shadow
Diocese de Dili > NOTÍCIAS > LETURA DIÁRIA > Quinta-Feira da Oitava da Páscoa

Quinta-Feira da Oitava da Páscoa

ANO B

 

Primeira Leitura                                                                                       Act. 3: 11-26

Lia husi livro Apóstolo sira nia hahalok

Iha loron hirak neba, ema be moras housi moris mai nebe hetan ona isin di’ak, buka hela hamutuk nafatin ho João no pedro. Povo tomak hakfodak, mai halibur mal iha odamatan be naran Salomão, iha buat mosu ne’e nia oin. Pedro dehan ba povo: “ Ema Israel sira, tansá imi hakfodak ho buat ne’e? Tan sá imi hateke metin mai ami, hanesan ahodi ami nia biit rasik eh laran-luak mak halo ema ne’e la’o fali? Abrão nia Maromak, fó tiha glória ba nia atan Jesus, nebe imi hewai no saran ba mate iha pilatos nia ema santo no justo; imi husu tiha perdua ba ema oho-dor ema nian ida hodi fó mate ba liurai Moris hun nian. Maibe Maromak halo nia moris hi’as housi mate sira leet no ami tomak fó sasin ba buat ne’e. Hodi fiar metin iha nia naran mak ema nebe imi haré no hatene, naran ne’e maka’as, mak fó isin di’ak ba nia iha imi tomak nia oin.

Maun alin sira, oras ne’e ha’u hatene katak imi halo hotu hodi imi nia beik; nune’e mós imi ulun sira, nune’e mak Na’i halo tuir lolós buat nebé fó sai nanis ona houri uluk housi profeta sira. Na’i nia Messias sei hetan terus no mate. Ne’e duni imi hakribi imi salan hodi fila hikas ba Na’i atu imi salan tomak bele hetan perdua. Nune’e, Na’i sei halo mosu tempo ksolok, sei haruka ba imi Messias Jesus, nebe houri uluk kedas hakotu ona ba imi; lalehan sei rai didiak nia to’o rohan moris hi’as buat hot-hotu nian, nebe Maromak haklaken tiha ona husi imi maun-alin sira leet. Imi sei rona nia hodi halo tuir buat hotu nebe nia dehan ba imi. Ema nebe la rona nia sei mate housi povo nia leet.” Profeta hot-hotu, hahu housi Samuel no sira nebe tuir nia, sira dehan hodi fó sai mós konaba loron ne’e.

Imi hotu-hotu simu liman-rohan housi profeta sira no husi lia moruk nebe Maromak hakotu ona ho imi aman sira, hodi dehan ba Abraão: “Ó nia bei-oan no familia sira hotu rai ne’e nian, sei simu bensa wa’in. Tan ba imi mak uluk knana’in, Maromak haruka nia atan atu atan ne’e haraik bensa ba imi, hodi hasai imi ida-idak housi imi hahalok áat.”

Maromak futar lia.

 

Salmo Responsorial                                                                                                                                                                                      Sal. 8. 4-9 (R. 2ª)

Refrão : Na’i, ami nia Maromak, ita naran boot tebes iha rai tomak!!! Repete-se

Ou            Aleluia!

 

Wainhira ha’u fihir lalehan be ita liman halo,

Fulan no fitun be ita hakiak;

Sá make ma atu ita hanoin nia,

Ema nia oan, atu ita tau matan ba? Refrão

 

Ita halo nia oituan kiik liu fali anjo sira,

Ho glória no rahun di’ak ita hafutar nia;

Ita fó biit ba nia hodi ukun sasan hotu be ita liman halo,

Ita tau buat hotu iha nia ain okos. Refrão

 

Bibi sira no balada maus sira,

No mós balada fuik sira hotu,

Manu sira be semo iha lalehan,

No ikan sira be moris iha tasi

No buat hotu be nani la’o iha tasi. Refrão 

 

Aclamação                                                                                                                                                                                                      Sal. 117 (118). 24

Refrão : Aleluia, Aleluia!!! Repete-se

                  Ida ne’e mak loron be Na’i halo;

                  Ita haksolok hananu iha loron ne’e. Refrão

 

Evangelho                                                                                                                                                                                                              Lc. 24. 35-48

+ Na’i Jesus Cristo nia Evangelho nu’udar São Lucas haktuir

Iha tempo nebá, escolante sira housi Emaús haktuir ba malu buat nebe mosu iha dalan no oinsá Jesus hatudu-an ba sira wainhira nia silu fahe pão. Wainhira sira haktuir daudaun buat hirak ne’e, nia rasik mosu tiha iha sira leet hodi dehan ba sira: “ Dame hela ho imi”. Sira hotu hakfodak no tauk teb-tebes hodi hanoin katak espírito áat ruma. Jesus dehan ba sira: “Tan sá imi ta’uk hodi hanoin áat iha imi fuan? Imi haré mai Ha’u liman no ain: Ha’u duni! Káer Ha’u Isin bá, imi hatene katak espírito ida la iha isin no ruin hanesan Ha’u be iha”. Dehan tiha ne’e, hatudu Nia liman  no ain ba sira. Tan sira haksolok tebes no fiar sei namlele, laran sei ta’uk. Nia husu nune’e ba sira: “Iha ne’e imi iha buat ruma atu han?” Sira fó tiha ba Nia ikan tunu baluk ida nebé Nia simu tiha hodi hahu han daudaun iha sira hotu nia oin. Hafoin, dehan ba sira: “Lia hirak ne’e mak Ha’u hato’o ba imi wainhira Ha’u sei hela ho imi; sei halo tuir lolós buat nebé hakerek nanis ona kona ba Ha’u iha Moisés nia lei, iha profeta sira no iha salmo sira”. Nune’e, sira neon nakloke hodi hahu compreende Escritura tomak. Na’i dehan ba sira: “Hakerek nanis tiha ona katak Messias sei terus to’o mate, maibé liu loron tolu, Nia sei moris hi’as housi mate sira leet, nebé hodi Nia naran, sei haklaken ba nação hot-hotu atu sira hakribi hodi husu perdua ba sira salan, nebé sei hahu housi Jerusalém. Imi mak sasin buat hirak ne’e hotu nian.

Lia maksoyn.

Leave a Reply

Your email address will not be published. Required fields are marked *