shadow
Diocese de Dili > NOTÍCIAS > LETURA DIÁRIA > Sexta-Feira, III Semana tempo Quaresma

Sexta-Feira, III Semana tempo Quaresma

ANO B

 

Primeira Leitura                                                                                        Os. 14. 2-10

Lia housi Profeita Oseias nian

Na’i lia tun nune’e: “Israel, fila ba Na’i, ó nia Maromak, tan ó nia sala sira mak halo ó monu. Imi mai ho liafuan harohan.; fila ba Na’i hodi hasa’e lia ba Nia: “Perdua ami salan sira tomak; simu buat diak nebe ami iha; iha karau oan sira fatin, ami sei hasa’e ami liafuan ba Ita hodi hahi Ita. La’os Assíria mak bele soi ami: ami mós sei la sa’e kuda funu nian; ami sei la hanaran ‘ami nia Maromak’ buat nebe ami liman halo, tanba iha ita mak oan kiak hetan domin. Ha’u sei halo sira nia laran áat sai di’ak. Ha’u hadomi sira ho laran tomak tanba Ha’u nia laran hirus sei dok housi sira. Ha’u sei sai hanesan maha-wen ba Israel. Nia sei nafunan hanesan ai-funan lírio; abut sei metin hanesan cedro Líbano nian. Nia tubun sira sei naruk to’o iha fatin dook, sei furak hanesan ai oliveira, moris hanesan Líbano nia mina morin. Sira sei tur fali iha Ha’u nia mahan atu halo to’os trigo nian. Sira sei nafunan hanesan ai-uvas, sira naran sei boot hanesan tua Líbano nian. Efraim, Ha’u iha buat ruma ho ó nia maromak falso sira? Ha’u mak simu hodi rona ho laran. Ha’u hanesan ai cipreste matak ba nafatin; hodi Ha’u mak ó fó fuan. Sé lós matenek hodi hatene buat hirak ne’e hotu? Sé lós neon roman atu hatene buat ne’e? Tebes, Na’i nia dalan lós; ema diak sira tuir dalan ne’e, maibe ema áat sira monu iha dalan ne’e.

Maromak Futar Lia.

 

Salmo Responsorial                                                                                                             Sal. 80(81). 6c-8a, 8bc-9, 10-11ab, 14, 17 (R. cf. 11, 9)

Refrão :   Ha’u mak Na’i, ó nia Maromak, rona Ha’u luan!!! Repete-se

 

Ha’u rona lian ida oin seluk

“Ha’u kasu naha housi ó nia kbás;

Ha’u hasai liman housi luhu sira.

Ó hakilar iha susar laran, Ha’u soi ó. Refrão

 

Housi kukur nia laran Ha’u hatan ba ó,

Ha’u koko ona ó iha wé Meribá nia ninia.

Ha’u nia povo, rona Ha’u nia lia menon;

nune’e Israel sée tilun mai Ha’u.” Refrão

 

Ó sei la iha Maromak seluk,

ó sei la adora Maromak seluk.

Ha’u, Na’i, mak ó nia Maromak,

Mak hasai ó housi rai Egipto. Refrão

 

Ah! Ha’u nia povo rona karik Ha’u,

Israel tur karik Ha’u nia dalan,

Ha’u sei fó han sira ho trigo rahun funan,

halo sira bosu ho fatuk-inan nia wani-wen.” Refrão

 

Aclamação                                                                                                                                                                                                                     Mt. 4. 17

Refrão : Na’i, hahalok Ita futar liman, boot no kmanek tebes!!! Repete-se

                  Hakribi imi na sala, Na’i dehan,

                  basá Maromak Nia reino besik ona. Refrão

 

Evangelho                                                                                                                                                                                                         Mc. 12. 28b-34

Na’i Jesus Cristo nia Evangelho tuir São Marcos

Iha tempo neba, ema escriba ida hakbesik hodi dehan ba Jesus: “Ukun-fuan ida nebe mak boot liu hotu?” Jesus simu hodi dehan ba nia: “Ukun-fuan boot liu, ida mak ne’e: ‘Israel! Rona mai! Na’i, ita nia Maromak, Nia deit mak Na’i lolós! Ó sei hadomi ó nia Na’i, ó nia Maromak, ho neon ho laran tomak, ho ó nia biit hotu!’ Ukun-fuan boot liu rua mak ida ne’e: ‘Ó sei hadomi ó nia maluk hanesan ó-an rasik.’ Ukun-fuan boot liu fali rua ida ne’e, la iha!” Ema escriba ne’e hateten ba Nia: “Lós duni, Metre! Ita dehan lós; Maromak, Nia mesak! La iha tan seluk hanesan Nia! Hadomi Maromak ho neon ho laran tomak, hadomi Maromak ho hanoin no biit tomak, hadomi maluk sira haneasn ita-an rasik, ne’e mak folin liu hamulak no sacrifício hot-hotu! Haré tiha katak ema dook housi Maromak Nia reino!” Ema ida la hanoin tan atu husu koko Nia.

Lia maksoyn.

Leave a Reply

Your email address will not be published. Required fields are marked *