shadow
Diocese de Dili > NOTÍCIAS > LETURA DIÁRIA > Segunda, IV Semana tempo Quaresma

Segunda, IV Semana tempo Quaresma

ANO B

 

Primeira Leitura                                                                                          Is. 65. 17-21

Lia  housi Profeita Isaias nian

Na’i lia tun nune’e: “Ha’u atu halo mosu lalehan foun no rai foun. Ema sei la hanoin tan buat uluk nian, nia mós sei la fila tan mai ema neon. Sei haksolok no hahi rohan laek tan buat nebe hau atu halo mosu; Ha’u sei halo Jerusalém sai ema nia ksolok; ema sei haksolok mós ho nia povo. Ha’u sei haksolok teb-tebes tamba Jerusalém; Ha’u sei haksolok tamba Ha’u nia povo. Iha neba ema sei la rona teni lia tanis halerik eh hakilar tan nia susar. Iha neba mós sei la iha labarik nebe moris loron balun de’it; la iha mós katuas ho tinan badak. Sei mate ho tinan atus ida, nia hanesan ema klosan; la to’o tinan atus ida, ne’e sei sai hanesan malisan. Sira sei halo uma iha nebe sira bele hela; sira sei kuda to’os uvas hodi han nia fuan”.

Maromak Futar Lia.

 

Salmo Responsorial                                                                                                                                            Sal. 29(30). 2e4, 5-6, 11-12ª. 3b (R. 2a)

Refrão :  Na’i, ha’u hawelok Ita tan Ita soi ha’u!!! Repete-se

Na’i, hawelok Ita, tan Ita soi ha’u,

Ita la husik funu baluk sira hasara ha’u.

Na’i, Ita hasai ha’u nia klamar

Housi mate sira nia fatin,

Halo ha’u moris, atu labele tun ba rate. Refrão

 

Hananu Salmo ba Na’i, imi sira be nia emar,

Agradece ba Nia futar naran santo.

Nia hirus deit lalais oan de’it;

Nia laran maus iha moris laran tomak. Refrão

 

Rai kalan dau-daun, tanis to’o mai,

Iha dadersan fila fali ksolok.

Na’i, rona, sadia ha’u, tulun ha’u ba.

Ita fila ha’u nia tanis ba ksolok.

Na’i ha’u nia Maromak,

Ha’u sei hahi Ita nafatin. Refrão

 

Aclamação                                                                                                                                                                                                                 Am. 5. 14

Refrão : Glória ba Ita, Jesus Cristo, Matenek Aman nian!!! Repete-se

Imi buka buat di’ak, keta buka buat áat atu imi bele moris.

Na’i Maromak sei hela ho imi. Refrão

 

Evangelho                                                                                                                                                                                                                 Jo. 4. 43-45

Na’i Jesus Cristo nia Evangelho tuir São João Haktuir

Iha tempo neba, Jesus sai husi Samaria hodi liu ba Galileia. Nia rasik fó hatene sai ona katak la iha profeta ida, nebe ema bele hahi iha nia rain rasik. Wainhira Nia to’o iha Galileia, galileu sira simu Nia, tan sira haré buat nebe Nia halo ona iha Jerusalém iha oras festa nian, tamba sira mos ba festa ne’e. Jesus mai fali iha Caná Galileia nian, iha nebe Nia halo we nakfilak ba tua. Iha liurai embo’ot ida nia oan moras iha Cafarnaúm wainhira nia rona ema dehan katak Jesus to’o mai Galileia housi Judeia, nia ba hasouro hodi husu ba Jesus atu tun ba halo di’ak nia oan nebe besik atu mate. Jesus hateten ba nia: “Imi la haré karik sinal no buat foun, imi sei la fiar!” Liurai nia embo’ot ne’e hatan ba Jesus: “Na’i, tun ba molok ha’u nia oan mate”. Jesus hatan ba nia: “Ba, ó nia oan moris!” ema ne’e fiar iha liafuan nebe Jesus dehan ba nia hodi la’o nia dalan. Nia tun dau-daun, wainhira atan sira mai hasouro nia hodi dehan katak nia oan moris. Nia husu ba sira iha oras sá mak nia oan hetan isin di’ak. Sira hatan ba Nia: “Horiseik tuku ida loraik isin manas husik nia”. Ne’e duni aman ne’e hatene lolós katak iha oras ne’e duni mak Jesus lia tun ba nia: ‘ó nia oan moris!’ Nia fiar, nia uma laran tomak mós fiar. Ba dala rua ona Jesus halo milagre wainhira fila housi Judeia mai Galileia.

Lia maksoyn.

Leave a Reply

Your email address will not be published. Required fields are marked *