shadow
Diocese de Dili > NOTÍCIAS > HOMILIA DO BISPO > IMI NIA BOA VONTADE PROMOVE DUNI FATIN NEE BA FATIN ORAÇÃO NIAN

IMI NIA BOA VONTADE PROMOVE DUNI FATIN NEE BA FATIN ORAÇÃO NIAN

Hau nia parabens ba imi hotu ba ita boot sira nia boa vontade  atu promove duni fatin oan ida nee ba fatin oração nian.

Ita agradece ba Na’i Maromak nebe halibur hamutuk iha fatin ida nee hodi comemora martírio Miki ho nia maluk sira. Paulo Miki ho nia maluk sira nee se? Sira nee mak primeiro mártir Japoneses nebe fila fali ba mais ou menos século 16, sira tem que mate atu defende fiar sarani sira nian, fakar sira nia ran e sira sai alicerse ba Uma Kreda Japão nian.

Ita agradece mos ba sira nia saran-an ida nee, sira nia generosidade mak haburas kreda iha Ásia. Ita hein atu sira nia ran hamamar liu tan foinsae sira liu-liu foinsae sira iha Ásia atu Maromak nia Futar Liafuan nebe Paulo Mikki molok nia atu mate nia dehan; agora que cheguei a esta ponto estremo na minha vida, nenhum de voz há de acreditar que eu queria esconder a verdade declaro vos portanto que não há outro caminho para salvação do que aquilo possuim os cristão.

Iha cruz molok nia atu mate nia dehan; iha imi hotu nia oin laiha liafuan ida nebe hau sei subar, hau sei declara lia los nee ba ema hotu katak laiha dalan seluk atu ba salvação ninian. Único dalan ba salvação nian mak dalan sarani sira nian “e este caminho me ensina a perdoar aos inimigos e a todos a quem me ofenderam

Maluk doben sarani sira ho festa martírio Japones sira nian nee mak ohin, ita boot sira fihir hamutuk ho amo Evaristo atu halulik liu tan fatin oan ida nee basá ita boot sira mos iha fiar ida katak liu husi fatin nee mak sei haforsa liu tan ita boot sira nia hakarak atu fo sasin kona ba verdade, fo sasin kona ba lialos maksoyn nian ba ema hotu liu-liu ba uma kain sira nebe naksobu hela, ba família nebe iha perigo laran, ba foinsae sira nebe lakon ánimo(semangat) ka esperana iha moris.

Santo martir sira nee Paulo Mikki ho nia companheiros comvida sarani atu laran metin, atu aten brani, fiar metin nafatin ba Cristo hanesan ita rona São Paulo dehan ba ita; Ba hau moris mak cristo

Paulo hatene katak masque uluk nia mos ema nebe duni no fo terus hodi halo at ba Jesus nia discípulo sira, maibe koko tiha maromak nia diak, contempla tiha maromak nia furak, Paulo mos nakfilak an ba Maromak no nia buka atu sai duni Cristo nebe moris ba ema hotu basá nia raik koko Maromak nia misericórdia e ita bele dehan se Maromak laran luak no laran sadia ba hau, tanba sa hau tem que laran tos, oin tos ba hau nia maluk no ema seluk.

Paulo la hare tan ba nee nudar comvite ida maibé Paulo hare ba ida nee apelo vocação obrigação ida sarani ninian. Basá maluk doben sira Jesus nebe ita rona iha Evangelho molok nia atu fila fali ba nia Aman Nia dehan ba discípulo; Ba halo ema hotu sai hau na discípulo sarani sira hodi aman hodi oan no hodi espírito santo. Ida nee dehan  katak mandato missionário nebe Jesus fo ba nia apóstolo sira no Jesus fo mai ita ida-idak nudar sarani.

Ohin nia dehan mai ita nebe halibur hamutuk iha fatin ida atu ita bele sai sasin Jesus misericórdioso nian iha ita nia família. Fatin oan nebe furak los nee ora-oras tan ita sei hasanto altar nee, halo fatin nee lulik hanesan ohin ita rona tiha ona katak fatin ida nee iha ema barak nebe halo devoção boot ba Jesus misericordioso tanba ita hotu reconhece ita nia fraqueza. Hau hein liu husi fatin ida nee ita bele habelar Jesus nia laran sadia nee ba ita nia família. Ita tem que hakasan atu lori duni Jesus nia laran sadia nee tama iha ita ida-idak nia fuan no laran nunee lori ba ita nia família, ita nia instituição sira tanba ita hare iha ita nia sociadade amizade hirak mak naksobu, tanba ita lakoko atu soluciona problema ho laran sadia, domin ho paciência, maibe dala barak ho ita nia arrogância, ódio, vingânça, ho liafuan força nian. Se ita hare fila fali ba ita nia família sira dala barak iha ita nia sociadade ita lamenta nafatin kona ba família hirak mak naksobu. Hirak nee hotu tanba falta de laran sadia, falta de perdua

Se iha ita nia família laran Jesus Misericordioso mak sai duni chave sucesso ba ita ida-idak nia família hau hanoin ita nia família sei sai família ida nebe feliz. Nee laos katak dehan iha ita nia família laran laiha problema, laos katak ita nia família lao deit iha karpet leten ka iha ac, mas que ita nia uma laran dala ruma incompreenções lubuk ida, iha dificuldade oi-oin hahu husi buat uma laran nian, maibe se iha laran sadia, laran perdua, ita nia família sempre sai fatin domin ninian no dame ninian.

Ida nee mos dala barak acontece iha ita nia instituição sira tanto instituição privado ou público, relação iha instituição laran naksobu mos tanba Jesus Misericordioso nee ita husik hela iha nível devoção nian hodi la toca iha ita nia moris, maibé ita tem que hakas-an atu oinsa atu ita nia devoção hirak nee lori ita atu bele moris duni buat nebe ita admira, adora no hahí.

Ohin ita halibur iha fatin ida nebé ita atu halo Santo. Fatin nee sai Santo laos ba ema ida ka rua deit maibe ba sarani tomak hahu husi kiik too boot, foinsae no família sira ba ema hotu nebe moris iha nakukun nebé dala ruma koko nakukun ituan iha ita nia moris atu ita bele koko Maromak nia Misericórdia, atu fatin ida nee bele sai hanesan fatin ida ita mai atu bele simu energia foun, anin foun.

Bainhira ita mai ho ita nia problema, ho ita nia susar, ho ita nia dificuldade sira, ita hare estrutura comunidade nian nee furak los, Uma Kreda ne’e hatuur haleu iha comunidade nia leet. Ida ne’e dehan katak Uma Kreda nee nakloke 24 horas ba sarani sira, Maromak nafatin nakloke an atu rona ita, atu koalia ho ita, atu ita bele desabafa ita nia problema no dificuldade sira nebe dala barak ema lakohi atu rona maibé iha Maromak nebe laran luak ba ita hotu hodi rona ita nia desafio sira.

Ita boot sira hakas-an atu fo duni folin ba fatin ida nee, fatin ida nee bele sai duni we matan moris nian, esperança atu ita boot sira bele hasoru malu ho maromak no koalia ho maromak atu nunee bele hafoun nafatin ita nia esperança iha ita nia família no comunidade laran. Ida nee mak sai ita nia oração iha lorokraik ne’e nian. Tan nee mai ita harohan atu capelinha ida nee ita mos bele hafoun ita nia an no hakarak. Ita hari capelinha nee laos ema hotu iha ne’e sai Santo hotu kedas, maibe ita hotu mesak ema nebe dala barak nee lao dook husi Maromak, maibé Maromak hakarak duni horis iha ita nia leet, lao hamutuk ho ita. Tan nee mak dehan misericórdia. Se Maromak buka ita, ita mos keta karak, ita mos koko atu loke ita nia laran ba maromak. Wainhira ita koko saran ita nia an tomak ba Maromak.

Leave a Reply

Your email address will not be published. Required fields are marked *