na’in kmanek iha tinan hitu nia laran, hafoin hela faluk to’o tinan ualunulu resin háat. Nia la hadook-an housi templo, kalan-loron serbi de’it Na’i Maromak, la han la hemu, no harohan nafatin. Iha oras neba, nia mai hodi fó agradece ba Na’i no ko’alia kona ba Labarik ne’e ba sira hotu nebé hein maksoyn Jerusalém nian.

Halo tuir tiha buat hotu nebé Na’I nia ukunfuan haruka, sira fila fali ba Galileia, ba sira nia cidade iha Nazaré. Labarik oan mós sai boot ba dadaun no maka’as liu tan, nakonu ho matenek, no Maromak nia graça hela hamutuk ho Nia.

Lia Maksoyn

Leave a Reply

Your email address will not be published. Required fields are marked *