shadow
Diocese de Dili > NOTÍCIAS > Notícias > MISSÃO IHA KREDA NEBÉ LA’O SAI (Curso missioligia ba animador sira husi rai sira lian português) IHA ROMA

MISSÃO IHA KREDA NEBÉ LA’O SAI (Curso missioligia ba animador sira husi rai sira lian português) IHA ROMA

DCDD, Propaganda Fide, liu husi PUM (Pontificiais União Missionário), iha loron 23 fulan Janeiro 2018 organiza curso ida ho tema central “Missão Kreda Ohin Loron” ba animador sira husi rai lian Português iha Roma. Delegação sira mai hosi Cabo verde, Guinea bissau, Moçambique, Angola, Brazil, Portugal no Timor-Leste hodi hola biban previlégio ne’e. Curso ho nia duração loron 12 nia laran iha Roma (23 de Janeiro-3 de Fevereiro 2018). Representante husi Timor-Leste nian mak hanesan; Diretor Nacional MISSIO Timor-Leste, Pe. Mouzinho Pereira Lopes, Diretor Missio Diocese Dili, Pe. Patrocinio da Cunha no Representante Animador Missão Nacional Timor-Leste, Fr. Cesar Magno.

Primeiro dia, hola sub tema,”Não ha missão sem Palavra”, Pe. António Lopes (Diretor POM Portugal) loke preocupação missão nia fundamento iha Kreda, focus iha Palavra, iha Jesus. Loron tuir mai, mosu Monsenhor. Dal Toso, presidente foun POM nian iha dicastério Propaganda Fide. Nia apresenta visão serviço Kreda nian iha missão no questiona colaboração missionária diocese sira mundo tomak nian.

Loron sira tuir mai curso concentra-an iha documento Encíclica Papa Bento XV iha 1919 ‘Maximum Illud’ kona ba Propaganda Fide (propagação da fé, habelar fiar) iha altura mundo hasoru tragédia modernismo no funu mundial ba dala uluk.

Papa Francisco husu ona ba Cardeal Fernando Filoni, Prefeito Congregação Propaganda Fide nian atu reanima no organiza missão Kreda hodi celebra Jubileu Missionário iha Fulan Outubro, tinan oin (2019). Iha ne’e anota ona katak hahú Janeiro tinan oin diocese sira hotu sei organiza atividade missão nian, guiado por MISSIO/POM.

Iha biban curso ne’e participante sira hetan oportunidade visita ba cidade Assisi (oras 2 hosi Roma, ho bis). Fatin S. Francisco Assis no S. Clara nian. Iha Assisi ne’e Pe.Mouzinho mak preside missa hodi halo mos oração da paz S. Francisco nian nebé aponta ba mensagem transformadora cada ema católico nuudar Evangelho propõe. Tuir mai Iha Domingo 28 Janeiro animador sira husi rai lian Português halo visita ba Catacomba Priscila, centro Roma, iha via Salaria. Catacomba boot liu sira seluk, nebé conserva cemitério martir sira Católico nian husi governo, Papa nain rua no ema baibain sira). Sasin servisu missão fiar nian. Iha loron tuir mai, Segunda 29 Jenairo, participantes curso visita edifício Propagazione Fidei iha Praça Spagna hodi conhece oinsa Kreda Católica organiza missão ba planeta tomak. Iha Quarta feira loron 31 Janeiro Dader participante sira celebra hamutuk missa iha Túmulo S. Pedro nian iha Basílica S. Pedro nia okos. Depois da missa partecipante sira tuir kedas Audiencia Geral ho Papa iha oras Tuku 10 menos 10. Iha ninia mensagem amu Papa acentua importáncia liturgia da palavra ba sarani sira nia moris no iha missão sarani sira nian. Papa nia mensagen ne’e naton los ho tema ba curso ne’e nebe termina ho sub tema kona ba força comunicação iha missão, kona ba oinsa prepara jubileu missionário iha outubro 2018.

Roma, 1 Fevereiro 2018, Pe.Mouzinho Pereira Lopes Diretor Nacional MISSIO/POM Timor-Leste.

Leave a Reply

Your email address will not be published. Required fields are marked *