shadow
Diocese de Dili > NOTÍCIAS > Notícias > Oração Ami Aman sai base Perdão

Oração Ami Aman sai base Perdão

DCDD (25/01/2018) Pe. Francisco da Costa haklaken nunee; Ema barak conhece katak ita hotu mesak cristão. Hatene decora oração oioin. Ita reza barak maibé dala ruma ita mos la hatene atu reza. Tanba masque ita nia ibun reza hela maibé ita nia hanoin dok husi liafuan sira nebe ita temi hela. Pe. Francisco da Costa dehan; Halo oração significa koalia ho Maromak. Oinsá? Liu husi Evangelista S. Mateus Nai Jesus fo-hanoin mai ita katak hasa’e oração lalika koalia barak hanesan gentio sira. Siginifica reza ho fuan-laran tomak, ho fiar metin. Tanba sá? Tanba antes ita harohan hodi husu buat ruma, Aman Maromak iha lalehan hatene ona buat nebe ita kuran. Aristóteles dehan Matenek-nain ida la koalia sai buat hotu nebe nia hanoin, maibé hanoin no reflete buat hotu nebe nia hateten. Ita cristianiza karik filósofo ne’e nia hanoin, ita bele dehan cristão ida consciente, refleta no sai reponsável ba liafuan hotu nebe nia koalia no hahalok hotu nebe nia hatudu.

Pe. Francisco hatutan tan; Hanesan ita hatene, oração Ami Aman contém 7 petições, necessidade hitu. Maibé ita hakarak simplifica ba parte boot rua: 1a parte) Introdução nebe focaliza ba ponto tolu oinsá ema nia disposição atu hahí Aman Maromak nian naran; Husu Nia Reino no ikus atu ema bele halo tuir Nia vontade. 2a parte) Toca konaba ema nia necessidade iha tempo presente, passado no futuro. Presente=ohin ne’e haraik ai-han lorloron nian mai ami. Passado=haraik perdão ba ami tusan/salan nudar ami perdua sira nebe iha tusan ho ami. Futuro=keta husik ami monu ba tentação maibé hasai ami husi buat at. Ema ruma husu karik ita, tansa ita reza oração Ami Aman? Escritor iha 3 século, Tertuliano explica O Pai Nosso é a síntese de todo o Evangelho. Nune’e, S. Tomás dehan teni Pai Nosso é a oração perfeitíssima, hamulak nebe perfeito liu. Hakarak sai perfeito ka santo, cristao ida preciso reza Ami Aman, nudar Madre Teresa Calcuta sasin teni dehan Ita reza Ami Aman no refleta ba ita nia moris sei conduz ita ba dalan santidade nian.

Bukae ba ita nia moris: 1o) Oração Pai Nosso mak surat cinta nebe Nai Jesus hakerek no hanorin ba Nia Apóstolo sira inclui ita hotu. Atu iha moris lorloron nian, ita halo nafatin curhat ho Nai Maromak hanesan Cristo halo. Basa, iha Pai Nosso, mambae am Ama, fataluco Afi Palu, Baiqueno Hai Ama, ita hare hetan amizade nebe íntima entre Nai Jesus ho Aman Maromak. Hakarak hanorin mos mai ita, atu ita cria amizade ho Nai Maromak hanesan ita nia Aman no mos considera ema seluk hanesan ita nia maun alin. Los duni, ita hirak nebe hela iha casa formação ne’e, ita nia friendship ka fraternidade berawal dari teman, beranjak ke sahabat no continua metin liutan iha saudara. Ema dehan Putus cinta ho menina oan ida ne’e, normal, hal yang wajar,. Maibé, putus cinta apalagi perang saudara ne’e todan. Ne’e doença incurável, menas kama maló, Oecusse oan sira hateten.  2o) Oração Pai Nosso contém necessidade 7. Número perfeito. 3 uluk konaba Maromak, hat seluk konaba ita ema nia necessidade. Maibé iha realidade, angka sempurna ne’e hetan diminuição ho ita ema nia ketidaksempurnaan. Desafio nebe impede ita nia vida oração sira mak distraição. Significa, hanesan experiência nebe ita   bn  bdadolin ona. Dala barak ita reza Ami Aman, maibé ita nia hanoin destraído fali ho inan ou ferik ou viúva balun karik, Ita balun mos reza hela Ave Maria, maibé ita nia fuan-laran kesi metin ba maria sira seluk karik. Se horseik no ohin ita halo hanesan ne’e beibeik, significa ita halo ita nia an indiferente hanesan cristão no la diferente ho ateu ka gentio sira, basá ita rasik mak hakarak excomunga ita nia an ho Maromak SS. Trindade. Nune’e keta hakfodak quando loron ida, Jesus sei confessa ba Nia Aman nune’e: Aman, Hau maun alin sira no Ita Boot nia oan sira la’os mak hirak ne’e! Tanba ne’e, ita halo karik TT Heppi hodi reza Ami Aman, Liturgia das Horas, preciso hamulak ho neon laran. Ou halo TTL karik ho Nain Feto Maria iha ita nia terço liliu durante tempo quarezma ne’e nia laran, ita sei hakas an hodi reza ho lolos, hamulak ho fiar metin. Atu nune’e, ao menos loron sei to’o, ita nia Inan Nain Feto Maria sei fo sasin ba Nia Oan Jesus, hodi dehan katak: Nai Jesus, hau nia oan sira mak hirak ne’e! Preocupação boot husi S. Mateus mak perdão-cultura Timor difícil tebes atu fó perdão. Maibé se hakarak sai Cristo nia escolante, ita sei hakas an atu cumpri took, masque nakonu ho naha todan. Oinsá hau nia penghayatan bainhira pronuncia oração Pai Nosso?

Leave a Reply

Your email address will not be published. Required fields are marked *