shadow
Diocese de Dili > NOTÍCIAS > Notícias > F-FDTL Completa Tinan-17 Ninia Existência

F-FDTL Completa Tinan-17 Ninia Existência

DCDD (2/2/2018) Comemoração aniversário FALINTIL Força da Defeza de Timor-Leste F-FDTL tinan nee realiza iha Quartel General F-FDTL Fatuhada Dili iha loron 2 fulan Fevereiro tinan nee, nebe participa máximo husi comandante Supremo Presidente da República Francisco Guterres Lú-Olo, Presidente Parlamento Nacional, Presidente Tribunal Recurso, Primeiro Ministro, Membros do governo, General Gatot Nurmantyo ho nia esposa husi Indonesia, Brigadeiro General Pearse, tanenete Colonel Luis Bernardino no Prof. Doutor Nuno Canas Mendes husi Portugal.

Iha comemoração nee Chefe do estado Major General das F-FDTL Major General Lere Anan Timur iha nia discurso hateten; Ohin loron ita tuir cultura ida nee; Forças Armadas apartidário nafatin hodi sai lolós lutu ba nação ho ninia missão própria ba defeza externa. Nee la significa katak Forças Armadas sai matan delek ka sai analfabeto. Força Armadas tem que hatene saida mak política, hatene saida mak los no saida mak lalos atu ema la facilmente manobra let deit Forças Armadas.

Lere Anan hateten tan; Iha fatin nebe deit iha rai nee, político sira barak aproveita Forças Armadas atu sira alcança sira nia interese no sira objetivo político, Hanesan iha caso Guine Bissau nian no agora dadaun acontece iha Myanmar. Iha comentários, críticas kona ba pensamento Forças Armadas nian hodi dehan katak labele mete ba política. Comandante das Forças Armadas nian, Oficiais sira nebe iha responsabilidade iha Força Armadas nia laran, labele duni halo política, maibe tem que aprende no hatene política. Tem que hatene análiza situação husi prespetivas hotu; No iha situação balu tem que fo hanoin duni, cria condições diak, favorece situação hakmatek atu ema ida idak ho livre, bele halao nafatin ninia knar: Funcionários públicos bele halao nafatin sira nia obrigação, Povo sira hare sira nia to’os no natar hanesan bai-bain, no político sira ho ulun malirin hala’o lolos mandato nebe povo fo ba sira.

Lere Anan Timur mos dehan tan; Tempo to’o ona atu profecionaliza no moderniza Forcas Armadas, cabe ba ita nia governo, atu hare questão ida ne’e tanba wainhira situação hanesan ne’e nafatin, to’o momento ida Forças bele baruk mosu desânimo. Tanba hare deit ba condições nebe atu lori sira ba professionalismo. Nu’udar Comandante das Força Armadas, ha’u iha prioridade tolu; Promoção dos recursos humanos, Bem estar Força Armadas ninian, Modernização das Força Armadas no mos Capacitação dos recursos humanos ne’e la’o dadaun.

Lere Anan mos garante katak Hahalok Respeito ne’e cultura ida nebé uluk kedas ita iha, nune’e mos confiança! wainhira hala’o knar iha situação no setor saida deit, ita tem que considera nafatin ita nia cultura, ita considera malu no hatene ita nia-an! Uluk ita iha frente ida deit, objectivo ida deit uluk ita iha confiança, la rai segredo ba malu, ohin loron ita começa rai segredo, lakon confiança. La’os hanesan uluk! Partidos Políticos sira halo ita desconfia malu, tan ne’e, ita husu atu recupera no hametin liu tan ita nia confiança ba malu nebé ita iha hanesan uluk, iha situação difícil. (Alin)

Leave a Reply

Your email address will not be published. Required fields are marked *