shadow
Diocese de Dili > NOTÍCIAS > Notícias > HASORU ELIÇÃO ANTECIPADA, POVO REMEXIO HAKMATEK

HASORU ELIÇÃO ANTECIPADA, POVO REMEXIO HAKMATEK

DCDD, Remexio-Hafoin Presidente da República Francisco Guterres “Lu-Olo” foti decisão atu hakat ba Elição antecipada, teritorio Timor laran hotu hakmatek laiha reacção ruma hasoru decisão Presidente da República nian ne.   Situa,cão ida hanesan mos lao iha Posto administrative Remexio Municipio Aileu. Povo iha posto refere hakmatek hasoru evento democracia ne. Tuir Admnistrador posto administrative Jacinto mendonca iha domingo loron 25 fulan fevereiro tinan ida ne, ba Jornalista DCDD hateten sira nia parte pronto hasoru elição antecipada ho hakmatek. “ Hafoin decisao husi Presidente da República fo sai iha loron 26 fulan janeiro tinan ida ne, hau marka kedas encontro ho Lider partido politico no che do Suco  sira ne (Remexio-red) no hotu-hotu compromete atu cria situação nebe hakmatek iha Remxio no hau fo ona avizu ba comunidade  atrevez husi chefe do Suco sira atu ida-ida halao nia actividade hanesan bain-bain politica ne husik ba ema boot sira nian” hateten Administrador Jacinto.

Aministrador ne mos informa katak durante ne relação entre lider politico sira Remexio lao diak nune mos militante sira “ Dalaruma quando sira tur hamutuk sira descute malu kona ba partido politico maibe nafatin iha ambiente nebe hakmatek. Hau koalia ona ba sira atu wainhira grupo ida koalia lian as grupo seluk keta simu hasoru” Jacinto hatutan.

Aministrador Posto Remexio mos garante katak iha tempo campanha nia garante katak stuação sei lao iha hakmatek nia laran tanba iha coordenação nebe diak entre Lider Local, Lider Comunitario, lider politico, autoridade segurança no comunidade sira. “ antes tama campanha ami sei convoca tan reunião ida ho parte competente hotu iha Remexio ne no sei asina hamutuk pacto unidade nebe hanesan bain-bain ami halo ona iha tempo neba.” Tenik Jacinto.

Biban ne Administrador mos husu ba lider politico sira nebe atu ba halo campanha iha Posto Administrativo Remexio atu hato’o sira nia program politico no labele hato liafuan insulta sira nebe bele provoca situação lao ladiak. (RMG)

Leave a Reply

Your email address will not be published. Required fields are marked *