shadow
Diocese de Dili > NOTÍCIAS > LETURA DIÁRIA > Quarta-Feira da Semana Santa

Quarta-Feira da Semana Santa

ANO B

 

Primeira Leitura                                                                                       Is. 50. 9-4

Lia  housi livro Isaías nian

Na’i haraik tulun mai ha’u atu ko’alia nu’udar escolante ida, atu ha’u hatene tahan ho liafuan ema sira nebee kole liu. Dader-dader Nia fanu ha’u atu ha’u rona hanesan escolante ida. Na’i Maromak loke ha’u tilun; ha’u la se’es, ha’u la hakiduk. Ha’u sée ha’u kotuk ba ema sira be baku ha’u; ha’u sée ha’u hasan ba ema sira be fokit ha’u hasa rahun; ha’u la subar oin ba lia áat eh kebén tasak. Na’i Maromak mai tlun ha’u, tan ne’e ha’u la moe; ha’u halo ha’u oin to’os hanesan fatuk. Ha’u hatene katak ha’u sei la terus leet; ida nebe sei halo justiça mai ha’u, Nia besik hela ha’u. se lós mak brani hasouro ha’u? Nia hamriik mai to’ok, mai koko malu. Se lós mak ha’u nia funu baluk? Nia mosu to’ok mai! Na’i Maromak mak mai tulun ha’u. Sé lós mak barani fó ha’u ba susar?

Maromak Futar Lia.

 

Salmo Responsorial                                                                                                                       Sal. 68(69). 8-10, 21bcd-22, 31, 33-34 (R. 14c,b)

Refrão : Na’i, tan Ita laran-luak tebes, rona ha’u!!! Repete-se

 

Tan ba Itaboot, ha’u terus lia áat,

Ha’u oin moe teb-tebes;

Ha’u sai fuik le’et ba ha’u maun-alin sira,

Sai ema fuik ida ba ha’u nia família.

Ita uma nia di’ak halakon ha’u,

Lia áat hirak hasouro Ita monu mai ha’u leten. Refrão

 

La áat hakanek ha’u laran, ha’u lakon biit.

Ha’u hein laran luak nebe la mosu,

La hetan ema ida haksolok ha’u laran.

Sira kahun naan-horus iha aihan,

Sira hakak fó tua sin ha’u atu hemu. Refrão

 

Ho knanauk ha’u sei hahi Maromak Nia naran;

Ha’u sei hasa’e glória ba Nia, hodi fó agradece;

Imi sira be haraik-an haré mai, hodi haksolok;

Imi buka Na’i, imi laran sei haksolok fali.

Na’i rona ema ki’ak sira, Nia la hakribi dadur sira. Refrão

 

Aclamação                                                                                         

Refrão : Glória ba Ita, Jesus Cristo, Aman Nia Liafuan!!! Repete-se

Tabe Na’i! Amim Liurai. Ita de’it mak laran luak sadi’a ami salan. Refrão

 

Evangelho                                                                                                                                                                                                             Mt. 26. 14-25

+ Na’i Jesus Cristo nia Evangelho tuir São Mateus

Iha tempo neba, Escolante na’in sanulu resin rua ne’e ida, naran Judas Iscariotes, ba futu lia ho sacerdote boot sira, hodi dehan: “imi hakarak fó sá mai ha’u atu ha’u bele fó Jesus ba imi?” Sira hakotu lia fó osan tolunulu ba nia. Hori loron ne’e, Judas buka fatin atu saran Jesus. Iha loron uluk Ázimos nian, escolante sira ba hasouro Jesus hodi dehan: “Ita hakarak ami hadi’a sasan iha nebe atu ita han Pácsoa?” Jesus dehan: “Imi ba hasouro ema ida iha cidade hodi dehan ba nia: “Ha’u nia loron besik ona. Ha’u sei han Páscoa iha ó nia uma hamutuk ho Ha’u nia escolante sira!”. Escolante sira halo tuir nu’udar Jesus haruka hodi hadi’a Páscoa. Loron monu tiha, Jesus ho Nia Escolante nain sanulu resin rua tur iha mesa. Sira han dau-daun Jesus dehan: “Ha’u dehan lia-lós ba imi: Imi ne’e ida sei saran Ha’u ba mate. Ho laran susar teb-tebes, sira ida-idak husu ba Nia: “Ha’u karik Na’i?” Jesus hatan: “Ida nebe hatama liman hamutuk ho Ha’u iha bikan; nia mak sei saran Ha’u. mane-Maksoi ba ona mak ne’e nu’udar hakerek nanis kona ba Nia. Maibe susar ba ida nebe saran Mane-maksoi ba mate. Ema ne’e la moris karik, kala di’ak liu”. Judas nebe atu saran Nia, koa’alia hodi dehan: “Keta ha’u karik, Mestre?” Jesus dehan ba nia: “Hanesan ó dehan”.

Lia maksoyn.

Leave a Reply

Your email address will not be published. Required fields are marked *