shadow
Diocese de Dili > NOTÍCIAS > Notícias > UNITAL ENTREGA CRUZ UNIVERSITÁRIO BA CRISTAL

UNITAL ENTREGA CRUZ UNIVERSITÁRIO BA CRISTAL

DCDD (25/03/2018) – Rotação Cruz Universitário nian iha Universidade sira hotu sai ona hanesan tradição ida atu hafanun nafatin foinsae sira nia fiar hodi fiar metin liu tan ba mestre boot Jesus Cristo. Tan nee, durante tinan ida tomak Cruz Universitário nebe horik hamutuk iha Universidade UNITAL, iha loron iha loron Domingo Ramos loron 25 fulan Março tinan nee, UNITAL entrega hikas Cruz Universitário ba iha Universidade CRISTAL iha Catedral Dili atu durante tinan tomak ida nian laranhorik iha CRISTAL.

D. Virgilio do Carmo da Silva, bispo de Dili iha ocasião nee encoraja nafatin jovem sira atu ho presença cruz jovem nian nee iha Universidade sira, atu labele halo deit cruz nee sai hanesan decoração ida iha sala laran maibe hakasan atu hakbesik hodi hasae oração, koalia ho Cristo basa mestre boot liu hotu mak Cristo.

Bispo hateten; Ita tem que sente orgulho ho iniciativa nebe D. Alberto husik hela mai ita iha ita nia Universidade sira e liu-liu husi Cruz nia presença bele inspira nafatin seja educador nunee mos alunos atu buka buat nebe as liu iha ita nia moris. Finalidade husi buat hotu nebe ita buka no imveste atu bele descobre buat ida deit “VERDADE”. Ciência nia lori ita atu hetan verdade. Cristo los duni mak verdade nia hun. Wainhira ita loke duni ita nia an, hau hanoin nia sei ajuda duni tia hotu atu nakfilak ita nia família iha ita nia Universidade sira ba fatin matenek ninian, fatin paz no unidade.

Bispo alerta mos katak; Cruz nia presença iha ita nia Universidade sira atu labele halo deit hanesan Dekorasi, maibe oinsa mak foinsae sira atu aproveita presença cruz nian atu passa imi nia tempo wainhira imi sente mesak, hakbesik ba cruz nee halo imi nia oração no rona Jesus nebe koalia ba imi.

Presidente DEJUCCDIL Pe. João Soares iha biban nee mos declara katak Ho laran luak agradece ba Reitor Cristal ninian nebe hatudu nafatin prontidão atu bele simu cruz Universitário nian atu iha tinan ida nia laran sei ba hamahan an ita ita boot nia família Cristal ninian, heinkatak ho presença cruz nian iha neba, ita boot nudar bibiatan ida bele cordena hodi cruz nee nia presença lori mos mensagem furak no domin nian ba foinsae sira hotu nebe mak halao sira nia estudo iha Cristal.

Sorin seluk Reitor UNITAL Dr. Roberto Gerônimo iha nia discurso mos hateten; Ohin nudar tempo diak ida atu Universitário UNITAL entrega hikas cruz ba iha Universitário KRISTAL. Tanba nee hau apela ba iha Universidade CRISTAL atu cruz nee laos para atu ornamento deit  iha sala sira maibe loke odamatan para comunidade Universitária quer individual ou grupo hodi ba halo oração atu nunee foinsae sira bele sai símbolo nebe diak basá Cristo é símbolo da verdade, esperança e paz. Tanba ita espera katak jovem sira mos bele sai nudar Cristo

Tuir programa katak iha tinan oin iha Domingo de Ramos Universitário Cristal sei entrega hikas cruz ba iha Universitário UNDIL. (Ceko)

Leave a Reply

Your email address will not be published. Required fields are marked *