shadow
Diocese de Dili > NOTÍCIAS > LETURA DIÁRIA > Terça-Feira, I Semana tempo Quaresma

Terça-Feira, I Semana tempo Quaresma

ANO B

 

Primeira Leitura                                                                                     Is. 55. 10-11

Lia housi livro Isaías nian

Na’i dehan nune’e: “Udan no mahan-wén, wainhira tun housi Lalehan mai, la fila fali ba iha neba, wainhira seida’uk rega rai; seida’uk hamoris no haburas nia, atu bele fó fuan ba to’os na’in hodi fó aihan ba ida nebé atu han. Nune’e mak liafuan nebe sai housi Ha’u ibun la fila uainhira seida’uk fó fuan, seida’uk halo tuir lolós Ha’u nia hakaran, seida’uk halo ninia serbisu”.

Maromak Futar Lia.

 

Salmo Responsorial                                                                                                                                 Sal. 33(34), 4, 5, 6, 7, 16-17, 18-19, (R. 18b)

Refrão : Maromak soi ema laran lós housi susar tomak!!! Repete-se

 

Ha’u sei haksolok iha Na’i,

Ita sei hahi hamutuk Nia naran.

Ha’u buka Na’i, Na’i rona ha’u;

Nia hasa’i ha’u housi buat áat hotu. Refrão

 

Imi fila ba Na’i, imi sei hetan ksolok;

Imi sei la moe lerek.

Ema kiak harohan, Na’i rona nia,

Soi nia housi buat áat hotu. Refrão

 

Maromak haré nafatin ema nebé laran mós,

Sée tilun hodi rona nia harohan;

Na’i fila oin housi ema áat sira

Atu halakon sira naran housi Rai-klaran. Refrão 

 

Na’i sei rona ema laran mós sira nia hakilar,

Sei soi sira housi nia susar laran.

Na’i besik fuan sira be hakribi salan,

Titu hein atu soi sira be laran nakraik. Refrão 

 

Aclamação                                                                                                                                                                                                                    Mt. 4. 4b

Refrão : Hahi hana’i ba Itaboot, Jesus Cristo, ami Na’in!!! Repete-se       

                  Ema la moris de’it ho aihan, maibé ho liafuan sira nebé mai housi Maromak futar ibun. Refrão

 

Evangelho                                                                                                                                                                                                                  Mt. 6. 7-15

Na’i Jesus Cristo nia Evangelho nudar São Mateus haktuir

Iha tempo neba, Jesus dehan ba Nia escolante sira: “Wainhira imi harohan, lalika dehan liafuan barak hanesan ema gentio sira; sira hanoin katak hodi ko’alia barak mak bele rona. Tan ne’e, imi keta halo hanesan sira, basá imi Aman iha Lalehan hatene hotu buat nebé imi hakarak wainhira imi atu husu ba Nia. Tan ne’e, imi harohan nune’e: “Ami Aman iha Lalehan, tulun ema atu hahi Ita naran, halo Ita Nia reino to’o mai ami; haraik tulun ba ema atu tuir Ita hakaran iha rai nu’udar iha Lalehan. Ohin ne’e, haraik aihan lor-loron nian mai ami; haraik perdua mai ami salan nu’udar ami perdua ba ema halo áat ami; la bele husik ami monu ba tentação, maibé hasai ami housi buat áat”. Imi fó karik perdua ba ema sira nia salan, nune’e mós imi Aman iha Lalehan sei fó perdua ba imi. Maibé, imi la fó karik perdua ema sira, imi Aman mós sei la perdua ba imi salan sira”.

Lia Maksoyn

Leave a Reply

Your email address will not be published. Required fields are marked *