shadow
Diocese de Dili > NOTÍCIAS > LETURA DIÁRIA > Quarta-Feira, V Semana iha Tempo Comum

Quarta-Feira, V Semana iha Tempo Comum

ANO B

 

Primeira Leitura                                                                                      1Rs. 10. 1-10

Lia husi primeiro livro Liurai sira nian

Iha loron hirak neba, liurai-feto Sabá nian rona ko’alia kona ba salomão, nia mai atu koko nia ho problema sira be susar atu hala’o. Nia tam iha jerusalém ho ema lubun boot ida ho kuda kamelo sira be lori ai-ben morin, osan mean wain tebes no fatuk sira be foloin boot. To’o tiha iha salomão nia oin, hato’o ba nia buat buat hotu nebe nia hanoin. Salomão hatan hotu ba nia problema sira, no ba liurai la iha buat ida be nia la bele hatan.

Wainhira liurai-feto sabá nian haré tiha salomão nia matenek, kadunan liourai nian be nia hari, aihan sira hotu, uma sira be  nia emar sira nian, uma sira no nia ulun sira nia hatais, nia emar sira be halo konta sasán, no sira be hasa’e sakrificio iha Na’i nia uma kreda, nia dada íis tiha hodi dehan ba liurai: “ buat hotu nebe ha’u rona kona ba ó, mesak lós de’it, iha ha’u rain ita nia liafuan sira no ita nia matenek hetan naran boot tebes. Ha’u la kohi fiar iha buat nebe sira dehan mai ha’u, wainhira ha’u la dauk haré ho ha’u nia matan rasik; maibe, sira la dauk haktuir hotu mai ha’u. Ó nia matenek no ó nia moris loron ikus nian, boot liu fali ó naran boot nebe to’o tiha ona mai ha’u. Ksolok boot ba ó no ba emar sira be tuir ó; rahun di’ak ó atan sira nebe hela nafatin iha ó sorin, atu rona ó nia matenek. Rahun di’ak ba ó Na’i, ó nia Maromak, nebe hatudu ba ó nia laran-luak hodi tau ó iha trono Israel nian. Tan Na’i hadomi Israel ba nafatin, nia halo ó liurai atu ó ukun ho justiça no lialós”. Ikus mai nia fó ba liurai osan mean atus ida ruanulu, ai-wen morin barak tebes, no fatuk sira be folin wa’in. Ema ida la fó tan riku-soi no ai-wen morin hanesan liurai feto Sabá nian fó ba liurai Salomão.

Maromak Futar Lia.

 

Salmo Responsorial                                                                                                                                               Sal. 36(37). 5-6, 30-31, 39-40 (R. 30ª)

Refrão : Ibun ema lós nian, haklaken matenek!!! Repete-se

 

Saran ó nia moris ba Na’i,

hein iha Nia! Na’i sei tulun ó;

Nia sei halo nabilan ó justiça hanesan roman,

no ó nia direito sira henesan loron fahe-rua. Refrão

 

Ibun ema lós nian mai housi Na’i,

no nia nanal dehan buat lós nian.

Maromak Nia Lei hôrik iha nia fuan,

tan ne’e, nia la la’o sala. Refrão

 

Maksoyn ema lós nian mai housi Na’i,

Nia mak nia subar fatin iha tempo susar;

tahan nia housi ema áat sira liman,

no soi nia, basá, nia hamahan-an iha Na’i. Refrão

 

Aclamação                                                                                                                                                                                                          Jo. 17. 17b,a

Refrão : Aleluia,aleluia!!! Repete-se

     Ita liafuan, Na’i, mak lialós tebes;

     Halulik ami iha lialós. Refrão

 

Evangelho                                                                                                                                                                                                                Mc. 7. 14-23

Na’i Jesus Cristo nia Evangelho tuir são Marcos

Iha tempo neba, Jesus bolu hikas fali povo hodi dehan: “ imi sée tilun mai, atu rona hodi hatene didiak. La iha buat ida iha liur nebe tama hodi halo fóer ema laran. Buat nebe sai husi ema nia laran mak hafo’er ema. Ema nebe iha tilun atu rona, rona ba!” wainhira Jesus husik ema lubun ne’e hodi tama toiha iha uma laran, nia eskolante sira husu nia konaba aiknanoik ne’e. Nia hatan ba sira: “ imi mós la compreende ? imi ls haré katak buat naran de’it nebe tama iha ema nia laran housi liur la bele halo nia fó’er. Basá, la tama iha nia fuan, maibe iha nia kabun de’it, hodi sai ba liur”. Nune’e, Jesus hatudu katak aihan hotu la fó’er. Nia dehan tan: “ buat nebe sai husi ema laran mak hafó’er ema. Basá, housi ema sira laran mak sai hanoin áat: katak, sala fó’er, na’uk liman mean, soe biti kluni, hakarak buat hotu ba-an rasik, laran áat, larn makerek, laran metan, laran moras, ibun fó’er, loko-an, la hamta’uk Maromak! Toman áat sira ne’e mak hafo’er ema”.

Lia Maksoyn.

Leave a Reply

Your email address will not be published. Required fields are marked *