shadow
Diocese de Dili > NOTÍCIAS > LETURA DIÁRIA > Quinta-Feira, I Semana tempo Quaresma

Quinta-Feira, I Semana tempo Quaresma

ANO B

 

Primeira Leitura                                                                                      Est. 4.17

Lia husi livro Ester nian

Iha loron hirak neba, liurai feto Ester, monu tiha iha susar toda, hodi buka tiha tulun iha Na’i, harohan tiha nune’e ba Na’i, Israel nia Maromak: “Ha’u Na’i, ami Liurai, Ita mesak mak Maromak. Mai tulun ha’u tan ha’u hela mesak, iha Ita mesak ha’u hetan tulub basá susar be haré hela ha’u mai besik dadaun. Wainhira ha’u moris mai, Na’i, ha’u rona tiha katak iha ha’u aman sira nia uma-kain, iha ema oi-oin nia leet, Ita hili tiha Israel no ami aman sira housi sira nia bei-ala sira leet, atu sira bele hela nafatin ba Ita, hodi haraik ba sira buat hotu nebé Ita hakotu hela ona. Na’i, Ita hanoin hikas ba, buka hatene fali ba, iha oras nebé ami iha susar laran. Liurai be Maromak hot-hotu nian, haraik aten barani banati mai ha’u. tau iha ha’u ibun liafuan hirak nebé bele lian mós wainhira ha’u iha leão sira oin. Fila Ita fuan ba nia ba atu hadook ami funu baluk, hodi buka halakon nia no buat hotu nebé tuir nia. Maibé ba ami soi ami ho Itaboot liman; ba ha’u, Ita mai tulun ha’u ba, basá ha’u hela mesak; iha Ita de’it ha’u tau ha’u neon, Na’i, Ita be hatene buat hotu!”

Maromak Futar Lia.

 

Salmo Responsorial                                                                                                                                       Sal. 137(138). 1-2ª, 2bc-3, 7c-8. (R. 3ª)

Refrão : Na’i, wainhira ha’u harohan, Ita rona ha’u!!! Repete-se

 

Na’i, ha’u hahi Ita ho laran tomak,

Tan Ita rona liafuan sira housi ha’u ibun.

Iha Anjo sira oin, ha’u hawélok ita,

Ha’u hakru’uk ba Ita templo Santo. Refrao

 

Ha’u hahi Ita naran Santo,

Tan Ita laran luak no laran lós,

Wainhira ha’u harohan, Ita rona ha’u,

No habo’ot ha’u klamar nia kbiit. Refrao

 

Na’i, Ita liman lós soi ha’u;

Na’i halo buat hotu mai ha’u.

Na’i, Ita domin rohan laek,

La hakribi buat hotu nebé Ita futar liman halo. Refrão

 

Aclamação                                                                                                                                                                                              Sal. 50(51). 12ª-14ª 

Refrão : Hahi no glória ba Itaboot, Jesus Cristo, ami na’in!!! Repete-se

                  Na’i, halo fuan mós ida iha ha’u;

                  haraik mai ha’u ksolok maksoyn nian. Refrão

 

Evangelho                                                                                                                                                                                                                  Mt. 7. 7-12

Na’i Jesus Cristo nia Evangelho nudar São Mateus haktuir

Iha tempo nebá, Jesus dehan ba Nia escolante sira: “Imi husu ba no Ha’u sei fó ba imi. Imi buka ba no imi sei hetan. Baku ba no sei loke ba imi. Basá ema hotu nebé husu, sei simu; ida nebé buka, hetan; ida nebé baku, sei loke. Imi ida nebé mak sei fó fatuk ida ba nia oan nebé husu ba nia pão fuan ida? No husu karik ikan ida, nia sei fó ba nia oan samea ida? Imi be laran áat bele hatene karik fó buat di’ak ba imi oan sira, liu-liu imi Aman nebé iha Lalehan sei fó buat di’ak hotu ba sira buat nebé husu buat hirak ne’e ba Nia! Nune’e, buat nebé imi hakarak atu ema bele halo ba imi, imi halo mós nune’e ba sira, basá nune’e mak Lei, hanesan mós profeta sira.

Lia maksoyn.

Leave a Reply

Your email address will not be published. Required fields are marked *