shadow
Diocese de Dili > NOTÍCIAS > Notícias > SÃO HIRÓNIMO EMILIANI

SÃO HIRÓNIMO EMILIANI

8 de Fevereiro

Hirónimo Emiliani moris por volta 1486 iha Venice, Italia. Hirónimo ema soldado ida nebe mak aten brani tebes no ema fo fiar ba nia hodi chefia iha area fronteira nian. Iha loron ida, wainhira halo hela vigilância iha area Fronteira nian, ema inimigo sira husi força Maximiliano I nian assalta sira iha fronteira refere hodi captura tiha Hirónimo no castigo nia iha Cadeia. Hahu iha cadeia nia laran Hirónimo hahu sente laran susar ho moris nebe nia simu. Hirónimo hahu reconhece katak durante ne’e, nia nunca hanoin Maromak. Hirónimo sente sala teb-tebs basá iha tinan barak nia laran halao nia moris iha infiel no imoral nia laran. Hahu husi nee, Hirónimo hahu halo promessa ba Nain Feto katak nia sei renova nia moris atu fila ba dalan diak. Lor-loron Hirónimo halo nia devoção ba deit Nain Feto. Too ikus, Oração nebe nia halo iha nia moris tomak hetan resposta husi Nain Feto, Hirónimo hetan kbiit fila fali no consege halai sai husi cadeia. Hirónimo halai ba iha Igreja ida hodi hasubaran iha Igreja ne’e. wainhira tama tiha ba Igreja nia laran, Hirónimo hahu hasai corrente nebe tau ba nia liman no ain, nia tau iha Nain Feto nia futar ain. Iha tempo barak nia laran, Hirónimo halao nia moris hodi servi Igreja. Ikus mai Hirónimo sai Nailulik. Nia knaar tomak atu tau matan no halibur labarik sira nebe inan aman laiha, kiak no mukit sira (Orfonato). Padre Hirónimo hari uma ida ba labarik sira ne’e, hodi fo ba sira hatais no aihan. Padre Hirónimo mos hanorin labarik sira kona ba sira nia fiar ba Maromak. Padre Hirónimo mos harí Comunidade ida ba Mane sira nebe moris iha Orfonato nia laran. Padre Hirónimo hahu hanorin Jovem Mane sira atu hamatan ba ema kiak no mukit sira. Padre Hirónimo mos dedica nia an hodi servico hamutuk ho ema agricultor sira no hanorin ema hirak ne’e ho Maromak nia

Graça. Padre Hirónimo hakotu nia is ikus wainhira nia cura hela ema moras iha tinan 1537. Padre Hirónimo foti ba Santo husi Papa Bento XIV iha tinan 1767. (NGL)

Leave a Reply

Your email address will not be published. Required fields are marked *