shadow
Diocese de Dili > NOTÍCIAS > LETURA DIÁRIA > Segunda-Feira, IV Semana iha Tempo Comum

Segunda-Feira, IV Semana iha Tempo Comum

ANO B

 

Primeira Leitura                                                                      2Sm. 15. 13-14, 30; 16. 5-13ª

Lia housi segundo livro Samuel  nian

Iha loron hirak neba, ema balun ba fó hatene ba David: “Ema sira Israel nian iha neon no klamar ho ó nia oan mane Absalão”. Nune’e, David dehan ba nia atan sira nebé hela ho nia iha Jerusalém: “Imi hamriik ba hodi ita halai, oin seluk, ita la bele sai housi Absalão nia liman. Ita sai lalais kedas, basá, nia bele mai lalais káer ita, halo ita mohu lakon no hodi surik oho ema hotu iha cidade”.

Tuir mai, David sa’e ba Foho Oliveiras nian hodi tanis, ho ulun taka metin no ain tanan. Ema sira hotu nebé mai ho nia, sira mós taka metin sira ulun sa’e foho hodi tanis.

Wainhira David to’o tiha iha Baurim, mosu mai mane ida housi uma-kain Saul nian, nebé hanaran Semei, Gera nia oan mane. Mane ne’e mosu mai dehan lia sira be malisan nian, hodi tuda David ho nia atan sira ho fatuk, wainhira ema lubun boot ho funu-na’in sira iha hela liurai nia sorin kuana no sorin karuk. Semei fó malisan ba David ho liafuan hirak ne’e: “Sai housi ne’e, sai housi ne’e, ema liman mean no ema áat. Na’i hamonu iha ó leten ran uma-kain Saul nian, ba ida nebé nia fatin ó sai nu’udar liurai. Tan ne’e, mak Na’i haraik fali fatin ne’e ba ó nia oan mane Absalão nia liman. Oras ne’e ó iha duni ona susar laran, basá, ó ema liman mean”. Nune’e, Abisaí, Sarvia nia oan mane, dehan ba liurai: “Tan sá asu-aman mate ida ne’e fó malisan ba liurai be ha’u na’in?

Husik ha’u liu ba hodi tesi tiha nia ulun fatuk!” Maibé, liurai hatan ba nia: “Oan sira Sarvia nian, sá mak imi hanoin kona ba ha’u? Nia dehan karik lia malisan hirak ne’e, tan Na’i fó tiha ona ordem ba nia atu bele fó malisan ba David, sé mak bele husu ba nia: ‘Tansá ó halo nune’e?’” Tuir mai, David dehan ba Abisaí no ba nia atan sira hotu: “Ha’u oan mane nebé sai housi ha’u ran rasik, buka atu hasai ha’u nia moris, sá tan mane ida ne’e housi Benjamim nian! Husik nia fó malisan ba; Na’i mak fó ordem ba nia. Na’i haré karik ba ha’u nia laran susar hodi fó ksolok mai ha’u iha Nia malisan loron ida ne’e nian nia fatin”. David ho nia emar sira la’o tuir sira dalan.

Maromak Futar Lia.

 

Salmo Responsorial                                                                                                                                                                   Sal. 3. 2-3, 4-5, 6-7 (R. 7b)

Refrão : Na’i, hamriik ba hodi soi ha’u!!! Repete-se

 

Na’i, ema hira mak haterus ha’u!

Ema wa’in mak hamriik hasouru ha’u,

Ema barak mak mumuk hasouru ha’u;

Nia Maromak la tulun ona nia! Refrão

 

Maibé, Na’i, Ita ha’u maksoyn,

Glória nebé hametin ha’u neon.

Ha’u hakilar ho lian maka’as ba Na’i;

Housi Nia foho santo Nia rona ha’u. Refrão

 

Ha’u latan-an hodi toba,

Ha’u hader tan Na’I tau matan mai ha’u

Ha’u sei la ta’uk ema lubun wa’in be hale’u ha’u. Refrão

 

Aclamação                                                                                                                                                                                                                  Lc. 7. 16

Refrão : Aleluia, Aleluia!!! Repete-se       

                  Profeta boot ida mosu tiha iha ita leet;

                  Maromak mai haré tiha nia povo! Refrão

 

Evangelho                                                                                                                                                                                                                Mc. 5. 1-20

Na’i Jesus Cristo nia Evangelho nudar São Marcos haktuir

Iha tempo neba, Jesus ho nia eskolante sira to’o iha rai gerasenosiha tasi nia sorin balun ba. Wainhira nia tun husi ró, ema ida ho espírito fó’er sai kedas housi rate sira leet ba hasoru Nia. Ema ne’e hôrik iha rate sira nia laran. La iha ema ida nebe bele tahan nia, bása ema kesi tiha ona nia dalan barak ho corrente no kadeado, maibe nia halo kotu corrente no halo aat kadeado sira. La iha ema nebe maka’as atu tahan nia. Kalan loron iha rate no mós iha foho leten, nia hakilar hodi hakanek nia-an ho fatuk.

Wainhira nia haré Jesus housi dook, nia halai hasoru Nia hodi monu ain ba Nia no hakilar ho lian maka’as: “Ita hakarak sáida housi ha’u, Jesus Maromak A’as liu Nia oan? Ha’u hakotu lia ba Maromak katak ita sei la halo áat ha’u”. Bása, Jesus hateten tiha ona ba nia: “sai housi ema ne’e, espírito fó’er!” Hafoin, Jesus husu ba nia: “Ó nija naran sá?” Nia hatan ba Jesus: “Ha’u naran ‘Legião’ bása ami barak”. Nia husu ho l;aran manas atu labele duni sai  sira housi fatin neba. Iha neba, iha foho nia sorin, iha fahi barak nebe  han daudaun. Erpírito fó’er sira hasa’e ba Jesus hodi dehan: “Haruka ami ba fahi sira, atu ami tama iha sira”. Jesus husik sira. Nune’e espírito fó’er sira sai housi ema ne’e hodi tama fali iha fahi sira. Fahi sira nebe sura besik rihun rua halai housi foho ba tasi laran. Iha nebe, sira mout hotu. Siranebe hein fahi halai hodi haktuir buat hotu iha fatin tomak neba. Ema sira mai atu haré buat nebe mosu. Sira hakbesik Jesus hodi haré ema nebe uluk espírito fó’er hela ba, tur hela ho hatais. Nia isin no hanoin di’ak ona;nia nebe uluk iha espírito fó’er  barak iha nia laran. Sira hotu ta’uk teb-tebes. Sira nebe haré buat hotu ne’e haktuir kona ba ema ne’e no kona ba fahi sira. Tan ne’e, ema sira hahu husu Jesus atu husik fatin neba. Wainhira njia atu sa’e ona ba ró, ema nebe uluk iha espírito fó’er husu ba Nia atu husik nia la’o hamutuk ho Nia. Jesus la husik, maibe, dehan ba nia: “Ó ba ona uma, ba ó nia família hodi haktuir ba sirabuat hotu nebe Na’i, iha Nia laran-luak, halo ona ba ó”. Nune’e, ema ne’e la’o ba, hodi haklakeniha rai Decápole tomak buat hotu nebe Jesus halo ba nia. Ema hotu-hotu hakfodak.

Lia Maksoyn

Leave a Reply

Your email address will not be published. Required fields are marked *