shadow
Diocese de Dili > NOTÍCIAS > Notícias > APROVEITA FATIN NEE BA ITA NIA BEBEFÍCIO ESPIRITUAL

APROVEITA FATIN NEE BA ITA NIA BEBEFÍCIO ESPIRITUAL

ITE DILI (06/02/2018) Lia hirak nee, mahein Diocese Dili nian, Dom Virgilio do Carmo da Silva hatoo iha nia mensagem ba sarani comunidade Surikmas nian iha loron Tersa feira (06/02/2018) relaciona ho bensão ba Campal missa nian no mos Salão. Iha Bispo nia mensagem nebe fo motivação teb-tebes ba sarani sira bairo Surikmas nian hateten; fatin nebe ohin ita hasanto nee alcança ho sucesso tanba ho ema barak nia generosidade. Tanba nee hau hakarak fo hanoin nafatin ba sarani sira hotu nebe sai ona benfeitor ba fatin ida nee, keta haluha katak gasta tiha ona buat barak, fo tiha ona energia barak, aproveita fatin nee mos ba ita nia benefício Espiritual. Keta halo ba ita halo fatin nee furak tiha sai tiha fali Monumento ida hodi ikus mai ita abandona tiha. Nee duni imi mak halo fatin ida nee no fatin ida nee atu sai buras liu tan depende mos ba sarani sira, depende mos ba ita hotu nebe sai Doador ba iha Capelinha no fatin santo nee.

Dom Virgilio do Carmo da Silva hatutan tan; Ita boot sira hakasan atu fo duni folin ba fatin ida nee, fatin ida nee bele sai duni we matan moris nian, esperança atu ita boot sira bele hasoru malu ho Maromak no koalia ho Maromak atu nunee bele hafoun nafatin ita nia esperança iha ita nia família no comunidade laran. Ida nee mak sai ita nia oração iha lorokraik nee nian. Tanba nee, hau husu atu concerva fatin santo nee; labele husik labarik sira mai halimar iha nee, labele lori malu mai namora malu iha fatin nee no labele lori fali animal sira mai iha nee no mos hasai foto iha fatin nee. Ida nee nudar responsabilidade ida nebe cabe ba ita hotu-hotu.

Biban hanesan Pe. Evaristo haktuir mos katak; Hau iha ne’e hanesan Vigário Paroquial iha Paróquia Motael, Amo Pároco David fo Confiança ba hau tau matan ba iha sarani iha centro ida ne’e. Hau mai hare Uma Kreda furak, Uma Kreda nebe aas, tama iha laran furak, maibe nakonu ho rai rahun, nakonu ho buat oin-oin iha liur, ressinto Uma Kreda ninian sai fatin labarik sira joga bola, labarik sira tama iha Uma Kreda halai ba halai mai, Uma Kreda nia janela sira rahun, labarik sira tebe bola tolok malu Inan-Aman iha sira nia ibun. Tanba ne’e hau nudar nailulik ida iha dever no obrigação atu tau fatin santo nafatin sai Santo, atu tau nafatin Maromak iha centro sarani sira nia moris.

Pe. Evaristo hateten: ami lao iha tinan 2 nia laran hodi dezemvolve fatin ida nee, hakarak fatin ida nee sai Santo hakarak fatin ida nee sai fatin naksulin graça no benção ba ema nebe hakarak mai reza iha fatin ida nee tanba nee Amo Bispo, hau agradeçe teb-tebes hau haksolok teb-tebes masque udan bele boot maibe hau nia laran la tarido hau fira katak nee graça nebe Maromak hasulin husi lalehan tun mai ita. (N.J.R)

Leave a Reply

Your email address will not be published. Required fields are marked *