shadow
Diocese de Dili > NOTÍCIAS > Notícias > IRMÃO GILES MARIA DE SÃO JOSÉ

IRMÃO GILES MARIA DE SÃO JOSÉ

7 de Fevereiro

Irmão Giles Maria de São José, Religioso moris por volta 1729 iha cidade Taranto, Italia. Irmão Giles Maria sei kiik, ema nebe creativo teb-tebes hodi produs homan tali (tali Tampar). Wainhira nia completa ona idade 25, Irmão Giles hahu reconhece nia Vocação. Irmão Giles hahu tama no halao nia moris iha Comunidade Religioso nian ida, atu oferece deit nia moris tomak ba deit Nai Maromak. Irmão Giles hahu moris hamutuk ho saseluk São Pedro Alcantara iha Naples. Irmão Giles Maria ema ida nebe haraikan no domin nain tebes. Nia tempo no moris tomak oferece deit atu servi Nai Maromak. Irmão Giles agradece tebes ba Vocação nebe Nai Maromak haraik ba nia. Knaar nebe Irmão Giles halao mak guarda portão. Iha knaar guarda portão nee hodi loke no taka ba ema nebe atu toca sinu iha comunidade nia laran. Knaar ida nee mak Giles halao iha nia moris lor-loron nian iha nia moris tomak. Iha parte seluk, Irmão Giles mos iha knaar ação caridade balun nebe masque sai nudar guardador, maibe nia iha mos carisma ida atu hamatan ba ema kiak sira, ema hirak nebe mak moras, terus nebe Comunidade halibur. Tamba ne’e, Irmão Giles simu responsabilidade boot ida ne’e atu hamatan ba ema hirak ne’e. Irmão Giles lor-loron oferece aihan ba ema kiak no moras sira nebe Comunidade halibur. Giles sente haksolok teb-tebes ho knaar nebe Comunidade oferece ba nia. Loron ba loron ema aumenta ba bebeik. Irmão Giles la sente kole atu hamatan ba ema wain nee. Irmão Giles mos la preucupa ho sasan nebe nia sei oferece, masque aihan hirak nee limitado tebes. Masque ituan maibe Irmão Giles la preucupa. Ho aihan nebe ituan, ho esforço hotu Giles fahe ba ema lubun boot hirak ne’e atu han, curativo ba ema moras sira. Ho nia laran luak hira ne’e, milagre mosu ba nia hanesan aihan sira nebe nia iha atu oferece ba ema mukit sira aumenta barak ba bebeik. Irmão Giles fahe nafatin ba nafatin, maibe aihan ne’e la menus. Tamba ne’e Irmão Giles fiar katak buat hotu mai husi São José basá Irmão Giles nia devoção ba São José iha nia moris nuudar religioso klean tebes. Ho acção tomak nebe Irmão Giles halo ho Nai nia tulun ho vocação nebe nia hili. Irmão Giles Maria de São José husik nia is ikus iha loron 7 de Fevereiro 1812. Irmão Giles hetan Beatificação husi Papa Pio IX iha tinan 1888. (NGL)

Leave a Reply

Your email address will not be published. Required fields are marked *