shadow
Diocese de Dili > NOTÍCIAS > LETURA DIÁRIA > Segunda-Feira, III Semana iha Tempo Comum

Segunda-Feira, III Semana iha Tempo Comum

ANO B

 

Primeira Leitura                                                                                     2Sm. 5. 1-7, 10

Lia housi segundo livro Samuel  nian

Iha loron hirak neba, uma-kian sira hatu Israel nia ba hasoru David iha Hebron hodi dehan ba nia: “ Ami ho ó, ita ran kona malu. Hori uluk kedas, wainhira Saul sei ukun hela ami, ó mak Israel nia liman kro’at nia ulun. Iha oras neba, Na’i lia tun ba ó: ‘Ó mak sei ukun Israel, Ha’u nia povo; ó mak sei hela hanesan Israel nia ulun’! Nune’e, katuas sira hotu Israel nian, ba hasoru liurai iha Hebron. Iha neba mak liurai David hemu moruk ida ho sira; hotu tiha, sira foti David nu’udar Israel nia liurai.

Daivid iha tinan tolunulu wainhira hahu ukun; nia ukun tinan hatnulu nia laran. Iha rai Hebron, nia nu’udar liurai Judá nian, ukun tinan hitu ho fulan neen; iha Jerusalém, nu’udar liurai Israel tomak nian no Judá nian, ukun tinan tolu-nulu resin tolu. David ba Jerusalém ho nia ema sira hasoru ema jebuseu sira, nebé hela iha rai neba. Sira ne’e dehan ba nia: ema matan delek sira no ain-kudeik sira sei hakribi ó”. Sira hakarak dehan: “ David sei la tama iha ne’e!. Maibé, nia ba hela metin tiha iha baki áas Sião nian; ida ne’e mak “David nia cidade”. David sai maka’as ba daudaun, Na’i, Maromak Lalehan no Rai nian, hôrik ho nia.

Maromak Futar Lia.

 

Salmo Responsorial                                                                                                                                                Sal. 88(89). 20, 21-22, 25-26 (R. 25ª)

Refrão : Ha’u nia laran metin no graça hela ho nia  !!! Repete-se

 

Uluk, iha mehi, ita dehan ba ita emar sira:

“Ha’u tau coroa ba ema funu-na’in ida,

Ha’u hili ha’u manu-ain iha povo nia leet. Refrão

 

Ha’u  hetan David, ha’u ata,

Ha’u tau mina santo ba nia;

Ha’u liman sei tahan nafatin nia,

Ha’u liman sei fó kbiit ba nia. Refrão

 

Ha’u graça no laran metin sei la’o ho nia,

Ha’u naran sei hametin nia ukun;

Nia liman sei hakelar to’o tasi,

Nia liman kuana sei to’o Mota-boot”. Refrão

 

Aclamação                                                                                                                                                                                                                  2Tm. 1. 10

Refrão : Aleluia, Aleluia!!! Repete-se       

                  Jesus Cristo, ita nia Maksoyn. Nia halakon mate;

                  Nia halo moris nabilan husi Evangelho. Refrão

 

Evangelho                                                                                                                                                                                                              Mc. 3. 22-30

Na’i Jesus Cristo nia Evangelho nudar São Marcos haktuir

Iha tempo neba, ema escriba sira nebe tun housi Jerusalém mai, dehan nune’e: “Forsa Belzebu nian iha jesus”; dehan tan: “ Housi ulun boot demónio sira nian mak nia duni sai demónio sira”. Maibe, jesus bolu sira mai hotu nia oin, hafoin, nia dehan ba sira husi aiknanoik: “oinsá bele santanás duni sai santanás? Povo ida fahe tiha nia-an karik, hafunu hasouru nia-an rasik, povo ne’e la bele tahan nia-an. Uma ida fahe-an tiha karik, hafunu hasouru nia-an rasik, uma la bele hela tan nu’udar uma. Tan ne’e, santanás hamriik hasouru nia-an rasik hodi fahe-an karik, nia la bele iha tan: sei mohu. Maibe, ema la bele tama iha uma ema forte ida nian hodi hadau riku-soi nebe nia iha, la futu karik uluk nia na’in; nune’e de’it mak bele na’uk uma ne’e. Ha’u dehan tebes ba imi: sala sira hotu ho liafuan áat sira hotu nebe oan ema sira nian dehan, sei perdua hotu, maibe, ema nebe dehan liafuan áat hasouru espírito santo, nia sei la hetan liu perdua: sei hetan castigo rohan laek sala nian”. Dehan ida ne’e, tamba sira ko’alia sai: “ Nia iha espírito fo’er nian ida.

Lia Maksoyn

Leave a Reply

Your email address will not be published. Required fields are marked *