shadow
Diocese de Dili > NOTÍCIAS > LETURA DIÁRIA > Quarta-Feira, II Semana tempo Quaresma

Quarta-Feira, II Semana tempo Quaresma

ANO B

 

Primeira Leitura                                                                                    Jer. 18. 18-20

Lia housi livro  Jeremias nian

Jeremias nia funu baluk sira hateten ba malu: “Imi mai! Ita futu lia ida hasouru Jeremias basá lia hanourin sei la lakon maski na’ilulik sira la iha; conselho mós sei la lakon maski ema matenek la iha. No mós oração sei la lakon maski Profeta la iha. Imi mai! Ita ba hasusar nia hodi ita nia liafuan. Ita lalika rona lia bé nia hateten”.

“Na’i sée tilun mai ha’u, rona ha’u nia funu baluk sira lian. Nune’e mak ema ida selu di’ak ho áat basá sira loke tiha rai kuak ida atu halakon ha’u nia moris. Ita hanoin ha’u ba nebé mosu iha Ita oin atu, tan sira, ha’u harohan ba Itaboot, atu Ita bele hadook tiha Ita laran hirus housi sira!”

Maromak Futar Lia.

 

Salmo Responsorial                                          Sal. 30(31). 5-6, 14, 15, (R. 17b)

Refrão : Hahi ba Ita, Jesus Cristo, Liurai glória rohan laek nian!!! Repete-se

    

 Ita hasai ha’u housi hani bé sira tau mai ha’u,

Tan Ita, ha’u heli-an-fatin-fatin.

Ita Ita liman ha’u saran ha’u klamar;

Maromak laran lós, soi ha’u. Refrão

 

Tebes, ha’u rona ema wa’in hakilar;

Ta’uk taka ha’u, tan sira futu lia hasouru ha’u,

Hakotu lia atu hasai ha’u nia moris.

Maibé, Na’i, ha’u fiar Itaboot;

Ha’u dehan “Ita mak ha’u Maromak”. Refrão

 

Aclamação                                                                                                                                                                                                                    Jo. 8. 12

Refrão : Hahi ba Ita, Jesus Cristo, Liurai glória rohan laek nian!!! Repete-se

                  Na’i dehan, “Ha’u mundo nia roman;, ema sé tuir Ha’u,

                  La la’o iha nakukun, maibé, sei hetan roman moris nian”. Refrão

 

Evangelho                                                                                                                                                                                                                     Mt. 20. 17-28

Na’i Jesus Cristo nia Evangelho nu’udar São Mateus haktuir

Iha tempo nebá, Jesus sa’e ba Jerusalém. Nia bolu ketak sira na’in sanulu resin rua. Hafoin iha dalan Nia hateten ba sira: “Imi haré katak ita atu sa’e ba Jerusalém; Oan Mane Maksoyn, ema sei saran ba sacerdote ulun sira no ba escriba sira. Sira sei fó mate ba Nia; sei saran Nia ba ema gentio sira atu sira bele hamo’e Nia, haterus Nia, hodi hedi Nia ba Cruz. Maibé Nia, liu loron tolu sei moris hi’as!”

Nune’e, Zebedeu nia oan sira nia inan hakbesik-an ba Jesus ho nia oan sira, hakru’uk iha Nia oin hodi hasa’e lia ida ba Nia. Jesus husu ba nia: “Ó hakarak saida?” Nia hatan: “Haraik ba ha’u oan mane na’in rua ne’e atu bele tur iha Ó nia reino, ida iha Ó sorin kuana, ida seluk iha Ó sorin karuk”. Jesus hatan: “Imi la hatene buat sá mak imi husu! Imi bele hemu cálice nebé Ha’u atu hemu?” Sira hatan ba Nia: “Ami bele!” Nune’e Jesus fó hatene ba sira: “Imi sei hemu Ha’u nia cálice; maibé atu tur iha Ha’u sorin kuana eh Ha’u sorin karuk, la’os kona ba Ha’u atu fó ba imi; buat ba de’it sira nebé Ha’u Aman hadi’a hela ona”.

Sira na’in sanulu seluk nebé rona hela, sira hirus teb-tebes ho sira maun-alin na’in rua. Maibé Jesus bolu tiha sira hodi dehan: “Imi hatene katak na’i ulun nação sira nian hatudu tebes duni sira nia ukun; hafoin boot sira bé ukun hanehan sira. Iha imi leet la bele hanesan ne’e; ema nebé, iha imi leet, hakarak hela iha oin, nia sei halo-an nu’udar atan. Hanesan mós Oan Mane Maksoyn nebé mai la’os atu ema serbi Nia, maibé mai atu serbi no fó moris hodi soi ema lubun boot”.

Lia Maksoyn.

Leave a Reply

Your email address will not be published. Required fields are marked *