shadow
Diocese de Dili > NOTÍCIAS > REFLEXÃO > CONHECE JESUS NUDAR NAILULIK BOOT

CONHECE JESUS NUDAR NAILULIK BOOT

REFLEXÃO & LEITURAS DOMINGO QUARESMA V/Ano B/2018

Jer 31,31-34;  Heb 5,7-9;  Jo 12,20-33

 

Primeira Leitura                                                                                                                                                                                                  Jer 31, 31-34

Lia housi Livro Profeta Jeremias.

Nai futar lia: loron sei to’o, Hau sei halo moruk foun ida ho Israel uman no judá uman. Nia sei la hanesan moruk nebe Hau halo ho sira nia bei-ala sira,  hodi hasi sira housi Exipto. Moruk nebé sira la halo tuir, maski Hau ukun sira – Nai futar lia. Maibé, ida nee mak moruk nebé Hau sei halo ho israel uman, liu tiha loron hirak nee – Nai futar lia. Hau sei tau Hau ukun-fuan iha sira klamar, hametin iha sira fuan. Hau sei sai sira nia Maromak, sira sei sai Hau nia povo. Sira sei la hanourin malu, sira ida-idak sei la dehan ba nia maun-alin:”imi buka hatene Nai”. Sira houtu kiik, boot sei hatene Hau – Nai futar lia. Basá, Hau sei perdua sira salan, Hau sei la hanoin tan sira hahalok aat.

Maromak Futar Lia.

 

Salam Responsorial                                                                                                                                                            Sal. 50(51), 3-4, 12-13, 14-15

Refrão :  Na’i, haraik laran mós mai ha’u. Repete-se

Na’i, tan Ita Boot laran luak, sadia ha’u!

Tan Ita Boot hanoin Hau, kasu Hau salan.

Hamos hau hahalok aat,

Fase ha’u klamar. Refrão

 

Maromak hamoris iha ha’u laran, fuan mós ida,

Fó fali kbiit mai ha’u klamar;

Keta soe ha’u dook housi Ita futar oin,

Ita Boot nia Espírito keta dook housi ha’u. Refrão

 

Haraik fali ksolok Maksoyn mai ha’u,

Fó kbiit ba ha’u hakaran di’ak.

Hau sei hanourin Ita dalan ba sira be halo aat,

Maksalak sira sei fila ba Ita. Refrão

 

Segunda Leitura                                                                                                                                                                                                      Heb. 5, 7-9

Lia housi surat ba Hebreu sira :

Maun-alin sira; Cristo, wainhira sei moris iha rai, Nia harohan ho lain maka’as no ho mata-wen ba ida neb’e bele soy Nia housi mate. Tan Nia harohan di’ak, zimu duni tulun. Maski Oan, ho terus oin-oin, Nia hatene duni oin sá mak sei halo tuir deit. To’o Nia loron, Nia sai Maksoyn rohan laek ba ema houtu be halo tuir Nia hanourin.

Maromak Futar Lia.

 

Aclamação                                                                                                                                                                                                                   Jo. 12, 26

Refrão : Hahí no glória ba Ita Boot, Na’i Jesus Cristo. Repete-se

                   Ema nebé kaer Ha’u knar, sei tuir Hau;

                   Hau horik iha nebé, Hau emar mos sei horik iha nebá. Refrão

 

Evangelho                                                                                                                                                                                                               Jo 12, 20-33

+ Nai Jesus Cristo nia Evangelho nu’udar São João haktuir

Iha tempo nebá, ema gentio balun sa’e hamutuk ho sira nebé ba Jerusalém, atu halo adoração iha festa. Sira ba buka Filipe, rai Betsaída, Galilei nian, hodi dehan ba nia:”Na’i, ami hakarak har’e Jesus?” Filipe ba dehan ba André nune’e; Filipe ho André ba dehan ba Jesus. Jesus hahú ko’alia, hodi dehan ba sira: “Loron to’o ona atu Mane Maksoyn simu hahí”. Hau dehan lialos ba imi: trigo musan monu ba rai, la mate karik, nia hela mesak; maibé, nia mate karik, fo isin barak. Ema nebé hadomi nia moris, sei lakon moris nee; ema nebé, hewai nia moris iha mundo nee, sei hetan nafatin moris ne’e ba moris rohan laek. Ema nebé, servi Ha;u, sei tuir Ha’u; ha’u hela iha nebé, Ha’u emar hela mos iha nebá. Ema nebé servi Ha’u, Ha’u Aman sei hahí nia. Oras ne’e Ha’u neon sala. Ha’u sei dehan los sai ida? Aman, hadook tiha ha’u housi oras ne’e! Maibé, tan ne’e duni,mak Ha’u to’o oras ne’e!aman, hahí Ita naran”. Lian ida mai housi lalehan:”Ha’u hahí ona Nia, Ha’u sei hahí teni Nia”. Ema lubun nebé hela iha neba, rona ne’e, sira dehan katak rai-tarutu ida. Balun dehan:”anjo anjo ida mak ko’alia ba Nia”. Jesus ko’alia hodi dehan:”la’os tan Ha’u mak mosu lia nee; maibé, tan imi. To’o ona oras atu halo justi,ca ba mundo ne’e. Iha oras ne’e, mak duni sai liurai mundo ne’e nian. Maibé, ha’u, ema hari tiha housi rai, Ha’u sei dada hotu mai Ha’u”. Nia ko’alia hanesan ne’e, atu hatudu, Nia sei mate oin sá.

Lia Maksoyn

 

Reflexão

CONHECE JESUS NUDAR NAI LULIK BOOT (SUMO SACERDOTE)

Haré Jesus nia imagem nudar figura Nailulik boot. Modelo Nailulik lolos nebe ho domin boot saran Ninia moris hodi terus nudar sinal solidariedade ba ema nobun. Nee mak mensagem principal nebe ita sei relfelcte no contempla hamutuk iha leitura sira Domingo semana nee nian. Iha relato sira Evangelho nian, haktuir katak; Ema Grego (Yunani) nebe por natureza laos ema Judeu (Yahudi) iha coragem hodi buka Jesus. Ita nudar Cristão Católico Timor Leste, precisa reflecte ita nia moris hodi haré Jesus hanesan Maksoyn nebé sei salva ita.

Capítulo 12 João Evangelista nia relato fo imagem kona ba parte final Jesus nia missão iha público, molok tama ba acontecimento sira paixão (Jesus nia terus, mate no moris hias) nian. Evento paixão ita sei comemora iha semana oin; hahú husi Domingo de Ramos. Hanesan ema grego (Yunani) sira nebe buka Jesus, nudar Evangelho relata, ita Cristão Católico mos hetan coragem husi sira hodi buka no conhece Jesus nia imagem lolos. Motivação hodi haré Maromak nia imagem laos mosu deit iha Evangelho hanesan ita rona iha Domingo semana nee maibé, iha Antigo Testamento mos ita le no acompanha bebeik ema barak nebe deseja atu haré Maromak nia futar oin (Exemplo; iha Leitura Salmo sira). Iha neba descreve ema nia desejo eh ema nia saudades hodi haré Maromak.

Livro Hebreu iha Segunda Leitura fo conhecimento diak ba ita kona ba luta espiritual Jesus nian iha jardim Oliveira. Husi aspecto humano nian, Jesus hatoo ona oração pedido no laran taridu ba nain nebe bele salva ita husi mate (heb 5,7). Iha antigo Testamento, ita la hetan nailulik boot ida mak bele compara ho ema baibain. Ao passo que, iha Novo testamento, nailulik boot nebe nebe hatudu nia domin ba ema pecador sira. Novo Testamento fo imagem Jesus Cristo nudar nailulik nebé diferente ho nailulik iha Antigo Testamento (AT).

Jesus nia modelo sacerdócio (modelo nailulik) fo sentido kona ba disponibilidade hodi simu terus (compassio/sacrifício) no solidariedade. Jesus aplica sentido solidariedade hodi sente mos ema nia condição terus iha mundo nee isin no klamar tomak, excepto pecado deit mak Jesus la comete. Compaixão (compassio) significa; ita nia sensibilidade (neon nain) ba ema seluk nia terus no susar sira. Ida nee mak sentido sacerdócio (nailulik) nebe Jesus hakarak hanorin ba ema fiar nain sira.

Jesus nia imagem sacerdotal no sentido solidariedade iha Novo Testamento lori mensagem saida ba ita? Jesus nia imagem sacerdotal nebe ita fiar no conhece laos atu halo ita dook husi Maromak maibé, halo ita besik no conhece diak liu Maromak. Desafio sira, fraquesa sira, tentação sira, susar no terus nebe mosu mai ita nia moris halo ita hetan oportunidade diak hodi besik no conhece diak liu tan Maromak nia imagem iha Jesus Cristo.

Mensagem principal mak nee, Jesus nia doutrina no lalaok sira kona ba paixão laos atu halo ita lakon esperança (desesperado), lakon fiar, muda fiar ba religião seluk, sente moris nee lakon valor, nst….basá, ita nudar cristão iha convicção (keyakinan) ida katak Jesus sempre horik ho ita too mundo nia rohan (Emanuel).

Livro Hebreu iha segunda leitura fo tada katak; Jesus nebe hetan ona salvação (moris hias) husi mate nia ukun, tan Ninia santidade no pedido sira Maromak atende tuir Ninia condição humana. Então, se nuné, ita mos hetan consolação (aten brani) basá, ita nia oração, perseverança (ketekunan) ba Maromak nia vontade, halo Maromak rona ona ita nia oração no harohan sira.

Ita sarani sira ohin loron, fiar no conhece Jesus liu husi Sagrada Escritura (Bíblia) liliu husi relato evangelho sira. Evangelho nudar sasin eh Testamunha husi apóstolo sira kona ba Jesus atu ema hotu bele conhece diak Maromak. Além testamunha sira iha Evangelho, iha mós sasin moris sira nebe la relata iha Bíblia maibé, ita acompanha rasik iha ita nia moris sarani nian. Entre Maromak nia emar santo no santa sira, exemplo concreto ida mak São João Paulo II nebe uluk 1989 sama ain iha Timor (tasi tolu).

Ita foti São João Paulo II nudar exemplo nebe besik liu tanba Santo nee nia istória tomak, hasoru experiência terus oioin. Exemplo uluk Mahmet Ali Agca tenta atu tiru mate Papa nee iha praça de São Pedro. Ne’e fo hanoin katak ema hotu, inclui Jesus nia saseluk sira hanesan Amu Papa, Bispo no amululik sira mos sempre liu husi terus, sá tan ita sarani nebe fiar duni Jesus nudar Maksoyn.

São João Paulo II ema tenta atu oho maibé, la  consegue. Maske nunee, ninia kanek sira halo nia hetan sofrimento boot iha ninia tempo idade. Liliu molok atu remata ninia viagem iha mundo nee, Papa nee sofre moras parkinson (nakdedar) nebe causa husi kanek nebe nia sofre. Ninia sofrimento nee halo ninia visita sira hahu redus no hamenus mos ninia costume hakerek encíclica sira, too nia husik iis iha mundo nee iha fulan Abril tinan 2005. Ninia testemunha ho ninia sacrifício halo nia merece hetan kolen nudar Maromak nia Santo.

Iha Timor, Dom Carlos Filipe Ximenes Belo sai voce of the Voiceless ba Timor oan hotu, Papa João Paulo II sai mensageiro Paz ba mundo tomak too ninia mate.

Nunee, esperiência terus eh sacrifício nebé São João Paulo II sente durante ninia moris tomak halo nia halao duni ninia knaar nudar Bibi Atan no halo nia conhece diak liu tan Jesus nia imagem compaixão. Hodi conhece diak Jesus Cristo nia imagem nee mak halo Papa nee molok husik iis, nia hatete:”Husik hau fila ba Aman nia uma”. Nunee, nia husik iis iha dia 2 de Abril de 2005 tuku 9. 37 oras Vaticano. Liu husi ninia sofrimento no mate, halo nia sai exemplo sacerdóte Cristo nian, Jesus nia vigário lolos no servidor Reino Lalehan nebe justo. Jesus salva ita ho nia paixão no ita nia hahalok sarani nian mos halo ita hare no conhece diak liu tan Jesus nia imagem lolos.

Tempo Quaresma nudar tempo oportuno kmanek ida atu ita nia Jejum no abstinência quaresmal sira, lori ita besik liu tan ba Jesus Cristo. Assim Seja e Bem Haja. (ignaslopes)

Leave a Reply

Your email address will not be published. Required fields are marked *