shadow
Diocese de Dili > NOTÍCIAS > LETURA DIÁRIA > Quinta-Feira, I Semana iha tempo Comum

Quinta-Feira, I Semana iha tempo Comum

ANO B

 

Primeira Leitura                                                                              1Sm. 8. 4-7, 10, 22ª

Lia housi primeira livro Samuel nian

Iha loron hirak neba, ema filisteu sira halibur malu atu hafunu hasoru Israel. Israel oan sira sai ba hasoru atu hafunu ho sira. Sira ba hela iha Eben-Ezer no filisteu sira hela iha Afec. Filisteu sira hamriik hodi hafunu hasoru Israel oan sira. Sira hahu funu hasori malu.Filisteu sira manan tiha Israel oan sira hodi oho sira tomak nebe hamutuk iha ema rihun haat. Povo fila fali ba nia fatin; katuas sira Israel nian, dehan: “ tansá ohin Na’i halo ita lakon iha ema filisteu sira oin? Ita ba Silo hodi lori Na’i nia arca aliança atu nia mai hela iha ita leet, hodi bele soi ita husi funu baluk sira liman”. Nune’e povo ba lori husi Silo mai na’i lalehan no rai nia arca aliança, nebe hatur hela iha querubim sira leet. Eli nia oan mane na’in rua, Hofni no Fineias, ba hamutuk Maromak nia arca tama iha acampamento, Israel oan sira oan sira hotu hakilar ho lian maka’as nebe sira lia ba to’o rai tomak. Ema filisteu sira rona lian ida ne’e, dehan: “katak sá lian maka’as ida ne’e iha ema Hebreu sira nia acampamento?” sira hateten katak Na’i nia arca to’o ona iha acampamento. Nune’e, filisteu sira tauk hodi dehan ba malu: “Maromak mai ona iha acampamento”. Sira dehan ho lian maka’as: “ita susar ona! To’o oras ne’e buat hanesan ne’e seidauk mosu! Ita susar ona! Sé mak sei soi ita husi Maromak biit wain ne’e nia liman? Nia mak hakanek Egipto iha rai fuik maran ho castigo oi-oin. Filisteu sira, aten brani ba, laran metin ba, atu imi keta monu ba Hebreu sira, hanesan sira monu ona ba imi. Imi brani ba hodi hafunu”.filisteu sira ba hafunu: Israel oan sira sai lakon tiha, ida-idak halai ba sira nia tenda. Lakon boot teb-tebes , tan husi soldado sira Israel, ema rihun tolunulu mak mate. Ema lori halai tiha Maromak nia arca. Eli nia oan na’in rua, Hofni ho Fineias mós mate.

Maromak Futar Lia.

 

Salmo Responsorial                                                                                                                                                                Sal. 97(98). 1, 7-8, 9 (R. 3c)

Refrão : Na’i, sai ami ba, tan Ita laran-luak !!! Repete-se

Oras ne’e, Na’i, ita hakribi no husik ami,

Ita la la’o ona iha ami soldado sira oin;

Ita halo ami hakiduk husi funu baluk sira oin,

Sira be rai kunan mai ami, lori ami riku-soi. Refrão

 

Ita halo moe ami iha ami maluk sira oin,

Ema sira be hale’u ami sai hirus tebes;

Ita halo ami nu’udar buat folin laek

Iha nação sira leet,

Povo tomak hamoe ami. Refrão

 

Na’i, hader ba! Tan sá ita dukur?

Hader ba! Keta hakribi ami ba nafatin.

Tan sá ita subar ita futar oin,

Hodi haluhan ami susar no ema hanehan ami? Refrão

 

Aclamação                                                                                                                                                                                                         Jo. 1. 14ª, 12ª

Refrão : Aleluia, Aleluia!!! Repete-se       

Na’i Jesus haklaken liafuan di’ak reino nian no fó isin di’ak ba moras sira iha povo nia leet. Refrão

 

Evangelho                                                                                                                                                                                                               Jo. 1. 35-42

Na’i Jesus Cristo nia Evangelho nudar São João haktuir

Iha tempo neba, ema mane ida moras lepra, mai buka Jesus, hakneak ba rai hodi husu ba nia: “ita hakarak karik, ita bele fó isin di’ak mai ha’u. Jesus hanoin nia, lolo liman ba nia hodi káer nia. Hafoin dehan: “Ha’u hakarak: ó sei hetan isin di’ak”. Iha oras ne’e kedas lepra lakon, nia hetan isin di’ak. Jesus haruka nia ba, hodi dehan  ho oin maka’as: “keta dehan ba ema ida; maibé, ba hatudu ó nia-an ba sacerdote, hodi hasa’e buat nebé Moisés haruka hasa’e, atu fó hatene katak ó hetan isin di’ak. Maibé, nia sai, ba fó hatene kedas buat ne’e iha fatin hotu. Nune’e, Jesus la bele ona tama hatudu-an iha naran cidade ida. Nia la’o de’it iha liur, iha rai fuik; husi fatin hotu, ema mai buka nia.

Lia Maksoyn

Leave a Reply

Your email address will not be published. Required fields are marked *