shadow
Diocese de Dili > NOTÍCIAS > LETURA DIÁRIA > Terça-Feira, da II Semana da páscoa

Terça-Feira, da II Semana da páscoa

ANO B

 

Primeira Leitura                                                                                   Act. 4. 32-37

Lia housi livro Apóstolo sira nia hahalok

Iha loron hirak neba, ema sira nebe fiar hodi simu Cristo nia doutrina, sira laran ho neon ida de’it. Iha sira leet, ida la dehan: ‘ ne’e ha’u nian; ne’e ó nian’. Ida-idak nia soi, sira hotu nian.

Apóstolo sira ho biit wain, fó sai katak Na’i Jesus moris hi’as duni. Apóstolo sira hotu ema hadomi. Iha sira leet, ema kiak la iha, tan maluk sira nebe iha to’os ka uma, sira faan tiha hotu; hafoin, lori to’os ho uma nia folin ba tau iha Apóstolo sira ain. Tuir mai, fahe tuir ida-idak nia susar.José, levita ida husi rai Chipre, ida nebe Apóstolo sira hanaran Barnabé, dehan katak ‘oan consolação nian’, nia iha to’os ida. Faan tiha to’os ne’e lori nia folin mai, nebe rai tiha iha Apóstolo sira ain.

Maromak futar lia.

 

Salmo responsorial                                                                                                                                                           Sal. 92(93). 1ab, 1c-2,5 (R. 1ª)

Refrão : Na’i mak liurai be hafutar-an ho glória!!! Repete-se

Ou           Aleluia!!!

 

Na’i mak liurai hatais no ukun liurai,

Nia hafutar-an ho biit no beran boot. Refrão

 

Nia hari metin mundo rai-klaran, la book-an;

Nia trono metin houri ukuk kedas.

Nia iha nanis molok tempo hahu. Refrão

Na’i nia sasin so’i fiar metin,

Santidade hôrik iha nia uma,

Tinan ba tinan. Refrão

 

Aclamação                                                                                                                                                                                                                      Jo. 3. 15

Refrão : Aleluia, Aleluia!!! Repete-se

                  Mane-Maksoyn, ema seai foti nia ba áas atu ema hotu nebe fiar,

                  bele hetan moris rohan laek iha nia. Refrão

 

Evangelho                                                                                                                                                                                                                   Jo. 3. 7-15

Na’i Jesus Cristo nia Evangelho tuir São João

Iha tempo neba, Jesus dehan ba Nicodemos: “Ó keta hakfodak tan ha’u dehan ba ó: ‘imi tenki moris fali’. Anin huu husi fatin nebe nia hakarak, ó rona nia lian; maibe ó la hatene nia mai husi nebe no mós la hatene atu ba nebe. Nune’e mós ba ida nebe moris husi espírito”. Nicodemos hatan ba nia: “ oinsá bele sai nune’e? Jesus dehan khikas ba ni: “ Ó mak mestre Israel, ó la hatene buat ne’e? Tebes, tebes duni ha’u dehan ba ó. Ha’u ko’alia konaba buat nebe ha’u hatene, ha’u fó sasin kona ba buat nebe ha’u haré, maibe, imi la simu ha’u nia sasin. Imi la fiar karik wainhira ha’u dehan ba imi kona ba sasan sira rai nian, oinsá imi bele fiar wainhira ha’u ko’alia konaba sasan sira lalehan nian? Ema ida seidauk sa’e ba lalehan, se la’e ida be tun husi lalehan mai: Mane-maksoi. Hanesan Moisés foti sa’e samea iha rai-fuik-maran, nune’e mós mane-maksoi ema sei foti nia ba áas, atu ema hotu nebe fiar bele hetan moris rohan laek iha nia”.

Lia maksoin.

 

Leave a Reply

Your email address will not be published. Required fields are marked *