shadow
Diocese de Dili > NOTÍCIAS > Notícias > D. VIRGILIO COMPLETA TINAN 2 SAGRAÇÃO BISPO NIAN

D. VIRGILIO COMPLETA TINAN 2 SAGRAÇÃO BISPO NIAN

DCDD (19/03/2018) Caritas Christi Urget Nos (Cristo Nia Caridade Mak Obriga Ita) sai hanesan motto ba Sagração Bispo Virgilio do Carmo da Silva SDB iha loron 19 fulan Março 2016 iha Tasi Tolu Dili. iha biban Sagração Bispo nian nee, D. Virgilio be hili moto Caritas Cristi Urget Nos nee hateten Liu housi Motto “Caritas Christi Urget Nos” (Cristo Nia Caridade mak obriga ita) durante ne’e inspira ha’u nia moris no liu-liu nudar Amo Lulik. Hanesan buat nebé São João dehan: “Maromak nia domin housi kedas ona Mundo hahu to’o ohin loron, masque ema housi tempo ba tempo, constantemento manifesta ita infendelidade ba Maromak, maibé, Maromak nia domin hetok makas nafatin ba nia povo.

Hafoin celebra tinan 2 Sagração nudar Bispo Diocese Dili nian, iha intervista D. Virgilio hateten; Iha hau nia Consagração iha tinan rua liu ba quando hau hahu hau sempre iha finalidade ida deit katak oinsa mak atu servisu hamutuk ho amululik sira, ho sarani sira bele hametin liu tan fiar sarani ninian. Nee duni oinsa mak bele fornece qualidade formação diak ida ita nia sarani sira mak liu husi formação ba Seminarista sira, qualifiacação ba amululik sira e nunee mos formação ba sarani sira. Tanba nee durante tinan rua nia laran koko atu hatene ituan realidade nebe Diocese nee enfrenta, tan nee iha tinan ba dala uluk nian nudar Bispo nian hau koko atu hatene ituan emgeral realidade Diocese ida nee ninian nebe composto husi cidade nomos buat nebe foho ninian nebe hatudu realidade rua nebe la hanesan, iha necessidade nebe hanesan, maibe vontade sarani ninian hakarak atu oinsa mak atu liu husi formação, hametin programas hahu husi nível Paróquia ida nian too mai iha nível Diocese.

Virgilio hatutan tan katak; Depois de tinan rua hau iha nee hau realiza katak tinan importante masque sei iha necessidade boot ida maibe hau hakasan nafatin hodi buka meios oi-oin atu bele promove nafatin. Ita tem que agradece ba Maromak tanba ita nia história Timor ninian mai too iha neste momento atu dehan deit katak história Timor ninian nee hatudu katak ema ida nebe iha cultura no ema ida nebe iha fiar. Tempo lao ba oin, história lao ba oin, hodi influência nebe tama mai sai hanesan cultura moderno nian nebe sai mos hanesan desafios tama mai ba fiar Uma Creda nian. Hare ba ida nee laos atu dehan katak laos desanima, maibe ida nee hanesan desafio ida atu Uma Creda mos iha opurtunidade nee buka koko oinsa mak bele prepara an diak liu tan atu oinsa bele hasoru realidade nebe ita tama dadaun. Dalan atu bele combate, dalan atu ita bele contra ataca ba perigos sira nebe mai mai hasoru Uma Creda nee, ita precisa prepara diak liu tan ita nia an no mos educa diak liu tan ita nia an.

D. Virgilio haforsa tan katak; Ita hare ba tinan rua nebe liu daudaun husi Diocese dedica nudar tinan Sagrada Escritura tanba nee tinan ida tomak nia laran ita tau Maromak Nia Futar Lia nudar base hodi comvida fila fali sarani sira atu descobre fila fali nia fiar hodi hadomi Sagrada Escritura. Tinan ida nee nian laran mos (2018) Diocese dedica nafatin mos Bíblia, atu ita labele hadookan husi Bíblia então nudar programa Diocese ninian hodi Bíblia nee tama iha família. Tanba nee atu fortifica liu tan pilar ida nee, Diocese realiza formação ba iha agentes Pastorais husi cada paróquias no Estação sira e formação iha tinan rua nee nia laran nee Diocese halo especial ituan tanba sira agente sira mai hela metin quase semana rua atu loron kalan bele participa ativa iha formação sira atu nune sira bele ba halo prática. (Equipa ITE & DCDD)

Leave a Reply

Your email address will not be published. Required fields are marked *