shadow
Diocese de Dili > NOTÍCIAS > LETURA DIÁRIA > Quinta-Feira, V Semana tempo Quaresma

Quinta-Feira, V Semana tempo Quaresma

ANO B

 

Primeira Leitura                                                                                     Gen. 17. 3-9

Lia  housi Livro Genesis

Iha loron hirak neba, Abraão monu taka oin ba rai. Hafoin Maromak lia tun ba nia nune’e: “Ne’e Ha’u Nia moruk ho ó: ó sei sai povo wa’in sira aman. Ó nia naran la’os teni Abrão; maibe Abraão mak ó nia naran, tan Ha’u sei halo ó sai nação barak sira nia aman. Ha’u sei halo ó bei-oan sira sura la bele; povo sira nia hun ba ó; housi ó sei sai liurai sira. Ha’u sei halo moruk ho ó ho ó nia bei-oan sira, housi derasaan ba derasaan. Moruk ne’e sei metin nafatin atu Ha’u sai ó nia Maromak no mós ó nia bei-oan sira nia Maromak, sira nebe tuir ó. Ha’u sei fó ba ó, hafoin, ba ó nia bei-oan sira mós, rai nebe ó tur hanesan ema la’o rai, rai Canaã tomak, atu sai ó nian nafatin. Ha’u mak sai Maromak ema hot-hotu nian”. Maromak lia tun teni ba Abraão: “Ó sei moris tuir Ha’u nia moruk, ó ho ó nia bei oan sira, housi derasan ba derasan”.

Maromak Futar Lia.

 

Salmo Responsorial                                                                                                                                                Sal. 104(105). 4-5, 6-7, 8-9 (R. 8a)

Refrão : Na’i hanoin nafatin Nia lia moruk!!! Repete-se

 Hanoin Na’i, hanoin Nia biit,

Buka nafatin Nia futar oin.

Hanoin kmanek sira be Nia halo ona,

Ninia buat foun di’ak sira,

No liafuan sira housi Nia futar ibun. Refrão

 

Imi, bei-oan sira housi Abraão, Nia atan,

Imi, be Nia doben Jacob nia oan sira,

Na’i mak ita nia Maromak,

Nia liafuan mak lei iha rai-klaran tomak. Refrão

 

Na’i hanoin nia lia moruk,

Liafuan be Nia hakotu ba derasaan rihun ba rihun,

Moruk be Nia halo ona ho Abraão,

Juramento be Nia halo ona ho Isaac. Refrão

 

Aclamação                                                                                                                                                                                                      Sal. 94(95). 8ab

 Refrão : Hahi ba Ita, Jesus Cristo, Liurai glória rohan laek nian!!! Repete-se

                  Ohin imi rona karik Na’i nia lia, keta taka imi fuan. Refrão

 

Evangelho                                                                                                                                                                                                                Jo. 8. 31-42

+ Na’i Jesus Cristo nia Evangelho tuir São João

Iha tempo neba, Jesus lia tun ba judeu sira nune’e: “Tebes, tebes duni, Ha’u dehan ba imi: ema se halo tuir Ha’u nia liafuan, nia sei la mate. Judeu sira hatan ba Nia: “Oras ne’e ami hare katak demónio iha duni ó laran. Abraão mate tiha ona; profeta sira mós hanesan, maibe ó fali dehan: ‘ema se halo tuir ha’u nia liafuan, nia sei la mate’. Ó kala boot liu fali ami aman Abraão nebe mate tiha ona? Profeta sira mós mate ona? Ó hakarak sai sé lós?” Jesus dehan teni ba sira: “Ha’u hahi karik Ha’u-An rasik, Ha’u nia hahi ne’e la folin buat ida. Ha’u Aman mak hahi Ha’u, Nia be imi hateten: ‘Nia ami nia Na’i Maromak!’ Maibe imi la hatene Nia. Ha’u mak hatene Nia. Ha’u dehan karik Ha’u la hatene Nia, Ha’u mos bosok-ten hanesan imi. Maibe Ha’u hatene Nia. Ha’u halo tuir Nia liafuan. Abraão, imi aman, haksolok hodi hanoin atu haré Ha’u nia loron; lós duni, nia haré ona loron ne’e hodi haksolok”. Judeu sira hateten ba Nia: “ Ó seida’uk iha tinan limanulu, ó haré ona Abraão?” Jesus hatan ba sira: “Tebes, tebes duni, Ha’u dehan ba imi; molok Abraão mosu, Ha’u iha”. Nune’e sira káer fatuk atu tuda Nia. Maibe Jesus helik-An tiha hodi sai housi templo.

Lia maksoyn.

Leave a Reply

Your email address will not be published. Required fields are marked *