shadow
Diocese de Dili > NOTÍCIAS > Notícias > IGREJA NO ESTADO JURÍDICAMENTE SEPARAÇÃO DOS PODERES (Hirarquia Igreja Nian Bele Halo Politica ?)

IGREJA NO ESTADO JURÍDICAMENTE SEPARAÇÃO DOS PODERES (Hirarquia Igreja Nian Bele Halo Politica ?)

Iha âmbito da democracia nene’e separação de poderes ne’e importante, tamba historicamente mai kedas husi época mediaval nian. Tamba ne’e Pe. Crispin hanesan Presbítero ida hatoo ninia ponto de vista juridico hodi dehan : koalia kona ba separação de poder iha estado de direito democratico ne’e, iha contituição iha ne’eba hakerek. Maibe laos koalia deit kona ba separação de poder, mas interdependencia instituicional mos constituicional hakerek. Ita nia realização democracia ne’e lao nafatin e kaer kedas ona husi hanoin ida separação de poderes, tamba quando  poder ne’e iha deit ida nia liman bele abusa  de poder ne’e boot liu tan. Agora iha tiha ona âmbito ida be separação de poderes ne’e mos abusa  de poder ne’e sei iha fara mais quando  laiha separação de poderes. Ne’e duni, separação de poderes nene’e ita koalia kona ba poder tolu; poder legislativo, poder executivo ho poder judiciário. Poder tolu ne’e ninia sentido profundo mak ida ne’e: ida halo aprovação, ida halo execução e ida seluk halo controlo e julgamento quando  iha situação ruma nebe importante precisa halo julgamento. Ne’e duni ida aprova ne’e nia la executa e nia la julga, ida executa ne’e nia la aprova e nia mos la julga e ida julga ne’e nia aprova e nia la executa. Ida ne’e mak conteudo importante husi separação de poderes. Ita nia rain Timor Leste Constituição hakerek momos kona ba separação de poderes ida ne’e, tamba ita kaer ba iha princípio do estado de direito democrático. Ita koalia kona ba separação de poderes nene’e iha estado de direito democrático ne’e katak poder ne’e iha povo nia liman, povo mak nian ba poder e poder nebe mak povo fo ba ukun nain sira ne’e liu husi eleição gerais e husi eleição gerais ne’e maka determina se mak atu kaer ukun. Maibe ukun ne’e fahe kedas ona tuir estado de direito democrático, estado de direito ida ne’e exigi atu consagra iha constituição, tamba ne’e mak fahe kedas ona poder tolu ne’e iha constituição e ita adopta situação ne’e para atu bele halo ita ninia  governação iha estado de direito democrático sai equilibro. Sira nain tolu ne’e laos halo separação ne’e únicamente separação, ita mos koalia kona ba interdependencia instituicional katak instituição tolu nene’e ou poder tolu ne’e iha relação de dependencia katak husi sira nebe iha poder legislativo iha mos dependencia ba  sira nebe iha poder executivo, sira nebe iha poder executivo iha relação ba sira nebe iha poder judiciario. Ne’e duni, laos separação ne’e para ida-idak halo ninian ne’e lae. Ida-idak halo ninian poder maibe iha nafatin ligação ho seluk ninia poder. Ida ne’e mak ita nia hanoin kona ba separação de poder iha ita nia rain nebe consagra iha contituição da república.

Uainhira hatan kona ba separação de poder nebé vigora liga mos ho lei canônica nian Padre Diocesano ne’e dehan : separação de poder ita koalia ona ne’e lei civil nian, significa ita koalia kona ba ordenamento jurídico civil ninian. Agora ordenamento jurídico canônico nian ne’e ita la conhece separação de poder, poder sira nene’e iha nivel diocese iha hotu Bispo nia liman. Poder legislativa iha bispo nia liman, poder  executivo iha bispo nia liman e poder judiciario mos iha bispo nia liman. Iha nivel universal iha hotu Papa nia liman. Se mak seviço hamutuk ho Papa ka ho bispo ne’e, sira coadjuga ou sira serviço ho Amo Papa ou iha nivel diocese serviço hamutuk ho bispo para halao knar tolu ne’e iha nivel diocese. Bispo bele delega por exemplo ninia poder administrativo ba iha vigario geral ou bispo bele cria ninia vigario ida ba assunto judiciario. Ida nebe bispo la bele delega ne’e mak poder legislativo, ne’e poder esclussivo bispo ninian, mas poder executivo bele delega ba vigario geral ka bispo coadjutór ou bispo auxiliar, poder judiciario ne’e bele delega, iha nivel igreja ida nebe labele delega ne’e mak legislativo.

Maibé koalia kona ba separação de poderes ne’e, hamosu kedas ideia ida nebé dook liu ne’e poder temporal no poder religioso ne’e hamutuk de’it, ikus mai mak fahe; ne’e katak uma Creda iha ninia poder ketak no estado iha ninia poder ketak, ne’e mak hanaran separação estado e Igreja. Ida ne’e mak realiza uluk kedas; atu dehan, husi ne’e mak estado halao ninia knaar, uma Kreda halao ninia knaar. Liutiha ne’e, uainhira iha tiha separação entre Igreja ho estado ne’e mak depois estado ninia laran ne’e kaer fali principio separação de poderes enquanto uma Creda iha deit mak principio unicidade dos poderes.

No entanto, aplicação ba lei civil no lei canonico ne’e tuir Doscente Filosofia de Direito ISFIT ne’e katak ultimamente hamosu concordata atu nune’e iha relação entre estado ho Igreja, ida ne’e hanesan relação funcional ida ba assuntos nebé mak sira nain rua iha interesse, ninia exemplo mak assunto educação, atu forma ema nebé mak ao mesmo tempo hanesan cidadão no sarani, bele dehan sai ema nebé sarani; ida ne’e mak dalabarak liu hanaran interdependencia entre estado ho Igreja. Dala barak ona mak estado barak ona mak hamosu concordata ou acordo entre estado ho Santa Sé. Timor Leste nian foin mak halo iha tinan rua liuba no agora dadaun tama iha processo de negociação no implementação.

Jurista Baucau oan ne’e mos salienta : Politica ne’e laos exclusivamente estado nian, hanesan resposta ba opinião publica nebé questiona kona ba envolvimento padres sira nian iha politica tamba politica ne’e uma creda bele halo, oficialmente amo bispo sira mak hamriik iha assunto ida ne’e ninia oin, tamba politica ne’e ita koalia kona ba programas nebé mak governo ou estado sei halao atu bele fó beneficio ba povo; ida ne’e mak politica no politica ida hanesan ne’e uma creda bele halo. Ida nebé mak halo programa, executa programa no fo beneficio ba povo. Maibé politica atu sai politico, ida ne’e mak labele. Significa uma creda ho ninia hirarquia halo politica atu ba deputado, atu sai primeiro Ministro, atu ba presidente da Republica ou atu ba ministro, ida ne’e labele. Politica ida hanesan ne’e lori hirarquia Igreja nian ba iha poder secular. Ida ne’e canonica mos labele, moralmente mos labele. Nudar Bispo no padre laprecisa tan poder sira tamba ninia poder iha kedas ona, poder ida ne’e mak direito canonico fo ona. Nune’e ema nebé hanoin katak uma creda labele halo politica, ne’e hanoin nebé sala.

Ikus liu Ex-Diretór Comissão Justiça e Paz Diocese Baucau ne’e observa situação politica actual hodi dehan : ultimamente hahu kedas husi formação do governo, decisões politicas nebé mak cria conflito; participação uma creda nian, hamriik hela iha situação ne’e ninia oin, atu dehan ida ne’e mak opinião uma creda ninian no oinsa mak politico sira considera mos uma creda ninia hanoin em relação ho situação concreto nebé mak mosu; no ida ne’e laos buat foun ba uma creda. (Leo/Anno/Mário)

Leave a Reply

Your email address will not be published. Required fields are marked *