shadow
Diocese de Dili > NOTÍCIAS > Notícias > DOM ÁNGEL FERNANDEZ SUCESSOR DOM BOSCO NIAN VIZITA FAMÍLIA SALESIANO IHA TL

DOM ÁNGEL FERNANDEZ SUCESSOR DOM BOSCO NIAN VIZITA FAMÍLIA SALESIANO IHA TL

DCDD (31/01/2018) Sucessor Dom Bosco nia ba mundo Dom Ángel Fernandez Terça feira oron 30 fulan Janeiro too iha timor hodi hamutuk ho comunidade Salesianos iha Timor-Leste hodi comemora loron boot São João Bosco nian iha timor-Leste. Cerimónia refere realiza ho missa Ação de Graça ida nebe monu iha loron 31 fulan Janeiro tinan nee nebe preside husi Dom Ángel Fernandez hamutuk ho Padres Concelebrantes sira iha Igreja Paróquia Maria Auxiliadora dos Cristão Comoro Dili. Biban nee marca mos presença Bibi Atan Diocese Dili nian Dom Virgilio do Carmo da Silva, Comunidade Religiosos e Religiosas, Autoridades, Alumni husi Salesiano tomak no Comunidade sarani husi Paróquia Comoro nian rasik.

Iha reflexão ba comemoração Festa São João Bosco nian nee Dom Ángel Fernandez iha nia homilia hateten; iha início missa ida nee hau hatoo hau nia saudações ba autoridades civil sira nebe iha missão importante iha nação ida nee.

Los duni katak, importante atu ita mai halibur hamutuk iha ne’e atu agradece no hahi ba Na’i Maromak liu husi ita nia Aman, ita Mestre Dom Bosco nebe ita festeja.

Ita hamutuk agradece ba Na’i Maromak ba Don nebe haraik ba Dom Bosco, ba Igreja, ba sociedade no ba mundo. São João Paulo II mak proclama São João Bosco nudar Aman no Mestre ba Foin sae sira. Dom Bosco ohin loron nia sente contente teb-tebes tanba hare ita hotu iha nee nebe haksolok hamutuk festeja nia loron, tanba ita hotu nebe iha nee assume servisu ida nebe Nia halao ona too mai ohin loron. Nunee mos ita autoridade sira nudar família ida deit no iha mos obrigação ida nee atu servi ba jovem no ba ema sira hotu-hotu. Tanba nee Agradece ba Na’i Maromak tanba Don Dom Bosco nian nebe haraik mai nebe mate tinan 130 liu ba no Salesiano sira nebe mai too iha ne’e nunee mos atu continua Dom Bosco nia carisma mak Na’i Maromak lia fuan. Buat nebe furak liu mak rai Timor ne’e buras liu ba carisma Salesiano. Sira nebe que uluk simu resultado nebe furak ita hare família Salesiano diak tebes tanba imi hotu nebe apoia missionário sira nee ho fuan nebe nakonu ho domin. Nee duni furak teb-tebes tanba ita hotu hamutuk atu serbi ba ita nia oan sira no ba rai ida nee no ita temque harohan ba ida nee tanba ita hotu nebe halo ita nia caminhada ho moris nebe diak no furak tebes atu ita atu servisu hamutuk.

Dom Ángel Fernandez haforsa tan katak; wainhira hau too mai hodi preside missa uluk nian hau sente contente tebes tanba Uma Oração ida nee nakonu ho Jovens no mos comunidade hotu-hotu, nunee mos ba imi adiultos sira tanba jovem sira halo sira nia caminhada tuir imi adulto sira nia caminhada tanba jovem sira mak Jovem esperança no futuro iha rai ida ne’e.

Hau termina ho lia fuan ida nee katak Dom Bosco prepara jovem no labarik sira atu halao mundo nia knar no dever iha sira nia moris ba futuro nebe diak, educa jovem sira bele hetan futuro ida nebe diak, maibe Dom Bosco la halo deit servisu social, maibe D. Bosco lori Jovem no labarik sira besik ba Na’i Maromak atu conhece diak liu tan Na’i Maromak. Furak tebes wainhira ita prepara Jovem sira atu halao sira nia futuro diak iha sociedade maibe mos atu conhece diak liu tan Na’i Maromak iha sira nia fuan.

Dom Ángel Fernandez hateten tan; Dala ida mos Amo Papa Emérito Bento XVI koalia buat nebe hanesan hau dehan: Hau nia oan doben sira, imi iha direito atu buka ksolok iha imi nia moris maibe ksolok nebe laos superficial maibe profunda ba autêntica. Nee duni, tem que hatene mos naran nebe fo ksolok ba imi; Amo papa dehan ‘ó nia naran mak Jesus Cristo’ nunee mos hau tem que dehan em nome de Dom Bosco hau tem que dehan ksolok ba imi hotu. Imi mos tem que servisu makaas atu bele halo buat nebe diak. Ida nebe fo ksolok profunda ba ita nia naran mak Jesus Cristo

Ikus hau nia belun Salesiana tomak evita buat nebe Papa Francisco dehan: ”ita tem que sai hanesan Kreda laos Kreda nebe odamatan taka metin no ita tem que sai nudar amigos Dom Bosco no família Salesiana ho odamatan no fuan nebe nakloke. Ita família Salesiana barak nee duni ita tem que halo ita nia encontro ho ema barak liu tan nebe mai iha ita nia fuan no ita nia laran. Nee duni ho carisma Salesiana nebe ita iha nudar família ita buka atu serbi ita nia maun alin sira liu-liu ba sira nebe nessecita. Nee duni ita precisa atu sustenta ita nia moris no servisu ita nia moris maibe mos ao mesmo tempo lori ita nia an ba ita maun alin sira ba Jesus. Boasfesta ba Dom Bosco nai Maromak haraik Bensa mai ita hotu. (Alin) 

Leave a Reply

Your email address will not be published. Required fields are marked *