shadow
Diocese de Dili > NOTÍCIAS > Notícias > Saida Mak Sarani Sira Hein Husi Amululik Ida

Saida Mak Sarani Sira Hein Husi Amululik Ida

DCDD (22/ 03/2018), Dom Virgilio celebra Missa Crismal badala rua hamutuk ho Nailulik sira iha SE Catedral Dili. Iha Missa nee mos hetan presença máximo husi Padres sira nebe pretence ba Diocese Dili nian, tanto Diocesano no mos Religiosos, Diáconos, Madres no sarani sira. Dom Virgilio cita liafuan kmanek ida hodi desafia Padres sira atu, metin nafatin iha vida Sacerdócio nee nian. Tan nee Dom Virgilio dehan: ohin ita celebra Missa Crismal atu renova hikas Nailulik nia comprimisso Sacerdócio nian. Iha loron ida nee, wainhira ita hanoin fali kona ba vida Sacerdócio, apelo boot ida ba ita hotu atu, hanoin kona ba ita nia an nuudar Amululik. Bispo hateten lia hirak nee iha nia homilia ba Nailulik sira iha SE Catedral Dili iha loron 22 fulan Março tinan nee.

Bispo hatutan tan katak; Amululik ida oinsa nian mak sarani sira hein? Sarani sira hein amululik ida moris duni iha mundo, maibe la buka deit ksolok ba ninia an, ida nebe hakbesik ba ema hotu; ferik e katuas, matenek e beik, ba partido hotu-hotu, família hotu, maibe la pertence ba ema ida, la pertence ba grupo ida no la pertence ba família ida. Nailulik ida nebe partilha ema hotu nia terus, penetra ema hotu nia segredo, atu nia bele kura ema ninia kanek, Nailulik ida nebe hatene harohan ba nia povo, Nailulik ida nebe hatene harohan ba Maromak atu nia povo bele hetan nafatin perdão, atu nia povo bele hetan nafatin esperança.

Bispo dehan tan relaciona ho Missa Crismal nee katak iha mundo nebe ohin loron ita moris ba, obriga mos ita atu iha matan nebe foun, matan ida fiar nian, matan ida amululik ninian, ita hotu fila fali ba loron ordenacão nian, ita mos koko tiha ona Maromak nebe fihir ita ida-idak, Maromak nebe hare ita ida-idak ho matan domin ninian, Maromak nia bolu ita ida idak, Maromak mak penetra ita nia fuan nudar ita ema ba Nia, hare ita nia fuan ho laran obriga ita atu hela nafatin iha domin ida nee nia laran. Ida nee mak fo sentido ba salvação ohin ninian.

Celebração ohin loron nian convida ita amululik sira mos precisa hamatan foun, matan fiar nian, uluk nanain atu iha capacidade, atu hare ba hau nia-an oinsa hamoris hau sacerdócio. Masque desafio no dificuldade boot nebe hau enfrenta hau koko nafatin atu moris nudar Amululik lolos ida, fiel nafatin ba hau nia promessa iha loron ordenacão nian. Tan nee precisa duni matan fiar ninian mak ita ba hetan fali sentido hirak nee; matan ida unido, sincero no corazoso atu fo testamunho kona ba ita nia Sacerdócio. Ho matan fiar nian mak hau bele servisu hamutuk ho amululik sira seluk, ho matan haraikan nian mak hau hatene colabora, hau bele comfia maluk amululik sira seluk, reconhece mos ema seluk nia diak, ema seluk nia força nunee bele ajuda atu servisu hamutuk hodi promove nafatin harmonia iha Uma Creda laran. (Alin/Nor/Verdy)

Leave a Reply

Your email address will not be published. Required fields are marked *