shadow
Diocese de Dili > NOTÍCIAS > LETURA DIÁRIA > Quarta-feira, II Semana iha Tempo Comum

Quarta-feira, II Semana iha Tempo Comum

ANO B

 

Primeira Leitura                                                                            1Sm.17. 32-33. 37. 40-51

Lia husi primeira livro Samuel nian

Iha loron hirak neba, David ba hatudu-an liurai Saul. David  dehan ba nia: “Ema ida la bele laran susar tan Golias. Ita atan ne’e sei ba hafunu ho filisteu ida ne’e’. Maibe, saul hatan ba David: “ Ó la bele ba hasoru filisteu ida ne’e, hodi halo funu ho nia. Ó sei kiik, maibe, mia mane funu-na’in housi kedas foinsa’e mai”. David hatan ba nia: “Na’i nebe soi ha’u housi leão no fahi fuik siak sira liman, sei soi ha’u housi ema filisteu ida ne’e nia liman”. Saul dehan ba nia: “Nune’e sá bele ba, Na’i ba hamutuk ho ó”.

David káer tiha ai-tonka, hili ho fatuk kabuar lima iha mota laran, tau tiha iha nia kohe be hein bibi nian. Hafoin, ho tali fafirun (funda) iha hahu la’o hodi ba hasouru filisteu sira ne’e. Ema ne’e ho nia escudeiro hakbesik-an daudaun mai David. Uainhira filisteu ne’e foti matan haré tiha David, hakribi nia tan nia labarik foin-sa’e liu, be furak no kmanek. Nune’e, nia dehan ba David: “Ha’u kala asu ida, atu ó mai hasouru ha’u ho ai-tonka ida?” Filisteu ne’e, ho nia maromak sira naran fo malisan ba David. Hafoin, dehan ba David: “Mai ba, ha’u se’i fó ó isin ba manu sira lalehan nian no balada  fuik sira”. Maibe David hatan ba filisteu ne’e: “ Ó mai hasouru ha’u ho surik, besik kro’at no diman, maibe, ha’u ba hasoru ó hodi Na’i lalehan leten áas ba Nia naran, Maromak funu-na’in Israel sira nian, nebe ó funu hasouru. Ohin duni Na’i sei saran ó mai ha’u liman. Ha’u sei oho hodi tesi ó ulun, no ohin duni ha’u sei fó ó isin maten ba manu sira lalehan nian no balada sira rai nian. Nune’e, mundo tomak sei hatene katak iha Israel, iha Maromak ida, no ema hotu sei haré katak  la’os housi surik no besi kro’at mak Na’i haraik salvação. Basá, Nia mak Na’in funu nian no sei saran imi, iha ami liman”. Uainhira filisteu ne’e hahu la’o mai atu mai hasouru david, David mós halai maka’as ba hasouru filisteu ne’e. Hafoin, nia hatama liman iha kohe, hasai fatuk ida ho tali fafirun(funda) hatuda fatuk ne’e hodi ba kona lolos iha filisteu ne’e nia réen-tós. Fatuk ne’e tama tiha iha nia réen-tós nia monu hodi mate. Nune’e, ho fatuk ida, tali fafirun nian, mak  David manan filisteu ne’e hodi oho nia laos ho surik ida iha liman. David halai ba hamriik iha filisteu ne’e nia oin, sa’e tiha ba nia leten losu sai ida be mate daudaun ne’e nia surik housi surik fatin, hodi tesi nia ulun fatuk. Filisteu sira haré sira nia asua’in mate, hahu hali tiha hotu.

Maromak Futar Lia.

 

Salmo Responsorial                                                                                                                                                         Sal. 143(144). 1, 2, 9-10 (R. 1ª)

Refrão: Rahun-di’ak ba Na’i,

                 fatuk inan ha’u heli-an fatin nian!!!  Repete-se

Rahun-di’ak ba Na’i,

Fatuk inan ha’u horik fatin nian.

Nia hanourin mai ha’u liman ba hafunu,

ha’u liman fuan ba funu. Refrão

 

 Na’i mak ha’u mahein,

 hau kbiit no maksoyn;

 Nia tulun ha’u no hein ha’u,

 Na’i be haraik povo mai ha’u. Refrão

 

Ha’u Na’i, ha’u Maromak,

Ha’u sei hananu ba ita knananuk foun ho harpa lian,

Ba ita be haraik vitória ba liurai sira

Hodi soi ita atan David. Refrão

 

Aclamação                                                                                                                                                                                                                     Mt. 4. 23

Refrão: Aleluia, Aleluia !!! Repete-se

                 Na’i Jesus haklaken liafuan di’ak reino nian no

                 fó isin di’ak ba moras sira iha povo nia leet. Refrão

 

Evangelho                                                                                                                                                                                                                   Mc. 3. 1-6

Na’i Jesus Cristo nia Evangelho tuir são Marcos

Iha tempo neba, jesus tama hikas fali iha sinagoga, iha nebe iha ema mane ida be liman ida maten. Fariseu sira fihir jesus husi besik atu haré, nia fó isin di’ak karik ba mane ne’e iha loron sábado, nune’e, sira bele kesar nia. Jesus dehan ba mane nebe iha liman ida be maten ne’e: “Ó hamriik tiha iha klaran neba”. Hafoin, dehan ba sira: “iha ,loron sábado iha licença atui halo di’ak ka áat; fó moris ka fó mate? Maibe, sira nonok hela de’it. Nune’e, ho laran nakali, jesus haré tiha ba sira be iha sori-sorin, neon kraik ho fuan to’os sira ne’e, dehan ba mane ne’e: “halolo liman ba”. Nia halolo tiha liman, nia liman sai di’ak tiha fali. Fariseu sirasai hamutuk ho ema herodiano sira, ba lalais kedas tur hamutuk, hodi ko’alia hasoru jesus, atu bele halakon tiha nia.

Lia maksoyn.

Leave a Reply

Your email address will not be published. Required fields are marked *