shadow
Diocese de Dili > NOTÍCIAS > LETURA DIÁRIA > Quinta-Feira, II Semana iha Tempo Comum

Quinta-Feira, II Semana iha Tempo Comum

ANO B

 

Primeira Leitura                                                                             1Sm. 18:6-9;19:1-7

Lia husi primeiro livro Samuel nian

Iha loron hirak neba, ema Israel oan sira to’o daudaun mai, naton lós ho loron nebé David fila mai, wainhira nia oho tiha ema filisteu. Nune’e, husi cidade tomak  Israel nian, feto sira sai ba hasoru liurai Saul, hodi dansa no hananu ho sistros no tamborin sira lian, haklalak ho ksolok ba mai. Wainhira sira dansa, hananu hela hodi dehan: “Saul oho rihun ida, no David oho rihun sanulu”. Saul sai hirus teb-tebes, tan buat ne’e la fó ksolok ba nia, nia hakilar hodi dehan: “imi fó rihun sanulu ba David no mai ha’ u rihun ida de’it. Hela de’it atu fó ukun ba nia”. Hahu husi loron neba, Saul haré David ho matan la lós. Nune’e, nia dehan ba nia oan Jónatas no ba atan sira hotu atu fó mate ba David. Jónatas, Saul nia oan, tan David nia belun kmanek, fó hatene tiha ba nia nune’e” “Ha’u aman Saul, buka atu oho ó. Husi aban ba oin ó sei matan moris neon na’in; ó ba hasubar-an tiha iha fatuk koak ruma, hodi hela mesa-mesak iha neba. Ha’u sei sai ho ha’u aman, atu ba fatin nebé ó hela ba; nune’e, ha’u sei ko’alia ho nia kona ba ó hodi buka hatene buat nebé sei mosu, no ha’u sei fó hatene buat ne’e ba ó”.

Jónatas ko’alia di’ak kona ba David ba nia aman Saul, hodi dehan: “bele karik, liurai keta halo áat ba atan David. Nia la halo buat áat ida ba ó, ninia hahalok fó folin wain tebes ba ó. Nia hodi fó nia-an ba mate mak oho tiha ema filisteu, nune’e, Na’i haraik tiha vitória boot ida ba Israel tomak. Ó rasik haré hodi haksolok tiha duni. Tansá ó hakarak hafo’er-an ho ida nebé nia ran mós, hodi fó ba mate David be la sala? “Saul rona tiha Jónatas nia liafuan sira, halo juramento ida ne’e: “ tebes duni, nu’udar Na’i moris hun, nune’e, nia sei la mate!” nune’e, Jónatas bolu tiha David hodi hato’o liafuan hirak ne’e nia. Hafoin, lori hamutuk David ba Saul, no David hala’o nafatin nia serbisu hanesan uluk.

Maromak futar lia.

 

Salmo responsorial                                                                                                                                                         55(56):2-3,9-10c-11,12-13 (R.5b)

Refrão: Ha’u laran metin iha Maromak,

                 ha’u la ta’uk buat ida. Repete-se        

 

Tulun ha’u, Na’i

Basá, lor-loron sira hanehan ha’u no buka ha’u mate;

Iha oras tomak, ha’u funu baluk sira tau liman mai ha’u,

Sira lubun boot hakarak ha’u mate. Refrao

 

Na’i, ita hateten ha’u moris áat,

Ha’u maromak, simu ba ha’u mata-wen.

Ha’u funu baluk sira sei hakiduk,

Wainhira ha’u bolu ita naran. Refrao

 

Nune’e, ha’u sei hatene katak na’i ha ha’u,

Tan ha’u  maromak haraik tulun mai ha’u;

Maromak nia laran di’ak ha’u haklaken;

Ha’u sei celebra na’I lia menon. Refrão

 

Ha’u laran metin iha na’i, sei la ta’uk buat ida;

Ema sira sei bele halo sá mai ha’u?

Maromak, ha’u sei halo tuir lia ha’u hakotu,

Ha’u sei terus tan ita naran nia gloria. Refrão

 

Aclamação                                                                                                                                                                                                               2Tm. 1:10

Refrão: Aleluia, Aleluia !!! repete-se

Jesus Cristo, ita nia Maksoyn. Nia harahun mate;

nia halo moris nabilan husi evangelho. Refrão

 

Evangelho                                                                                                                                                                                                                Mc. 3. 7-12

Na’i Jesus Cristo nia evangelho Nudar  São Marcos haktuir

Iha tempo neba, Jesus sai tiha ba tasi ho escolante sira, no ema lubun boot ida nebe mai husi Galileia ba ho nia. No mós ema mai husi Judeia, husi Jerusalém, husi Idumeia, husi Jordão nia sorin ba no husi rai Tiro no Sidon nian mai ema lubun boot ida hasoru Jesus, tan sira rona Jesus halo buat di’ak oi-oin. Nune’e, nia hateten ba escolante sira atu prepara ró ida ba nia, tan ema barak, atu la bele hale’u metin nia. Lós duni, ema barak hetan isin di’ak, tan ne’e, ema moras no ema sira be hetan isin di’ak, tan ne’e, ema moras no ema sira be hetan terus, hot-hotu halai hodi hakbesik ba nia, buka atu kona de’it na’i. Espírito áat sira, wainhira haré Jesus, monu iha nia ian hodi hakilar, dehan: “ita mak Maromak nia oan”. Maibe, Jesus ho lian maka’as bandu sira atu keta hateten sai ba ema ida kona ba nia.

Lia maksoyn.

Leave a Reply

Your email address will not be published. Required fields are marked *