shadow
Diocese de Dili > NOTÍCIAS > LETURA DIÁRIA > Terça, IV Semana tempo Quaresma

Terça, IV Semana tempo Quaresma

ANO B

 

Primeira Leitura                                                                                    Ez. 47:1-9,12

Lia  housi Profeita Ezequiel nian

Iha loron hirak neba, Anjo lori ha’u mai Uma-Kreda boot. Housi nia okos, suli mota ida ba Loro-sa’e, tamba Uma-Kreda boot sée oin ba Loro-sa’e. We suli housi okos, iha uma nia sorin kuana no altar sorin sée ba Tasi-mane. Anjo halo ha’u sai housi odamatan boot sée ba Tasi-feto, lori ha’u hadulas housi fatin liur, to’o odamatan boot iha liur, nebe sée oin ba Loro-sa’e.

We suli housi sorin kwana. Hafoin anjo la’o ba Loro-sa’e ho tali sukat nian ida iha liman, Nia sukat hakat rihun ida hodi haruka ha’u hakur we. We to’o iha ha’u nia ain tuban. Nia sukat tan hakat rihun ida hodi hakur ha’u haruk. We to’o iha ha’u nia ain tur. Nia sukat tan hakat rihun ida hodi hakur liu ha’u hakur. We to’o iha ha’u nia knotak. Nia sukat tan hakat rihun ida hodi hakur ha’u hakur. We sa’e maka’as ona, ha’u labele liu. We boot liu tan to’o sama rai la hetan; mota boot ida atu liu labele. Ne’e duni, Anjo hateten mai ha’u: “Haré ona mane oan?” Nia halo ha’u fila liu housi mota ninin. Wainhira ha’u fila, haré iha mota ninin, iha sorin rua-rua, ai barak lós.

Anjo hateten mai ha’u: “We hirak ne’e suli ba Loro-sa’e tun to’o Arabá, no tama tasi laran. Iha tasi we, masin halo we mota sai di’ak. Iha fatin hotu nebe we mota ne’e to’o, buat hotu be moris, sei moris di’ak; ikan sei sai wa’in. Basá, iha fatin nebe we to’o ba, we sei halo buat hotu sai di’ak; iha fatin hotu nebe mota to’o, buat hotu sei moris furak. Iha mota ninin, iha sorin-sorin, sei moris ai oi-oin nebe fó fuan; nia tahan sei la monu, nia fuan sira mós sei la hotu. Ful-fulan sira sei fó fuan foun, tamba we nebe habokon sira mai housi fatin santo. Sira nia fuan aihan di’ak, sira nia tahan ai-moruk”.

Maromak Futar Lia.

 

Salmo Responsorial                                                                                                                                                           Sal. 45(46). 2-3, 5-6, 8-9 (R.8)

Refrão :  Mundo raiklaran nia Na’i hela ho ita,

                  Jacob nia Maromak mak ita nia Mahein!!! Repete-se

Maromak mak ita nia Mahein, ita nia biit,

Tulun nafatin ita iha susar laran.

Ne’e duni keta ta’uk, maski rai nakdoko,

Foho sira monu ba tasi okos. Refrão

 

Mota ida nia liman haksolok Maromak nia cidade

Maromak hôrik fatin santo liu hotu

Maromak iha nia klaran halo nia metin

Maromak tulun nia houri rai hun mutin. Refrão

 

Funu na’in sira nia Na’in hela ho ita,

Jacob nia Maromak mak ita nia biit!

Mai, hodi haré Na’i nia hahalok,

Buat foun sira be Nia halo iha rai-klaran. Refrão

 

Aclamação                                                                                                                                                                                              Sal. 50(51). 12a, 14a

Refrão : Glória ba Ita, Jesus Cristo, Matenek Aman Nia Liafuan. Repete-se

                  Na’i, fó fuan mós ida mai ha’u, haraik ksolok foun Ita salvação nian. Refrão

 

Evangelho                                                                                                                                                                                                        Jo. 5. 1-3a, 5-16

Na’i Jesus Cristo nia Evangelho tuir São João Haktuir

Iha tempo neba, iha festa judeu sira nian, Jesus sa’e ba Jerusalém, besik portão bibi oan sira nian, iha we lihun ida nebe iha lia hebraico, ema hanaran Betsatá, nebe iha pórtico lima. Iha pórtco hirak ne’e, latan hela ema barak nebe moras, matan áat, ain áat ho ema kraes. Iha neba, iha mos mane ida, moras tinan tolunulu resin walu nia laran. Wainhira haré nia latan lerek, hateten mós katak nia nune’e de’it kleur ona, Jesus husu ba nia: “ó hakarak sai di’ak?” Moras hatan ba Nia: “Na’i, ha’u la iha ema ida hatama ha’u ba we lihun laran, iha oras we book-an. Wanhira ha’u ba, ida seluk tama uluk liu ha’u”. Jesus lia tun ba nia: “Hamriik kaer ó nia biti, la’o ba”. Mane ne’e isin di’ak kedas, kaer iha biti, hahu la’o.

Loron ne’e loron sábado ida. Ne’e duni, judeu sira hateten ba ema foin isin di’ak ne’e: “Ohin sábado, ó la bele lori ó nia biti”. Maibe nia hatan ba sira: “ema be halo ha’u hetan isin diak, nia mak hateten mai ha’u: ‘kaer ó nia biti la’o ba’”. Sira husu ba nia: “Se lós mak dehan ba ó: ‘kaer ó nia biti la’o ba? Maibe mane nebe foin hetan isin di’ak la hatene sé, tamba Jesus hadook-An tiha, basá ema barak iha fatin neba. Tuir fali, Jesus hetan nia iha uma kreda, hateten ba nia: “Oras ne’e o di’ak ona, keta sala tan atu la bele hetan buat áat liu ne’e!” Mane ne’e ba hateten ba judeu sira katak Jesus mak halo nia hetan isin di’ak. Nune’e judeu sira buka tuir Jesus, tan nia halo milagre hirak ne’e iha loron sábado.

Lia maksoin.

Leave a Reply

Your email address will not be published. Required fields are marked *