shadow
Diocese de Dili > NOTÍCIAS > LETURA DIÁRIA > Sábado da Oitava da Páscoa

Sábado da Oitava da Páscoa

ANO B

 

Primeira Leitura                                                                                     Act. 4. 13-21

Lia  housi livro Apóstolo sira nia hahalok

Iha loron hirak neba, judeu nia ulun sira haré ba Pedro ho João, hakfodak teb-tebes, tan sira ema povo simples, la’os matenek. Judeu sira hatene ona katak sira ne’e Jesus nia escolante, maibé, tan sira haré iha sira oin ema nebé Apóstolo sira fó isin di’ak, sira la dehan teni buat ida. Tan ne’e, sira haruka Apóstolo sira sai housi fatin tesi lia nian no sira hahu haksesuk malu: “Sá lós mak ita sei halo ba ema sira ne’e? Buat nebé mosu liu ona housi sira, buat lós nian, nebé ema judeu tomak fó sasin; tan ne’e, ita la bele nega. Maibé, atu buat ne’e la bele halekar ba povo tomak nia leet, ita hata’uk sira ho castigo atu sira la bele ko’alia tan kona ba ema ne’e nia naran ba ema ida.

Nune’e, sira bolu Apóstolo sira hodi bandu sira atu keta hanourin no ko’alia hodi Na’i Jesus nia naran. Maibé Pedro ho João hatan ba sira: “Imi ida-idak iha Maromak Nia oin hanoin ba; obdece imi hodi halo tuir imi nia ordem mak lós eh halo tuir Na’i Jesus nian. Ami mak sei la husik atu ko’alia buat nebé ami haré no ami rona”. Nune’e, sira fó liberdade ba Apóstolo sira ho hata’uk liu tan no mós la hetan buat ida atu castigo sira tanba povo, tan ema hot-hotu fó glória ba Maromak kona ba buat nebé mosu liu tiha ona.

Maromak Futar Lia.

 

Salmo Responsorial                                                                                                                                 Sal. 117(118). 1, 14-15, 16ab-18,19-21 (R.21ª)

Refrão : Na’i, ha’u sei hahi Itaboot, basá Ita rona ha’u!!! Repete-se

Ou            Aleluia!

 

Imi agradece Na’i, basá Nia laran di’ak;

Nia domin rohan la’ek.

Na’i ha’u kbiit; Nia ha’u maksoyn.

Rona mai iha knananuk manan nian

Iha ema di’ak sira nia hôrik fatin. Refrão

 

Na’i nia futar liman halo buat kmanek oi-oin;

Na’i nia futar liman foti ha’u.

Ha’u sei la mate, maibé sei moris beibeik

Atu hananu Na’i nia hahalok kmanek.

Tebes duni, Na’i haraik castigo mai ha’u,

Maibé la saran ha’u ba mate. Refrão

 

Loke odamatan manan nian mai ha’u;

Ha’u sei tama atu fó agradece ba Na’i.

Ne’e mak Na’i nia odamatan,

Housi Nia, sei tama ema di’ak sira hotu be manan.

Na’i, ha’u agradece Ita, basá Ita fó

Rahun di’ak mai ha’u, Ita ha’u nia maksoyn. Refrão

 

Aclamação                                                                                                                                                                                                      Sal. 117(118). 24

Refrão : Aleluia, Aleluia!!! Repete-se

                  Ida ne’e mak loron be Na’i halo; Ita haksolok hananu iha loron ne’e. Refrão

 

Evangelho                                                                                                                                                                                                               Mc. 16. 9-15

+ Na’i Jesus Cristo nia Evangelho nu’udar São Marcos haktuir

Jesus moris hi’as fali iha dadersan loron uluk semana nian, hodi mosu dala uluk liu ba Maria housi Magdala, nebé housi nia Jesus duni sai demónio na’in hitu. Nia ba fó hatene ba Jesus nia belun sira nebé hanoin nia hodi tanis wa’in tebes. Sira rona katak Jesus moris hi’as fali housi mate nebé nia haré rasik ho nia matan. Maibé, sira la fiar. Tuir mai, Jesus mosu nakfila-An ba ema na’in rua housi sira nebé tuir dalan ba knua. Sira na’in rua fila kedas; ba fó hatene ba sira seluk kona ba Jesus mosu ba sira, maibé, sira la fiar nafatin.

Ikus mai, Jesus mosu hi’as ba Apóstolo na’in sanulu resin ida nebé han dadaun iha mesa hodi haksiak sira tan sira fiar la metin no tan sira laran tós hodi lakohi fiar iha sira nebé haré Na’i Jesus moris hi’as housi mate. Tuir mai, Jesus dehan ba sira: “Imi ba mundo tomak hodi haklaken Lia-Foun ba ema hot-hotu”.

Lia maksoyn.

Leave a Reply

Your email address will not be published. Required fields are marked *