shadow
Diocese de Dili > NOTÍCIAS > LETURA DIÁRIA > Sexta- feira, I semana iha tempo comum

Sexta- feira, I semana iha tempo comum

ANO B

 

Primeira Leitura                                                                                1Sm. 8:4-7,10,22ª

Lia husi primeiro livro Samuel nian

Iha loron hirak neba, katuas sira hotu Israel nian ba halibur malu no ba hasoru Samuel iha Ramá. Sira dehan ba nia: “ó katuas ona, ó nia oan sira la tuir o nia hahalok. Tan ne’e, ó haraik liurai ida mai ami atu bele ukun ami hanesan povo selu-seluk iha”. Lia “ haraik liurai ida mai ami atu bele ukun ami”, la haksolok Samuel, nebe lori Samuel hodi harohan ba Na’i. Na’i lia tun ba nia, dehan: “Rona povo nia lian iha buat hotu nebe nia husu ba ó. Basá, la’os ba ó mak sira hakribi; maibe sira hakribi ha’u, atu ha’u la bele ukun tan iha sira”.

Samuel hato’o Na’i nia lia hotu ba povo, nebe husu liurai ida ba nia. Hafoin, dehan teni: “liurai nebe atu ukun imi, nia biit mak ne’e:Nia sei bolu imi nia oan sira, atu kaer nia kareta no dada nia kuda sira; sira sei la’o uluk iha nia kareta oin. Nia sei foti sira nu’udar ulun ema rihun nian no ema limanulu nian. Nia sei haruka sira halo nia to’os no silu nia batar; sei halo kilat funu nian ba nia, sei halo sasan ba nia kareta. Nia sei bolu mós imi nia oan feto sira, atu halo mina-morin ba nia, te’in no tunu pão ba nia. Nia sei hasai imi nia to’os be di’ak liu, hanesan to’os uvas nian no ai-oliveira nian atu fó ba nia ema sira nebe serbi nia. Nia sei hasai mós baluk sanulu husi imi nia to’os nia folin, no to’os uvas nian atu fó ba ema sira be iha nia uma laran no atan sira. Nia sei hasai mós imi nia atan mane no feto hotu, hamutuk ho imi nia karau vaka no kuda sira be di’ak liu, atu hala’o nia serbisu. Nia sei hasai baluk sanulu husi imi nia bibi sira, no imi rasik sei sai nia atan. Iha loron ne’e, imi sei bolu Na’i, tan liurai nebe imi rasik hili, maibe, Na’i sei la rona imi”.

Maibe, povo la kohi rona tiha Samuel nia liafuan, hodi dehan: “lae! Ami tenki iha liurai ida atu bele ukun ami! Ami mos hakarak hanesan nação sira seluk. Ami hato’o ba Na’i. Maibe, Na’i hatan ba nia: “ ó halo tuir buat nebe sira husu hodi haraik ba sira, liurai ida”.

Maromak Futar Lia.

 

Salmo resposorial                                                                                                                                                                Sal. 88(89): 16-17, 18-19 (R. 2)

Refrão : Ha’u sei hananu ba nafatin Na’i nia laran di’ak!!! Repete-se

Rahun- di’ak ba povo nebe hatene hahi ita,

Be sei la’o iha ita futar oin naroman.

Lor-loron nia haklaken ita naran,

No buka hetan biit iha ita justiça. Refrão

 

Na’i, ita mak nia biit,

Hodi ita boot nia graça, ita hahi nia biit.

Nia mak ami maksoin,

Ami liurai mak Israel nia Santo. Refrão

 

Imi tama housi odamatan no uma klabis templo nian,

Hodi agradeçe, hananu knananuk sira.

Imi agradeçe ba Na’i, hahi Nia naran. Refrão

 

Na’i di’ak tebes!

Nia laran-luak rohan laek.

Nia laran metin halekar housi otas ba otas. Refrão

 

Aclamação                                                                                                                                                                                                                 Heb. 1. 1-2

Refrão : Aleluia, Aleluia!!! Repete-se       

Profeta boot sira ida mosu tiha ita nia leet;

Maromak mai haré nia povo. Refrão

 

Evangelho                                                                                                                                                                                                                 Mc. 2:1-12

Na’i Jesus Cristo nia Evangelho nudar São Marcos haktuir

Iha tempo neba, jesus tama fila fali iha cafarnaum, ema rona katak nia hela iha uma. Ema wain tebes mak mai halibur-an hamutuk, sai naresin iha odamatan oin. Jesus hahu tatoli liafuan ba sira. Sira hatudu ba nia ema moras isin-maten nebe ema na’in haat mak lori. Tan ema wain resin iha neba, sira la bele lori ba to’o nia;sira loke uma kakuluk iha fatin nia hela ba nia leten; halo tiha kuak ida, sira hatun hadak nebe hatoba hela ema moras isin-mate ne’e. Jesus, tan hare ema sira ne’e nia fiar, nia lia tun ba moras: “Ha’u oan, ó nia sala sira simu ona perdua”. Ema eskriba balu tur hela iha neba nebe hanoin iha sira laran: “tan sá nia koalia hanesan ne’e ? nia hateten aat Maromak ema sé mak bele perdua salan? Maromak de’it mak bele”. Maibe, jesus hatene tiha ona buat sá sira hanoin iha sira laran. Nia husu ba sira: “ tan sá imi hanoin hanesan ne’e iha imi laran ? nebe mak ladún susar dehan ba moras isin maten: ‘Ó simu ona perdua ba ó salan”, eh dehan : ‘Ó hamriik tiha ba, káer ó hadak, la’o ba?’ Di’ak! Atu imi hatene Mane Maksoyn iha rai ne’e iha kbiit atu fó perdua ba salan, “Ha’u haruka ó”, Nia lia tun ba moras isin-maten: “Ó hamriik, foti ó hadak, la’o ba ó uman”. Ema ne’e hamriik, foti kedas nia hadak, sai ba daudaun iha ema hotu nia oin, halo ema tomak hakfodak hodi hahi Maromak, dehan: “Ami la dauk haré buat ida hanesan ne’e”.

Lia Maksoyn

Leave a Reply

Your email address will not be published. Required fields are marked *