shadow
Diocese de Dili > NOTÍCIAS > REFLEXÃO > HARAIK-AN NUDAR ATAN HODI SERVI

HARAIK-AN NUDAR ATAN HODI SERVI

 REFLEXÃO DOMINGO DE RAMOS /Ano B/2018

Mc. 11, 1-10 (antes procissão) Is. 50, 4-7;  Flp. 2, 6-11; Mc. 14, 1-15 ,47

(Evangelho depois de Procissão)

Primeira Leitura                                                                                                                                                                                                       Is 50. 4-7

Lia housi Livro Profeta Isaías nian      

Na’i haraik tulun, atu ha’u ko’alia nu’udar escolante ida, hodi hatene tulun ho lia fuan ida, ema sira be iha susar laran. Dadersan-dadersan, Nia loke Ha’u tilun atu Ha’u rona, hanesan escolante sira rona. Na’i Maromak loke Ha’u nia tilun, Ha’u la sees, Ha’u la hakiduk. Ha’u, see Ha’u kotuk ba ema sira be baku Ha’u; Ha’u see Ha’u hasan ba ema sira be fokit Ha’u hasanrahun; Ha’u la subar Ha’u oin ba lia aat no kaben tasak. Na’i Maromak mai tulun Ha’u, tan ne’e Ha’u la moe. Ha’u halo Ha’u oin to’os hanesan fatuk, Ha’u hatene katak Ha’u sei la hein leet.

Maromak Futar Lia.       

 

Salmo Responsorial :                                                                                                                                         Sal 21 (22), 8-9, 17-18ª, 19-20, 23-24

Refrão : HA’U NIA MAROMA, HA’U NIA MAROMAK TAN SÁ HEWAI HA’U? Repete-se

 

Sira bé har’e ha’u, hamoe ha’u,

Sira biu ibun, hodi doko ulun:

“Nia fiar iha nia Na’i, Na’i nee sadia Nia ba!

Sadia Nia, tan hakarak Nia di’ak!” Refrão

 

Asu lubun boot haleu ha’u,

Ema aat lubun boot hadulas ha’u.

Sira hedi borus ha’u liman no ain,

Ha’u bele sura ha’u ruin tomak. Refrão

 

Sira lees fahe Ha’u unuk ba sira,

Sira har’e Ha’u tais atu monu ba sé.

Maibé, Na’i, Ita keta hadook-An housi Ha’u;

Ho kbiit, mai sadia Ha’u! Refrão

 

Ita naran Ha’u sei haklaken ba maun-alin sira,

Ha’u sei hahii Ita iha ema sira leet.

Imi be ta’uk Na’i, hahí Nia ba,

Jacob oan sira houtu, imi fo glória ba Nia,

Israel oan sira houtu, hanai Nia ba. Refrão

 

Segunda  Leitura                                                                                                                                                                                                     Flp 2, 6-11

Lia housi São Paulo nia surat ba sarani sira iha Filipo

Maun-alin sira: Jesus Cristo maski Maromak los, Nia la hatudu Nia ilas nu’udar Maromak, maibé, Nia haraik-An nu’udar atan, hodi mosu mai nu’udar mane los. Nu’udar mane los, Nia haraik-An liu atan, wainhira Nia halo tuir deit too mate, hodi mate iha Cruz! Tamba nee, Maromak hahí Nia, hodi haraik naran boot ida ba Nia, naran ida boot liu naran hotu hotu iha rai-klaran. Tan ne’e, ema hotu-hotu rona tiha Jesus nia naran, sei tuku tur hanai Nia iha lalehan, ka iha rai-klaran, ka iha inferno laran! Nunee mak povo houtu sei hatene katak Jesus Cristo mak Na’i, hodi fo glória ba Aman Maromak.

Maromak Futar Lia.

 

Aclamação                                                                                                                                                                                                                  Flp. 2, 8-9

Refrão : Liurai, glória rohan laek, ami hahí Ita!!! Repete-se

Cristo halo tuir de’it to’o mate, mate iha cruz

Tan ne’e, Maromak hahí Nia,

Hodi fó naran ida ba Nia,

Boot liu naran houtu. Refrão

 

Evangelho                                                                                                                                                                                                              MC 11, 1-10

Nai Jesus Cristo nia Evangelho nudar São Marcos haktuir           

Iha tempo nebá, besik daudaun ona ba Jerusalém , besik rai Betfagé ho Betânia, iha foho ai oliveiras laran, Jesus haruka nia escolante na’in rua ba, hodi dehan:”imi ba iha knua nebá, hela iha imi oin; imi tama ba, imi sei haré kedas kuda burro oan ida, kesi hela, ema ida seidauk sae. Imi kore tiha nia, lori mai. Ema ruma husu karik imi, tan sá imi halo nee, imi dehan: Na’i hakarak nia, maibé, la kleur sei haruka lori fali mai iha ne’e. Sira ba, sira hetan kuda burro oan ida kesi hela iha odamatan ida, iha liur, besik luron; sira kore tiha nia. Ema balun be hela iha nebá, husu ba sira: tan s’a, imi kore kuda burro oan?” Sira hatan tuir Jesus hanourin, ema husik sira la’o. Sira lori kuda burro oan mai Jesus, tau tiha sira hena iha leten, Jesus sa’e ba nia. Ema barak nahe sira hena iha dalan, sira seluk nahe aisanak matak nebe sira tesi iha to’os. Sira be lao iha oin ho sira be lao iha kotuk, haklalak, dehan:”Hossana! Di’ak tebes ida be mai hodi Na’I nia naran! Di’ak tebes Aman David nia Reino nebé, to’o daudaun mai. Hossana áas ba!”.

Lia Maksoyn.

 

Reflexão :

HARAIK-AN NUDAR ATAN HODI SERVI

Sofrimento (terus), mate no moris hias Jesus Cristo nian, sai nudar princípio fundamental ba tópico reflexão nebe Cristão Católico ida-idak sei reflecte no contempla durante Semana Santa, desde Domingo Ramos. Ita sei ba acompanha hamutuk no sentido fiar metin kona ba acontecimento hirak nebe marca Jesus nia momento ikus sira husi Ninia presença iha rai nee.

Buat nebe precisa ita hatene hodi fiar mak; Jesus nia terus (paixão) tem que reflecte tama too ita nia fuan laran. Fuan sarani nian nebe quase agonia hela ona (Conciência moris sarani menos até Conciência matek). Durante semana Santa, ita hetan biban diak (oportunidade) hodi conhece besik liu tan Jesus no conhece mos ema hirak nebe halo terus Jesus.

Durante Semana Santa nee, ita laos conhece deit ema sira haterus Jesus iha tempo nebá, maibé, ita mos hetan biban hodi conhece ema sira ohin be ohin loron continua haterus Jesus (-keta ita mos inclui karik….????????).

Iha narração paixão Jesus nian, ita bele sente directamente lalaok/gambaran Jesus nia laran taridu tan Jesus nia belun no escolante sira abandona Nia. Jesus finalmente, depende deit ba Ninia-An rasik (haré husi aspecto humano). Jesus hetan traição husi escolante Judas Iscariotes. Jesus la hatan Pilatus wainhira Pilatus halo pergunta. Pilatus la iha vontade atu defende Jesus, até Ninia escolante sira nebe fofoun husik buat hotu hodi tuir Nia, ikus mai halai lakon wainhira ema captura Jesus iha jardim Oliveira. Pedro rasik mos nega momos Jesus wainhira feto ida hatauk nia iha altura ema condena Jesus.

Contecimento hirak nebe São Marcos Evangelista haktuir, hatete katak; Jesus ho Ninia escolante sira hiit-an husi fatin han kalan ikus nian (última ceia) ba too Jardim Oliveira (Getsemani). Tuir fali, depois de Pilatus julga Jesus, Jesus simu condenação injusta hodi lori Cruz todan too foho Calvário (Golgotá) molok ema hedi. Evangelho mos relata katak; wainhira Jesus mate tiha, ema diak balun hetan licensa hodi lori Jesus nia isin mate ba hakoi.

Husi acontecimento nee, Jesus afinal quebra tiha valor vaidoso ema mundo nian basá, Jesus nia lalaok iha Ninia paixão hanorin ita katak; Autoridade no lider nebé diak mak; Servi, dedicação no laran luak. Lalaok hirak nee nia we matan mak virtude/grandesa haraik-an.

Além de nee, iha mos lição seluk nebe precisa ita aprende iha Jesus nia paixão, tuir evangelista Marcos nia relato; feto ida nebe kose mina folin karun (mina narwastu) ba Jesus nia ulun, hetan crítica forte husi ema sira nebe assiste, maske atitude nee tuir Jesus digno tebtebes. Iha Timor Leste, político sira gosta halo crítica ba político selu relaciona ho sira nia governação maske de facto iha buat balu diak nebe governo ida halo ona iha tempo hirak liu ba. Nee significa katak; ita ema nia fraquesa principal ida mak; ita gosta buka ema seluk nia parte fraco hodi hatun no ignora tiha buat diak lobuk nebe ema nee halo ona. Motivo husi crítica hirak nee, barak liu mak tanba interece pessoal.

Aprende husi feto laran luak nee, ita aprende fidelidade (kesetiaan) maske feto nee laos ema conhecido. Jesus nia escolante rasik nebe dala barak horik hamutuk ho Jesus, barak mak abandona Jesus wainhira Jesus hetan susar.

Ita Católico barak mos barak mak hasees-an husi Igreja, wainhira moris diak ona. Wainhira hasoru desafio ruma eh funu ruma, começa nadodon fali ba Igreja ho intenção nebe cuitadinho los (desgraça). Feto kose mina ba Jesus nia ulun hatudu sentido fidelidade, haraik-an no partilha/fahe buat ruma atu ema hotu hetan buat diak ruma. Ita nia expressão laran luak ba ema seluk precisa comprova husi fo buat nebe folin liu nebe ita iha. Santa Teresa de Calcutá justifica lalaok nee iha ninia missão tomak hodi dehan; diak liu halo buat kiik ho boot do que halo buat boot ho fuan kiik.

São João Paulo II iha liturgia sexta feira Santa dala ida iha Roma, nia dehan: ”se tan, se laos Maksoyn nebe ema condena injustamente, hodi  lori naha ema barak nebe terus tanba injustiça? se tan, se laos Liurai nebe ema tolok-hotar, tafui kaben, ema basa, atu lori naha ema barak nebe lakon esperança, ema la considera? Se tan, se laos Maromak Oan Mane nebe ema hedi ba Cruz hodi sente ema wain nia susar, triste, kiak no lakon esperança moris?”    

São João Paulo II nia afirmação nee kesi ba Primeira Leitura profeta Isaías nian nebe tenik katak:Ha’u, see Ha’u kotuk ba ema sira be baku Ha’u; Ha’u see Ha’u hasan ba ema sira be fokit Ha’u hasanrahun; Ha’u la subar Ha’u oin ba lia aat no kaben tasak.”

Ita precisa orgulho, haksolok no agradece ba ita fuan, basá, ita hetan Maksoyn ida nebe laran luak, atenção ba ita nia moris susar sira, moris nakonu ho pecado, horik nafatin ho ita (Emmanuel), hola parte iha ita nia tristesa sira. Será que ita disponível (laran kmaan) hodi selu lalaok hirak nee ba ita nia maluk sira/ema seluk sem discriminação?.     

São Paulo iha Segunda Leitura fo hanoin ba sarani Filipo sira inclui mos ita nobun atu hamamuk-an no haraik-an hanesan atan ida bas’a, ida nee mak Jesus nia lalaok principal.

Mai simu ita nia Liurai Maksoyn nebe sae kuda buru (sinal paz) hodi bolu ema hotu sai fiel no hatene servi ema seluk. Assim Seja (ignaslopes)

Leave a Reply

Your email address will not be published. Required fields are marked *