shadow
Diocese de Dili > NOTÍCIAS > Notícias > SÃO BLASIUS

SÃO BLASIUS

3 de Fevereiro

 São Blasius moris por volta Sec. IV. Blasius moris husi família riku. Blasius hetan matenek husi ema Cristão sira. Iha vida Juventude nian, Blasius hanoin kona ba problema nebe halo ema barak terus iha tempo neba. Blasius hahu conciente katak, ho vida Espiritualidade deit mak bele halo ema hetan ksolok rohan laek. Blasius hahu foti decisão hodi hakarak halao vida Nailulik nian. Hahu husi nee Blasius hahu lao iha formação ba nailulik nian. Depois sai nailulik, ho capacidade no vida espiritual nebe makas tebes ba Maromak, iha deit tinan balu nia laran, Padre Balsius nomeia ba Bispo Sebaste iha Armenia nebe agora hanaran Turque. Ho neon tomak Bispo Blasius serviço makas la hatene kole, hodi lori nia comunidade sarani sira atu hetan ksolok. Bispo Blasius sempre halo oração no haklaken Maromak nia reino ba ema hotu. Wainhira Governador Licinius hahu haterus ema Cristão sira, Bispo Blasius hetan kedas capturação husi soldado sira. Hahu husi ne’e, soldado sira lori Bispo Blasius atu hatama iha Cadeia hodi halakon tiha nia vida ka hamate nia. Tuir dalan, sarani barak hamrik tuir dalan nakonu ho oração hodi hare sira nia Bispo ba dala ikus nian. husi ne’e, Bispo haraik bensa ba sira tuir dalan tanto ba ema Cristão no mos ema gentio sira. Inan feto ida ho aten brani hodi hakbesik ba iha Bispo Blasius atu husu tulun basá nia oan moras todan. Altura nee kedas Bispo blasius salva labarik nee. Labarik nee iha ika ruin nebe belit metin hela iha nia kakorok hodi hein deit atu mate. Bispo Blasius hasae oração ba Maromak hodi husu tulun husi Maromak atu haraik fali isin diak ba labarik ne’e. Wainhira Bispo nee remata nia oração hodi haraik bensa ba labarik nee, derepente milagre mosu ba labarik ne’e hodi hetan hikas fali isin diak. Tamba ne’e. Iha loron 3 fevereiro, ema hotu nebe hetan moras iha parte kakorok hasae oração especial ba iha Santo ne’e no sei hetan isin diak fila fali. Wainhira dadur iha cadeia laran Bispo Blasius consege comverte ema gentio barak iha cadeia nia laran. To’o ona tempo nia atu mate, soldado sira hamate nia maneira tesi kotu nia kakorok iha tinan 316. (NGL)

Leave a Reply

Your email address will not be published. Required fields are marked *