shadow
Diocese de Dili > NOTÍCIAS > Notícias > CRUZ UNIVERSITÁRIO MOSU INICIATIVA HUSI BISPO MATEBIAN D. ALBERTO RICARDO DA SILVA

CRUZ UNIVERSITÁRIO MOSU INICIATIVA HUSI BISPO MATEBIAN D. ALBERTO RICARDO DA SILVA

DCDD (25/03/2018) – Pe. Ângelo Salsinha haktuir história hirak nee iha SE Catedral Dili ba estudantes Universitário sira atu conhece história processo Cruz Universitário nee existe. Tan nee Pe. Ângelo iha nia discurso hateten; Cruz Universiário nee mosu tanba iniciativa husi bispo matebian D. Alberto Ricardo da Silva tempo. Hirak nee hotu Amu bispo matebian hare ba história Timor ninian nebe mak uluk missionário sira tama mai Timor nee tanba sira hare cruz ida wainhira sira reza iha foho Mena Atambua, descobre iha Timor hare ahi ida lakan hanesan cruz  iha foho Timor ninian (Oe-Cusse), por razão história ida nee maka sira hakarak descobre cruz nee los kalae ou ahi ruma mak iha neba? Ho ida nee missionário sira tama iha Oe-cusse. Wainhira sira too iha Oe-cusse hare ailaran tuan no laiha cruz no hetan deit mak povo iha neba. Husi história sira nee maka hahu  Iha 2007 wainhira situação rungu-ranga iha Timor ‘Dili’, iniciativa ida cruz Jovem Internacional vizita Timor, iha momento ida difícil amo bispo husu ami Comissão Joventude organiza oinsa mak simu cruz Jovem Internacional nebe mai husi Alemanha atu entrega ba Australia liu husi Timor. Iha situação ida nee defícil, ita iha crise nia laran maibe amo bispo husu ami equipa oan ida ba apresenta ba nia atu oinsa hodi simu cruz ida ne. Maibe iha tempo nee ami dehan ba amo bispo; iha situação ida nebe que defícil hanesan nee, refugiado iha fatin bar-barak, ita nia segurança laiha, oinsa mak ita bele organiza simu cruz ida Internacional se buat ruma acontece karik oinsa! Maibe amo bispo dehan nunee; se ida nee graça ida ba Timor karik entre imi hirak nee ba organiza atu simu deit cruz nee mai tau iha Catedral too ona, nee hanesan bensão ba rai ida nee, haktuir Pe. Ângelo Salsinha.

Pe. Ângelo Salsinha declara katak; Ami halo tuir hodi obedece liafuan nebe amo bispo dehan e hahu husi nee ami comissão joventude ami organiza viasacra ida iha duni Domingo ramos. Iha momento neba ami hakarak sadik jovem sira; se cruz maksoyn ida nee bele halibur ita hotu-hotu, ita ida-idak sai husi ita nia bairo, ita nia Paróquia mai consentra iha Catedral Dili. iha situação defícil laiha sigurança, jovem sira husi Becora, Comoro, Motael no fatin sira sel-seluk sai husi sira nia fatin hodi halo proceição mai missa hamutuk ho amo bispo iha Catedral.

Pe. Ângelo Salsinha hateten; Iha situação ida nee ema dehan katak imi bulak tanba organiza duni actividade hirak nee iha situação ida defícil nia laran hodi sunu refugiado sira iha fatin hotu-hotu nia laran hodi mai halo proceição hamutuk tanto husi ida-idak nia Paróquia ao mesmo bairos sira hodi mai missa hamutuk ho amu bispo iha Catedral too remata. Mas que actividade nee lao too remata maibe acontece buat ruma.

Pe. Ângelo Salsinha reforsa tan katak; Cruz jovem Internacional nee mai vizita timor durante loron tolu nia laran hodi haleu Paróquia sira Dili laran nian ho ambiente ida be hakmatek no iha oração nia laran. Ho razão ida nee maka amu bispo dehan katak ita labele para iha nee, maibe hau hakarak entrega cruz missionário ba juventude liu-liu ba Universitáio sira tanba imi mak futuro esperança família ninian, esperança Timor-Leste ninian, Creda no mundo milénio foun nee nian, Hau Bispo D. Alberto ricardo da Silva hodi fo comfiança ba Departamento Juventude Católica atu organiza hodi entrega duni cruz Universitário/cruz Missionários nee ho razão história, plano pastoral, ida nee duni mak entrega ba juventude sira mai ami hodi organiza hodi entrega fofoun ba Universitário DIT. Husi nee hahu ona tradição foun ida iha vida Universitário ho civitas Acadêmicas sira hodi organiza-an hodi simu cruz.

Hafoin husi Universitário DIT entrega ba iha UNTL, hafoin entrega fali ba ICR nunee entrega fali ba IOB, husi IOB entrega fila fali ba UNITAL e ohin loron continua nafatin ho missão razão história no pastoral atu oinsa imi sai duni esperança ba família, Creda, nação no ba mundo. Ho razão fundamental ida nee maka cruz Universitário lao hodi sai nudar tradicão católica fiar ida iha Universidade sira. (Ceko)

Leave a Reply

Your email address will not be published. Required fields are marked *